Chapletajic 38:26 - Quiché Bible

²⁶ Aretak ri Juda xuch'ob qui wäch ri jastak, xubij: “Ri are' utz ri u banom, are c'u ri in in lawalo, rumal rech chi man nu yo'm ta c'u che chi cäc'uli' ruc' ri nu c'ojol Sel.” Mawi c'u jumul xk'oyi' ta chi ruc'.

Chapletajic 38:26 ပူးပေါင်းရင်းမြစ်များ

Chapletajic 37:33

Aretak xch'ob taj u wäch rumal ri Jacob, xubij: “¡Are wa' ri rij ratz'iak ri nu c'ojol! Jun juyubal awaj xbanow ch'akatak che xutij c'ut.”

Chapletajic 38:14

ri Tamar xresaj ri atz'iak re malcanil, xuch'uk c'u rib ruc' jun ch'ukubal rech man c'o ta jun cäch'obow u wäch, xt'uyi apan tza'm ja che ri tinimit Enaim ri coc'ow wi ri be ri cäbe pa Timnat. Xuch'obo chi tz'akatinak chic ri u junab ri Sel, man c'u yo'm ta che rachajil rumal ri' je xuban wa'.

Chapletajic 4:1

Ri Adan, ri Eva xcuc'aj quib, xc'oji' c'u ri Cain ri qui nabeal, xubij ri Eva: “Ri Ajawaxel u yo'm jun wal ala.”

Ucab Samuel 16:22

Xtanix c'u jun cäbal ri lic'om che ri Absalon puwi' ri ja, chila' c'u xk'oyi' wi ri Absalon cuc' tak ri man kas ta e rixokil ri u tat, chquiwäch conojel ri aj israelib;

Ucab Samuel 20:3

Aretak xtzelej ri David pa ri rachoch ri c'o pa Jerusalen, xebuc'am ri e lajuj man kas ta e rixokil ri e u yo'm can che u chajixic ri rachoch xebunim c'u pa jun ja, xcoj chajil quech. Xutakej c'u quilixic chila'. Man c'u xwar ta chi cuc'. Xak c'u e tz'apil chila', e jacha' malca'nib, xejeki' chila' c'a xecäm na.

Ucab Samuel 24:17

Aretak c'u xril ri David ri tako'n aj caj ri quebucämisaj ri winak, xubij che ri Ajawaxel: “¡In ri in macuninak! ¡In ri in ajchak'mac! ¿Jas c'ut ri qui banom we winak ri' ri man c'o ta qui mac? ¡In quinbochi'n che la chi ri c'äjisabal wächaj ri caya' la chkaj panuwi' xukuje' paquiwi' ri wachalaxic!”

Ri Job 4:5

¿la catbarobiric casach c'ut ri a chuk'ab camic ri at c'o chupam ri c'axc'olil?

Ri Job 40:5

In ch'awinak chi jumul xukuje' camul, man c'o ta chi c'u jas quintiko.”

Ri Ezequiel 16:52

Are c'u ri at cach'ijijej na ri a mach'irisaxic, rumal c'u rech chi xebaban na macaj ri sibalaj e xojibal na chquiwäch ri xequiban ri e awachalal, xaban chque chi je ta ne ri quek'alajinic chi ma ta c'o qui mac. Are c'u ri at cacoch'ochej na we q'uixbal ri' xukuje' cach'ijijej na ri a mach'irisaxic, xaban c'u chque ri e awachalal chi je ta ne ri ma ta c'o qui mac.

Ri Habacuc 1:13

Ri lal sibalaj lal ch'ajch'oj che u c'ulaxic ri lawaloyil, che u ca'yexic ri etzelal ri cäkaj ta chwäch la; ¿jasche quekaj ri banal tak etzelal chwäch la man c'o ta c'u jas cabij ta la chque, man cäch'aw ta c'u la aretak ri banal etzelal cusachisaj qui wäch ri e utz na chuwäch ri are'?

Ri Matey 3:8

Chebibana' ba wächinic ri takal che q'uexoj c'uxaj.

Ri Xuan 8:9

Aretak xquita' wa', pa jujunal xquichaplej quelic bic, nabe xebel bic tak ri ri'jab, xcanaj c'u can u tuquiel ri Jesus xukuje' ri ixok, ri c'ä tac'al chila'.

Romanos 13:12

Oc'owem cuban ri ak'ab, cäketet chi ulok ri k'ij; mäkaban chi ri chac re ri k'eku'm. Chkabana' ba ri chac re ri sakil. Chkacojo' ri chacubal re ch'o'j.

Romanos 3:19

Keta'm chi ronojel ri cubij ri pixab, chque conojel ri e c'o chuxe' ri pixab cubij wi, rech conojel ri winak man cuya' taj cäquibij chi man c'o ta qui mac, rech conojel ri winak cho ri uwächulew quec'oji' chuxe' ri u k'atoj tzij ri Dios.

Nabe Samuel 24:17

xubij che: “Ri at are cätajin caban ri suq'uilal, are c'u a banom ri utzil chwe che u q'uexwäch ri etzelal ri nu banom chawe.

Nabe Samuel 24:18

Camic a c'utum chnuwäch chi catzucuj ri u banic utzil chwe, in u jachom c'u ne ri Ajawaxel pa a k'ab, man xinacämisaj ta c'ut.