Chapletajic 38:24 - Quiché Bible

²⁴ Oc'owinak chi oxib ic' aretak xya' u bixic che ri Juda, xbix che: “Ri awalib Tamar u nimon rib cuc' tak achijab, k'alaj chi yawab winak chic.” Ri Juda ruc' royowal xubij: “¡Chiwesaj bic, chiporoj pa k'ak'!”

Chapletajic 38:24 ပူးပေါင်းရင်းမြစ်များ

Chapletajic 20:3

xch'abex c'u ri Abimelec pa u waram rumal ri Dios pa ri ak'ab ri', xubij ri Dios che: “Catecämok, rumal rech chi c'ulanic ri ixok ri a c'amom.”

Chapletajic 20:7

Chatzelej ba' ri rixokil we achi ri', ri are' k'axal c'u tzij cutz'onoj c'u tok'ob pawi' rech catc'asi' na, we c'u man catzelej che, ri at xukuje' ri e c'o pa ri awachoch quixcäm na.”

Chapletajic 20:9

Ri Abimelec xtakan che u siq'uixic ri Abraham, xubij che: “¡Chawilampe' ri a banom chke! ¿Jas c'ax nu banom chawe chi a c'amom ulok jun nimalaj mac panuwi' xukuje' ri e nu winak? We jastak ri' man queban taj.

Chapletajic 34:31

Xquitzelej c'u u bixic: “¿La are ta c'u takalic chi ri Siquem je cuban che ri kanab jas ri cäban che jun nim ch'utin?”

Chapletajic 38:23

Xutzelej c'u u bixic ri Juda: “Chubana' ba' rech chque ri jastak, mubij ne chi xa cujsubunic; kas c'u xawilo chi xintak bic ri alaj q'uisic', man c'u xarika' taj.”

Ucab Samuel 12:5

Ri David sibalaj xpe royowal chrij we achi ri', xubij c'u che ri Natan: “¡Quinban na ri chi'nic ri kas cäban na pa ri u bi' ri Dios chi jachin ri xbanow we jasach ri' takal che chi cäcämisaxic!

Ucab Samuel 12:7

Xubij c'ut ri Natan che ri David: “¡Lal ri' we achi ri'! Are c'u wa' ri u yo'm u bixic ri Ajawaxel, ri u Dios ri Israel: ‘Ri in xatincha' rech cätux ajawinel puwi' ri Israel, xatinto' c'u pa u k'ab ri Saul;

Ri Tzijonel 7:26

Nu rikom jun jasach ri c'o na chuwäch ri cämical: ri ixok ri cucoj ri ranima' che qui cojic c'amibal ri caximan ruc' tak ri e u k'ab. Ri utz u binibal chuwäch ri Dios canimaj na chuwäch, are c'u ri cäbin pa ri mac cäkaj na pa tak ri e u c'amibal.

Ri Jeremiy 2:20

“Kas ojer ulok in a c'ulelam ulok, xak'il awib che nu nimaxic. Je xa bij wa': ‘Man quinwaj taj quinpatanijic.’ Puwi' conojel u tza'm ri juyub ri naj elinak chicaj xukuje' chuxe' ronojel che' ri jewel u xak xajach wi awib che ri cuc'axic quib cuc' achijab ixokib che qui banic macunic.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ri Jeremiy 3:6

Pa tak ri e u k'ijol ri ajawinel Josiy xubij ri Ajawaxel chwe: “¿La awilom ri xuban ri Israel ri man nimanel taj? Xbec xujach rib che u banic ri cuc'axic quib cuc' achijab ixokib che qui banic macunic puwi' ri juyub ri naj elinak chicaj xukuje' chuxe' ronojel che' ri e jewel u xak.

Ri Jeremiy 3:8

xrilo xukuje' chi ri in xinwetzelaj u wäch ri Israel ri man nimanel taj xinjach c'u bic kas xa' rumal ri xriktaj pa mac. Are c'u ri Juda, ri rachalal ri Israel ri man jic taj, man xuxe'j ta rib, xane' xukuje' ri are' xbec xuchaplej u banic ri mac re ri nim ch'utin.

Ri Ezequiel 16:15

Xa' jiquiba' c'u a c'u'x chrij ri a je'lical, xaya' c'u u k'ij chi nim a banic xatux jun quech ri nim ch'utin xac'ayila' c'u ri a cuerp, che ronojel ri coc'owic.

Ri Ezequiel 16:25

Pa conojel tak ri u xo'l tak be xebawoc wi tak we c'olbal ri', xajalwächij c'ut ri a je'lical pa jun xojibalalaj jasach xachi'j c'u ri a cuerp che ronojel ri coc'owic, amak'el c'ut xatux junam cuc' ri quech ri nim ch'utin.

Ri Ezequiel 16:26

Xatijoj awib che u banic ri cäquiban ri quech ri nim ch'utin cuc' tak ri e a c'ulja, ri aj Ejipt ri sibalaj c'o qui cuinem che ri macunic jacha ri cäquiban ri quech ri nim ch'utin, xa' walijisaj c'ut ri woyowal cumal tak ri e a macunic che nim ch'utin amak'el.

Ri Ezequiel 16:28

Man c'u xcu'bi ta a c'u'x ruc' wa', xac'ayila' awib pa qui k'ab ri aj asiriyab jacha ri cäquiban ri quech ri nim ch'utin; mawi c'u ne xcu'bi ta a c'u'x ruc' wa'.

Ri Ezequiel 16:41

Caquit'ik na k'ak' chque tak ri awachoch caquiya' c'u na ri c'äjisabal wächaj chawe chquiwäch ri tinimit ixokib. Quinsach na u tza'm ri quebabano jacha ri cäquiban ri quech ri nim ch'utin, man catakej taj qui tojic tak ri e awanima' awib cuc'.

Ri Ezequiel 23:19

Xa' c'u sibalaj xuban re ri cäquiban ri quech ri nim ch'utin chi na, xnataj c'ut ri rac'alal che, aretak xux jacha ri cäquiban ri quech ri nim ch'utin pa Ejipt.

Ri Ezequiel 23:44

Xepe ruc' ri Ahol xukuje' ruc' ri Aholib, ixokib ri etzokopitalic, jacha' ta ne ri cäbe jun cuc' tak ri quech ri nim ch'utikab.’

Ri Ezequiel 23:5

Ri Ahol man xux ta jic wuc' are xbe ranima' cuc' tak ri ranima' rib cuc', ri e banal tak ch'o'j aj asiriyab,

Ri Osey 2:5

Ri qui nan xux quech ri nim ch'utin; xutzak ri u nimarisaxic u k'ij, aretak je xubij wa: ‘quinbe na che quitzucuxic tak ri wach ch'aben, ri queyo'w nu wa wuq'uia', ri rismal nu chij xukuje' ri nu sakloloj atz'iak lino, ri waseit xukuje' tak ri wuq'uia'.’

Ri Osey 3:3

Xinbij che: “Q'ui k'ijol cätux na wech; maban chic ri qui mac ri quech ri nim ch'utin, mawi majach awib pa u k'ab chic jun achi, xukuje' c'u ri in quinux jic awuc'.”

Ri Osey 4:15

We ri at, Israel, catux jun quech ri nim ch'utin, ma ta c'u ne chmacun ri Juda. ¡Mixbe ix pa Jilgal mawi mixpaki pa Bet-aben mawi quiban ri chi'nic ri kas cäban na, mixcha' rumal ri u c'aslemal ri Ajawaxel!

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Aj Levitib 21:9

We ri u mia'l jun cojol tabal tok'ob caretzelaj rib cux c'u re nim ch'utin, caresaj u q'uixbal ri u tat, rajawaxic c'aslic cäporox pa k'ak'.

Romanos 14:22

Ri cojonic ri c'o awuc', awech at wa' chuwäch ri Dios. ¡Utz c'u re ri winak ri cuchomaj chi utz jun jasach, we man cuna' pa ranima' chi mac cubano!

U Camulixic ri Pixab 24:16

Ri tataxelab man cuya' ta quec'okox che cämical qui mac quech ri e qui banom ri e qui c'ojol, mawi c'ojolaxelab qui mac quech ri e qui banom ri tataxelab, xane' chquijujunal quecäm na qui mac quech ri qui mac.

K'atal tak Tzij 19:2

Xoyowar c'u ri ixok ruc' ri aj Levi, xtzelej c'u ri ixok xec'ol pa Belen ruc' ri u tat. Aretak c'o chi quiejeb ic' chila',