Chapletajic 38:14 - Quiché Bible

¹⁴ ri Tamar xresaj ri atz'iak re malcanil, xuch'uk c'u rib ruc' jun ch'ukubal rech man c'o ta jun cäch'obow u wäch, xt'uyi apan tza'm ja che ri tinimit Enaim ri coc'ow wi ri be ri cäbe pa Timnat. Xuch'obo chi tz'akatinak chic ri u junab ri Sel, man c'u yo'm ta che rachajil rumal ri' je xuban wa'.

Chapletajic 38:14 ပူးပေါင်းရင်းမြစ်များ

Chapletajic 24:65

xubij che ri pataninel: “¿Jachin we achi ri' ri petinak pa ri juyub che ka suq'uil?” “Are' ri wajaw,” xcha' ri pataninel. Ri Rebec xuc'am ri ch'ukubal rib xuch'uk ri u palaj.

Chapletajic 38:15

Aretak xril ri Juda, xuchomaj chi are' jun ixok quech nim ch'utin, u ch'ukum c'u ri u palaj.

Chapletajic 38:19

Xbe c'u ri Tamar cho rachoch xeresaj ri atz'iak ri u cojom, xucoj chi jumul ri atz'iak re malcanil.

Chapletajic 38:26

Aretak ri Juda xuch'ob qui wäch ri jastak, xubij: “Ri are' utz ri u banom, are c'u ri in in lawalo, rumal rech chi man nu yo'm ta c'u che chi cäc'uli' ruc' ri nu c'ojol Sel.” Mawi c'u jumul xk'oyi' ta chi ruc'.

E C'ambal tak Tzij 7:10

Chanim c'ut xel ulok ri ixok che u c'ulaxic, u wikikem rib jas ri u nak'atisabal jun ixok ri re nim ch'utin,

E C'ambal tak Tzij 7:12

Ri xak cäwacatic pa tak be, cho tak c'ayibal, pa tak xquina reyem jachin ri nabe coc'owic rech cäkaj pa u k'ab.

Ri Jeremiy 3:2

Chebawila' ri e qui wi' tak ri juyub ri e tol, utz qui ca'yexic chabana': ¿jawije' ta ri ma ta esam wi a q'uixbal? At t'uyulic jacha' ri aj Arab re ri chaki'j uwo sak, chuchi' ri be quebaweyej tak wi ri e awachil. Atz'ajom ri ulew cumal tak ri e awuc'axic awib cuc' achijab ixokib che qui banic macunic xukuje' ri awetzelal.

Ri Ezequiel 16:25

Pa conojel tak ri u xo'l tak be xebawoc wi tak we c'olbal ri', xajalwächij c'ut ri a je'lical pa jun xojibalalaj jasach xachi'j c'u ri a cuerp che ronojel ri coc'owic, amak'el c'ut xatux junam cuc' ri quech ri nim ch'utin.