Chapletajic 37:35 - Quiché Bible

³⁵ Xquimulij c'u quib ri u c'ojol xukuje' ri u mia'l che u cu'bisaxic u c'u'x, man c'u xraj taj xcu'bisax u c'u'x; xa ne xutakej rok'exic u wäch ri u c'ojol, cubij c'ut: “Quintakej u bisoxic, c'ä quincäm na.”

Chapletajic 37:35 ပူးပေါင်းရင်းမြစ်များ

Chapletajic 25:8

xcäm c'u ri Abraham aretak sibalaj nim winak chic. Xurika' c'u rib cuc' ri e u mam.

Chapletajic 31:43

Xubij ri Laban che ri Jacob: “We alitomab ri' e nu mia'l; ri e witak nu mam; we chij ri' e nu chij; ¡ronojel ri cawilo wech in! ¿Jas ta c'u lo ri quincuinic quinban chque ri nu mia'l o ri cal ri e teren chquij?

Chapletajic 35:29

Sibalaj nim winak chic aretak xcämic, xmuk c'u cuc' ri e u mam cumal ri quieb u c'ojol, ri Esau xukuje' ri Jacob.

Chapletajic 42:31

Ri uj xkabij che chi uj utzalaj tak achijab. Mawi c'u jumul uj uxinak ta nic'onelab

Chapletajic 42:38

Xubij c'u ri Jacob chque: “Man cäbe ta ri nu c'ojol iwuc'. Ri Jose ri rachalal cäminak chic, xuwi chi ri Benjamin canajinak wuc'. We c'u c'o jas cuc'ulmaj pa ri be, ix ri' ri ix ajchak'mac chi xa bis quincämisan bic.”

Chapletajic 45:28

Xubij c'ut, “¡Cuban ri retamaxic chwe chi c'ä c'asal ri nu c'ojol Jose! Quinbe che rilic c'ä mäjok chincämok.”

Chapletajic 48:11

Xubij c'u che ri Jose: “Mawi jumul xinchomaj chi quinwil ta chi na a wäch. U yo'm c'u ri Dios chwe chi xinwil na qui wäch ri e a c'ojol.”

Ucab Samuel 12:17

Ri nimak tak tatayib ri e jekel ruc' pa ri rachoch ri ajawinel quebe che u bochi'xic chi chwalij cho ri ulew, man c'u xraj taj xubano, mawi c'u xraj xwa' ta cuc'.

Ucab Samuel 12:23

Are c'u ri camic chi cäminak chic ri ac'al, ¿jas chi u patan chi man quinwa' taj we man quincuinic quinbano chi cätzelej ta ulok cäc'asi' ta chi c'ut? ¡In quinbe na che u rikic wib ruc', are c'u ri are' man cäpe ta chi che u rikic rib wuc'!”

Ucab Samuel 19:1

Aretak ri winak xquetamaj chi ri ajawinel cok'ic xukuje' cubisoj ri u cämic ri u c'ojol Absalon, xeyok u bixic che ri Joab. Jeri', ri k'ij re ch'äcanic xq'uextaj pa bis.

Nabe Tzijobelil 7:22

Ri Eprain ri qui tat q'ui k'ij xucoj ratz'iak re bis, xepe c'ut ri rachalaxic che u cu'bisaxic u c'u'x.

Ri Job 2:11

E c'o oxib achijab ri e rachil ri Job: Ri Elipaz aj Teman, ri Bildad aj Su, ri Zopar aj Naamat. Aretak xquetamaj ronojel ri c'axc'olil ri xuc'ulmaj ri Job, xquichomaj xebe' che u cu'bisaxic u c'u'x xukuje' che c'olem ruc' chupam ri u k'oxomal.

Salmib 77:2

Ri k'ij aretak quinbisonic, quintzucuj ri Ajawaxel, amak'el c'ut quebenyac ri e nu k'ab pa ri u banic ch'awem ruc' Dios pa tak ri chak'ab. Ri nu c'aslibal man curik ta cu'lbal c'uxaj.

Salmib 77:3

Cänataj ri Dios chwe, quinok' c'ut; quinkaj che chomanic, cuban quieb nu c'u'x.

Ri Tzijonel 9:10

Ronojel c'ut ri c'o pa a k'ab che u banic, chabana' ruc' ronojel chuk'ab, rumal rech chi pa ri mukubal, ri catetac'al wi na, ma c'o ta jas cabanic mawi c'o jas cächomax chic, mawi c'o chic etamanic mawi no'j.

Ri Jeremiy 31:15

Cächa ri Ajawaxel: “Catataj jun chabebal pa Rama, re jun ri cok' ruc' c'ayil. Are' ri Raquel, ri querok'ej ri e ral, man caraj ta c'ut cäcu'bisax u c'u'x rumal rech chi e cäminak chic.”