Chapletajic 37:27 - Quiché Bible

²⁷ Are utz na xa cäkac'ayij bic chque ri aj ismaelib che u q'uexwäch ri xa cäkacämisaj, kachalal c'ut xa jun ka quiq'uel ruc'.” Xkaj c'u pa qui jolom ri rachalal ri xubij chque.

Chapletajic 37:27 ပူးပေါင်းရင်းမြစ်များ

Chapletajic 29:14

xubij c'u ri Laban che: “Kas ba' tzij chi xa jun ka quiq'uel awuc'.” Jun ic' chic c'o ri Jacob ruc' ri Laban,

Chapletajic 37:22

Mitix ri u quiq'uel. Chiya' chupam we c'ua' ri' ri c'o pa we chaki'j uwo sak, mitzak c'u i k'ab puwi'.” Ri Ruben je xubij wa' chque rech cäto'taj ri Jose pa qui k'ab, cuchomaj c'u u takic bic cho rachoch ri u tat.

Chapletajic 42:21

Xquibila' c'u tak chquibil tak quib: “Kastzij xkacoj ri lawaloyil che ri kachalal, man xel ta ka c'u'x che aretak xujubochi'j chi chkatok'obisaj u wäch, pune' xkilo chi sibalaj xubik'o. Rumal ri' camic petinak we c'axc'ol ri' pakawi'.”

Chapletajic 50:20

Ri ix xichomaj u banic jun c'ax chwe, ri Dios u q'uexom we c'ax ri' pa utzil che u banic ri cäkil camic: che u to'ic qui c'aslemal tinimit winak.

Ucab Samuel 12:9

¿Jasche man nim ta xawil wi ri nu tzij, xaban c'ut ri man cakaj ta chi nu wäch? A cämisam c'ut ri Uriy ri aj hitit, are c'u xebacoj ri aj amonib che u cämisixic, awechbem c'ut ri rixokil.

Ri Nehemiy 5:5

“Ri e ka winakil tak xukuje' ri uj kachalal tak kib; ri e ka c'ojol man c'o ta jas caquijalbej ta quib coc' tak ri quech. Are c'u ri uj quekajach na tak ri e ka c'ojol xukuje' tak ri e ka mia'l pa ri patanijic. Kas c'u ne tzij, jujun chque ri e ka mia'l lok'om pataninelab chic, man c'o ta c'u jas ta cujcuin ta che u banic che quitoric, rumal rech chi ri e kulew xukuje' tak ri uva ri e ka ticom e c'o chic pa qui k'ab jule' tak winak chic.”

Ri Nehemiy 5:8

xinbij c'u chque: “Ri uj, ka banom ronojel ri uj cuininak che u banic, e ka torom tak ri e ka winakil aj judeyib ri e c'ayim chque tak ri winak ri man aj judeyib taj. ¿La are' chi c'u ri ix quebic'ayij chi bic jumul rech ri uj quebekator ta chi na?” We winak ri' man xech'aw taj, man caquich'ob ta c'ut jas ta ri caquitzelej ta u bixic.

Elem 21:16

Ri cäreläk'aj bic jun winak, cuc'ayij c'ut, o we cäriktaj ruc', cac'okox na che cämical.

Elem 21:21

We c'u cäc'asi na jun k'ij o quieb k'ij, man cäc'äjisax ta u wäch, aj chak' lok'om pataninel c'ut.

Ri Matey 16:26

¿Jas ta c'u lo cärechbej na jun winak, we cuch'äc ronojel ri uwächulew, cutzak c'u ri ranima'? ¿Jas ta lo cuya' na ri winak che u q'uexwäch ri ranima'?

Ri Matey 26:15

Xubij c'ut: “¿Joropa' cäya' alak chwe quinjach c'u ri Jesus pa k'ab alak?” Ri e are xquipaj juwinak lajuj (30) rakan sak puak che.

1 Timoteo 1:10

ri cäquiban macunic cuc' ixokib achijab, ri achijab ri cäquiban ixok che jun cach' achi, ri eläk'al tak winak, ri e banal tak tzij, ri man cäquiban ta ri qui bim ruc' kastzij, xukuje' chque conojel ri cäquiban apachique jasach chic ri man je taj cubij ri utzalaj tijonic ri man c'o ta etzelal che,

Apocalipsis 18:13

cane'l, pa eka'n, u c'oc'al tak c'oc' k'ol, mir, c'oc'al, u wa'l uva, aseit, utzalaj c'äj, trico, e wacax, e chij, e quiej, e carwaj; man c'o ta chi quelok'ow ri pataninelab, mawi ri qui c'aslemal ri winak.

Nabe Samuel 18:17

C'o jun k'ij ri Saul xubij che ri David: “Quinya' ri Merab chawe ri nabeal nu mia'l che awixokil, we cawaj chi catux jun cowilaj ajch'o'j quebaban c'ut ri e u ch'o'j ri Ajawaxel.” Ri Saul cuchomaj chi man rajawaxic taj chi are' ta cäcämisan ri David, xane' are' ta chebanow na ri aj pilisteyib.