Chapletajic 35:5 - Quiché Bible

⁵ Aretak xebel bic chila', ri Dios xubano chi sibalaj xquixe'j quib tak ri tinimit ri e c'o apan chquinakaj, rumal ri' man c'o ta jun c'ax xquiban chque ri e ralc'ual ri Jacob.

Chapletajic 35:5 ပူးပေါင်းရင်းမြစ်များ

Chapletajic 34:30

Xubij c'u ri Jacob che ri Simeon xukuje' ri Levi: “Ri ix in i yo'm pa jun latz'. Ri winak aj waral, ri aj cananeyib, ri aj perezeyib, cäquetzelaj na nu wäch. Cäquimulij na quib chwij, cäquiq'uis na tzij panuwi', man e q'ui ta c'u ne ri achijab ri e c'o wuc', quinquicämisaj na junam cuc' conojel ri e c'o pa wachoch.”

Chapletajic 35:4

Conojel ri e c'o pa rachoch ri Jacob xequijach ri jule' tak diosib che ri Jacob ri e cuc'am, xukuje' ri u wi' tak xiquinaj ri e qui cojom che ri qui xiquin, ri Jacob xebumuk chuxe' jun räx che' ri c'o chunakaj ri tinimit Siquem.

Ucab Tzijobelil 14:13

Are c'u ri As xukuje' ri winak ri e c'o ruc' xecokataj c'ä pa Jerar, conojel ri aj etiopib xecämic man c'o ta jun xc'asi' ta can chque, xelajar c'u can chuwäch ri Ajawaxel xukuje' chquiwäch ri rajch'ojab, ri xequimajij tak ri jastak quech ri c'ulel.

Ucab Tzijobelil 14:14

Xekaj c'u paquiwi' conojel tak ri tinimit ri e c'o tak chrij ri Jerar, conojel c'ut xenoj che xe'n ib chuwäch ri Ajawaxel. Ri aj Juda xequik'olij conojel, e c'o c'u nimak tak k'inomal chquipam.

Ucab Tzijobelil 17:10

Conojel c'u tak ri e cajawibal tak ri ulew ri e c'o che u c'ulja ri Juda sibalaj qui xe'n quib chuwäch ri Ajawaxel rumal c'u ri' man caquichajij ta anima' che u banic ch'o'j ruc' ri Josapat.

Salmib 105:14

ri Dios man xuya' ta be chi c'o ta jachin xbanow c'ax chque, xuya' c'u ne u bixic chque tak ri ajawinelab:

Salmib 14:5

Quebirbot na e nojinak che quebirbit, c'o c'u ri Dios cuc' ri queniman che.

Elem 23:27

Quinbano chi ri nimalaj xe'n ib ri quic'am ulok cänabej chawäch pa nimak tak ri tinimit ri catoc'ow wi, quebanimaj c'u ri a c'ulel chawäch.

Elem 34:24

Ri in c'ut quebenwesaj na bic ri niq'uiaj nimak tak tinimit chic chiwäch, quinnimarisaj na u wäch ri iwulew. Jeri' man c'o ta jun cuchajij ta anima' che u majic ri iwulew aretak quixbe che u tac'abaxic iwib chuwäch ri Ajawaxel ri i Dios oxmul pa ri jun junab.

U Camulixic ri Pixab 11:25

Man c'o ta jun winak cäcuin na che u k'atixic i wäch. Ri Ajawaxel ri i Dios cuya' na nimalaj xe'n ib, nimalaj xibriquil apawije' ta ne ri quixoc'ow wi, jacha' ri u chi'm chiwe.

U Camulixic ri Pixab 2:25

Camic cachaptaj bic quinban na chi chiwäch ix conojel tak ri tinimit re ri ulew quenoj na che xe'n ib. Aretak caquita' i tzijol, caquichaplej c'u na birbitem quemajix c'u na rumal elemch'u'j.’ ”

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Nabe Samuel 11:7

Ri Saul xebuc'am juc'ulaj wacax xebuban ch'akatak chque, xebutak c'u tako'n xequic'am bic ri ch'akatak pa conojel ri qui tinimit ri aj israelib. Ri e tako'n je xquibij wa': “Je cäban na wa' chque ri u wacax ri winak ri man cunuc' ta rib ruc' ri Saul xukuje' ri Samuel, man cäteri ta c'u chquij.” Xemajix c'u ri winak rumal jun nimalaj xe'n ib, e je ta c'u ne xa jun winak xebel ulok che u junaxic quib cuc'.

Nabe Samuel 14:15

Conojel ri e c'o pa ri kajebal, xukuje' ri e c'o chrij ri kajebal, xenoj che xe'n ib. Ri ajch'ojab ri e c'o che chajinelab xukuje' ri e jujun tak k'at e banal tak ch'o'j xukuje' xquixe'j quib. Xbantaj c'u ne jun cabrakan ri xukuje' xuslabej ri ulew, xc'ulmataj c'u jun nimalaj xe'n ib.