Chapletajic 35:2 - Quiché Bible

² Ri Jacob xubij chque ri e c'o pa rachoch xukuje' conojel ri e teren chrij: “Chebiwesaj bic ri jule' tak diosib ri e iwuc'am, chixatinok, chijala' ri iwatz'iak.

Chapletajic 35:2 ပူးပေါင်းရင်းမြစ်များ

Chapletajic 18:19

Nu cha'om rech quebutak ri e u c'ojol xukuje' ri e rija'lil che qui nimaxic ri e nu tijonic, rech cäquiban ronojel ri utz, ri suc', quinban c'u na in ronojel ri nu bim.”

Chapletajic 31:19

Benak c'u can ri Laban che u socaxic quij ri u chij ri e c'o naj, ri Raquel xereläk'aj bic ri e u c'u'x u k'inomal, ri u tat ri e c'o pa ri rachoch.

Chapletajic 31:30

We c'u sibalaj carayij ri a tzelejic cho rachoch ri a tat, rumal ri' catbec, ¿jas c'u che xebaweläk'aj ulok ri e u c'u'x nu k'inomal?”

Chapletajic 31:34

Ri Raquel aninak xebuc'am ri e u c'u'x k'inomal, xebuc'ol pa jun chque ri qui xalma ri camey, xt'uyi c'u paquiwi'. Ri Laban xebutzucuj pa ronojel ri lic'om rachoch, man xeburik ta c'ut.

Chapletajic 34:2

xilitaj c'u rumal ri Siquem u c'ojol ri Hamor ri aj hebey ri c'amal be pa ri c'olbal ri', ruc' c'u chuk'ab xk'oyi' ruc', xresaj c'u u q'uixbal.

Chapletajic 35:22

Xurika' jun k'ij aretak c'o ri Israel pa we c'olbal ri', xpe ri Ruben xk'oyi' ruc' ri Bil jun chi ixok ri man kas ta rixokil ri u tat. Aretak xretamaj ri u tat, sibalaj xpe royowal. Ri e u c'ojol ri Jacob e cablajuj (12).

Ucab Samuel 7:23

Are c'u ri Israel, ri tinimit la, ¡man c'o ta chi jun jacha' ta ri are', xa c'u jun we nim tinimit ri' cho ri uwächulew! Lal, Oh Dios, xto'tajisaj la rech cux tinimit la, xban c'u la che chi xux nim u k'ij, xeban c'u la nimak xukuje' mayibalalaj tak jastak che u banic utzil che. Ri lal xeq'uiak la bic chuwäch ri tinimit la ri xtor la ulok pa Ejipt, ri niq'uiaj nimak tak tinimit chic e cachil tak ri e qui diosib,

Ucab Ajawinelab 17:29

Chquijujunal c'ut ri nimak tak tinimit xuban ri u dios pa ri tinimit ri e jekel wi, xquiya' c'u pa ri k'ijilabal ri naj e belinak chicaj ri e qui yacom tak ri aj samarib.

Ucab Ajawinelab 5:10

Ri Elisey xutak jun tako'n che u bixic che: “Jät wukub mul chach'aja' awib chupam ri nima' Jordan, cäjosk'itaj c'u na ri a ch'a'c.”

Nabe Tzijobelil 16:26

Ri e qui diosib ri e jule' tak tinimit chic man c'o ta qui banic, are c'u ri Ajawaxel are' xebanow tak ri caj.

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Salmib 51:2

¡Chinch'ajch'obisaj la chesaj la ri wetzelal! ¡Chinjosk'ij la chesaj la ri nu mac!

Salmib 51:7

Chinjosk'ij la ruc' k'ayes re hisop, quinjosk'itaj c'u na; chinch'aja' la, sak c'u quincanaj na chuwäch ri sakalaj tew.

Elem 19:10

ri Ajawaxel xubij che ri Moises: “Jät, chebasuc'umaj ri winak camic xukuje' chwek rech quek'ijilan chwe. Rajawaxic cäquich'aj ri catz'iak

Elem 19:14

Xkaj c'u ulok ri Moises puwi' ri juyub che qui suc'umaxic ri winak, rech cäquiya' k'ijilanic che ri Dios. Ri winak xquich'aj ri catz'iak,

Elem 23:13

Chibana' ronojel ri nu bim chiwe, mawi c'u jumul mätatajic chi quel ulok pa i chi' ri qui bi' ri jule' tak diosib chic.”

Ri Tzijonel 5:1

Aretak catbe pa ri rachoch Dios, chachajij ri a c'aslemal: Che u q'uexwäch ri qui chi'xic tabal tak tok'ob jacha' ri cuchi'j ri winak ri man c'o ta u no'j ri e are' man caquich'ob taj chi cätajin caquiban lawaloyil, chatkebok a yo'm a tzij che nimanic.

Ri Isaiy 1:16

¡Chich'aja' iwib, chijosk'ij iwib! ¡Chebinajtajisaj ri iwetzelal chnuwäch! ¡Chik'ila iwib che u banic ri man utz taj!

Ri Isaiy 52:11

Chixel ulok, chixel ulok pa Babilon, mebinak chi tz'il tak jastak, chixel ulok pa Babilon. Chebux ch'ajch'oj ri quec'amow ulok ri e u chaconisan ri Ajawaxel.

Ri Jeremiy 13:27

Wilom ri a chokchotem, xukuje' ri a kajic pa mac, ri q'uixibalalaj a c'aslemal jas ri cäcam ri quech ri nim ch'utin, ri e a banoj ri quebaban paquiwi' tak ri juyub xukuje' pa apachique c'olbal. ¡Tok'ob a wäch Jerusalen! ¿joropa' lo k'ijol catakej na c'olem chupam ri a tz'ilol?”

Ri Jeremiy 16:20

¿La cäcuin ri winak quebuban tak ri e u diosib? ¡Man ba' kas ta e diosib ri'!”

Ri Jeremiy 5:7

Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Ri Ezequiel 18:31

Chebiya' can conojel ri etzelal ri e i banom che nu c'ulelaxic, chux xa' jun iwanima' xukuje' xa' jun uxlabal c'ac'. ¿Jas ta che catcämic, tinimit Israel,

Ri Ezequiel 20:7

Xinya' c'u takanic chque chnimalaj conojel chi chquisachisaj qui wäch tak ri e xojibalalaj tak qui diosib maquixk'olij c'u quib cuc' tak ri diosib aj Ejipt, rumal rech chi ri in, ri Ajawaxel, in qui Dios.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Daniel 5:4

Conojel cacuq'uiaj u wa'l uva quequik'ijilaj c'ut ri e diosib, ri e re k'an puak, sak puak, k'an ch'ich', räx ch'ich', che', xukuje' e re abaj.

Aj Levitib 15:5

Apachin ta ne ri cäc'oji' pa ri c'olbal ri xk'oyi' wi ri achi ri', rajawaxic quebuch'aj ri ratz'iak; xukuje' catinic, cäcanaj c'u tz'il c'ä coc na ri ak'ab.

Aj Levitib 17:16

We c'u man quebuch'aj ri ratz'iak mawi catinic, cäkajbex rumal ri u mac.”

Ajilanic 31:24

Aretak cätz'akat wukub k'ij rajawaxic caquich'aj ri catz'iak, quecanaj can ch'ajch'oj. C'äte c'u ri' cuya' queboc chupam ri kajebal.”

Hechos 19:26

Quiwilo, quito jas u banom we Pawl ri'. Man xuwi ta pa Epes, xane' xa' co'l man pa ronojel ri Asiy, ri are' quebuch'äc e q'ui winak xukuje' cujal qui be. Cubij chque chi man e diosib taj ri queban cumal qui k'ab winak.

1 Corintios 10:7

Mik'ijilaj tak e diosib, jas xquiban jujun chque ri e are'. Cubij c'u ri tz'ibatalic: “Xet'uyi' ri winak, xewa'ic, xebuq'uianic. Xewalij c'u che u banic etz'enem.”

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

Gálatas 4:8

Ri ix ojer, aretak man iweta'm ta u wäch ri Dios, ix lok'om pataninelab ri chque ri diosib ri man kas e je taj.

U Camulixic ri Pixab 11:28

C'okonic, we quebiterenej, diosib ri man etamatal ta qui wäch, man quebinimaj ta c'ut ri e u takomal ri Ajawaxel, ri i Dios quitas c'u iwib quiya' can ri be ri ix nu takom che u ternexic camic.

U Camulixic ri Pixab 32:16

Xquiyac ri rachixomanic xukuje' ri royowal ri Dios aretak xequik'ijilaj xibibal tak diosib;

U Camulixic ri Pixab 5:7

Mec'oji' jule' tak a diosib chic we ta ma ta xuwi ri in.

U Camulixic ri Pixab 6:14

Mixbe chquij ri diosib ri quequik'ijilaj ri tinimit ri e i c'ulja,

U Camulixic ri Pixab 7:25

Quebiporoj na ri e qui wächbal tak ri e qui banom che qui diosib, mebic'am c'u can ri k'an puak xukuje' ri sak puak ri ch'ukuwinak quij; mixkaj chupam we takchibal mac ri', quixkaj c'u ri' chupam jun banoj ri etzelal chuwäch ri Ajawaxel.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Ri Josue 23:7

Man quiyuj ta iwib cuc' ri jule' tak winak chic ri c'ä e jekel waral chixo'l. Man quebik'ijilaj ta ri e qui diosib, mawi mebinimaj mawi ne mebinataj man quebinataj ta ri qui bi' tak we diosib ri', mawi miban jun chi'nic ri kas cäban na pa ri qui bi'.

Ri Josue 24:14

“Rumal rech wa', nim chiwila' wi ri Ajawaxel chipatanij ruc' jiquil man ruc' ta cawachil. Chebitzaka' can tak ri diosib ri xequik'ijilaj tak ri nabe tak i man chuchi' tak ri nima' Euprats xukuje' pa Ejipt, chipatanij ri Ajawaxel.

Ri Josue 24:15

We c'u man quiwaj quipatanij ri Ajawaxel, chicha' ba' camic jachin ri qui patanij: we e are' tak ri diosib ri xequipatanij tak ri e i mam chuchi' tak ri Euprats, we e are' tak ri qui diosib ri aj amoreyib ri e jekel pa we ulew ri'. Are' c'u ri in xukuje' ri e walaxic cakapatanij na ri Ajawaxel.”

Ri Josue 24:2

xubij che ronojel ri tinimit: “are' wa' ri cubij ri Ajawaxel ri u Dios ri Israel: ‘Ojer canok, ri Tare xukuje' ri quieb u c'ojol, ri Abraham xukuje' ri Nacor, e i mam, e jekel c'u chuchi' ri nima' Euprats xequik'ijilaj c'u tak diosib.

Ri Josue 24:20

We ri ix quixutuj quebipatanij c'u jule' tak diosib chic, cutzalc'atij na rib chiwij cuban na c'ax chiwe, cusachisaj na i wäch pune' c'u e u banom nimak tak utzil chiwe.”

Ri Josue 24:23

Xubij ri Josue chque: “Chebiwesaj ba' conojel ri diosib ri e c'o tak chixo'l, chixtzelej ba' ruc' ronojel iwanima' ruc' ri Ajawaxel ri xukuje' u Dios ri Israel.”

Ri Juds 1:23

Chebito', chebiwesaj pa ri k'ak'. Niq'uiaj chic chel i c'u'x chque. Chichajij c'u iwib, chiwetzelaj u wäch ri catz'iak ri qui tz'ilom rumal ri u banic tz'ilol rumal ri itzel tak qui rayinic ri tz'ilom rumal ri uwächulew.

K'atal tak Tzij 10:16

Ri aj israelib xequesaj bic tak ri diosib ri quequik'ijilaj, xquichaplej chi u k'ijilaxic ri Ajawaxel, ri Ajawaxel man xucoch' ta chi rilic chi ri aj israelib cäquitakej u rikic c'ax.

Ri Rut 1:15

Xubij c'ut ri Noemi che: “Chawilampe', ri a wachalca'n cätzelej cuc' ri u winak xukuje' cuc' tak ri u diosib. Jät ba' at ruc'.”

Nabe Samuel 16:5

“Je wa',” xcha' ri Samuel. “Xinpe che u chi'xic jun tabal tok'ob che ri Ajawaxel, chich'ajch'ojirisaj iwib chiniwachilaj che u chi'xic ri tabal tok'ob.” Ri Samuel xuch'ajch'ojisaj ri Isayi xukuje' ri e u c'ojol, xerula'j c'u che u tijic ri tabal tok'ob.

Nabe Samuel 7:3

Rumal c'u rech wa', ri Samuel xubij chque conojel ri aj israelib: “We ri ix quixtzelej ruc' ronojel ri iwanima' ruc' ri Ajawaxel, rajawaxic quebiwesaj bic tak ri qui diosib ri e jule' tak winak chic ri e c'o iwuc' xukuje' ri e qui wächbal tak ri Astarte, quijach c'u ri i c'aslemal pu k'ab ri Ajawaxel, xuwi c'u che ri Are' quixk'ijilan wi cuya' c'u na i chuk'ab ri' rech quixch'äcan paquiwi' ri aj pilisteyib.”