Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,
Man xubey ta rib ri ala, xukopij ri u wi' ri u tz'umal ri achi wi, sibalaj c'u benak ranima' ruc' ri u mia'l ri Jacob. Ri Siquem are c'u nim u k'ij chquixo'l conojel ri e c'o pa rachoch ri u tat.
“We achijab ri' e utz kuc', quec'oji' na kuc' xukuje' quechacun na pa we c'olbal ri', c'o sibalaj ulew chque; ri uj cuya' cujc'uli' cuc' ri e qui mia'l, xukuje' ri e are' cuya' quec'uli' cuc' ri e ka mia'l.
Ak'ab cäwalijic cuya' rib chuchi' ri be, ri coc pa ri tinimit, che c'u ronojel ri copan pa ri tinimit ruc' ri ajawinel rech cäban k'atan tzij che rumal jun ch'o'j ri c'olic, cusiq'uij cuta' c'u che jachique tinimit cäpe wi. We ri winak ri' cubij chi petinak pa jun chque ri amak' aj Israel.
¡Utz rech ri achi ri e c'o q'ui u ch'ab e je tak wa'! Man quesax ta na u q'uixbal cumal ri e u c'ulel aretak cuto' rib pa qui k'ab, chquiwäch tak ri k'atal tzij.
In e wetamam ri q'uialaj iwetzelal xukuje' tak ri e i mac ri man c'o ta qui q'uistajic: quic'axc'obisaj ri suc', quic'am u pa k'abaj pa tak ri k'atbal tzij qui bano chi ri meba' cutzak ri takal che.
¡Chiwetzelaj u wäch ri lawaloyil! ¡Are chilok'ok'ej ri u banic ri utzil! Kas chiwila' chi chban ri suq'uilal pa ri k'atbal tzij; craj ne chi' ri Ajawaxel, ri Dios ri c'o ronojel u cuinem, quel na u c'u'x chque ri quec'asi' na canok pa Israel.
Are wa' ri rajawaxic u banic iwumal amak'el: Amak'el are chibij ri kastzij chixo'l ri jun ruc' ri jun chic, chixk'atantzij ruc' suq'uilal chitzucuj ri jamarisanic pa tak ri k'atbal tzij;
Xbe c'u na ri k'ij ri Booz xet'uyul chuchi' ri oquibal re ri tinimit, are c'u c'olbal wa' ri caquimulij wi quib ri winak. Pa ri jok'otaj ri' oc'owem cuban chila' ri achalaxic ri u yo'm u bixic ri Booz. “Chatampe', tasaj waral chatt'uyul c'ut,” xcha' ri Booz che. Ri achalaxic xpetic xelt'uyul c'ut.