Chapletajic 31:32 - Quiché Bible

³² Jachin c'u ruc' ri queriktaj wi ri e u c'u'x k'inomal la, ¡chcämisaxok! C'o ba' chquiwäch ri kachalaxic: c'utu' la chquiwäch we c'o jun jas ech la nu c'amom ulok, c'ama' la bic.” Man c'u reta'm ta ri Jacob chi are ri Raquel xebeläk'an ulok ri e u c'u'x u k'inomal.

Chapletajic 31:32 ပူးပေါင်းရင်းမြစ်များ

Chapletajic 13:8

Xurika' c'u jun k'ij ri Abram xubij che ri Lot: “Ri at xukuje' ri in kachalaxic kib, rumal ri' man utz taj cäc'oji' ch'o'j chkaxo'l, mawi chquixo'l ri awajyuk'ab cuc' ri e wech.

Chapletajic 19:7

xubij chque ri achijab: “Nu winak, chibana' tok'ob miban jun etzelal.

Chapletajic 30:33

Aretak c'u cäpe la chwek cäbij che rilic ri nu ch'äcom cäk'alajin ri' we c'o weläk'am. We quebelerika' la q'uisic' ri man much'umul ta quij, ri man e tz'ilitz'oj taj o alaj ama'ib tak chij ri man e k'ekab taj, xa e weläk'am ri' che la.”

Chapletajic 31:19

Benak c'u can ri Laban che u socaxic quij ri u chij ri e c'o naj, ri Raquel xereläk'aj bic ri e u c'u'x u k'inomal, ri u tat ri e c'o pa ri rachoch.

Chapletajic 31:23

Ri Laban xerachilaj bic ri rachalaxic, xbe che u rikic ri Jacob, c'ä chuwukub k'ij xurika' cho tak ri juyub re Galaad.

Chapletajic 31:30

We c'u sibalaj carayij ri a tzelejic cho rachoch ri a tat, rumal ri' catbec, ¿jas c'u che xebaweläk'aj ulok ri e u c'u'x nu k'inomal?”

Chapletajic 31:31

Ri Jacob xubij che ri Laban: “Xa xinxe'j wib. Xinchomaj chi craj ne que tokij can la ri mia'l la chwe.

Chapletajic 31:33

Ri Laban xoc pa ri u lic'om rachoch ri Jacob, xoc pa ri rech ri Lea, xukuje' pa ri quech ri quieb ixokib ri lok'om pataninelab, man xeburik ta c'u ri u c'u'x u k'inomal. Aretak xel ulok pa ri u lic'om rachoch ri Lea, xoc pa ri rech ri Raquel.