Chapletajic 31:23 - Quiché Bible

²³ Ri Laban xerachilaj bic ri rachalaxic, xbe che u rikic ri Jacob, c'ä chuwukub k'ij xurika' cho tak ri juyub re Galaad.

Chapletajic 31:23 ပူးပေါင်းရင်းမြစ်များ

Chapletajic 13:8

Xurika' c'u jun k'ij ri Abram xubij che ri Lot: “Ri at xukuje' ri in kachalaxic kib, rumal ri' man utz taj cäc'oji' ch'o'j chkaxo'l, mawi chquixo'l ri awajyuk'ab cuc' ri e wech.

Chapletajic 24:27

je xubij wa': “¡Tewichital ri Ajawaxel, ri u Dios ri wajaw Abraham, uxinak c'u jic xukuje' utz ranima' ruc' ri wajaw, u c'amom c'u nu be pa ri be ri copan cho cachoch ri e rachalaxic.!”

Chapletajic 31:22

C'ä churox k'ij xretamaj ri Laban chi animajinak bic ri Jacob.

Chapletajic 31:24

Ri Dios xuch'abej ri Laban ri aj aramey pa ri q'uisbal ak'ab re ri uwuk k'ij, xubij che: “Chata' ri quinbij, c'ax match'aw che ri Jacob,” xcha' che.

Elem 2:11

Aretak achi chic ri Moises, xurika' jun k'ij xel bic che qui solixic ri e u winakil, xril c'ut chi sibalaj c'ax ri chac ri e takom che u banic. Xril jun achi aj ejipt ri cätajin cuch'ay jun aj hebrey u winakil ri Moises.

Elem 2:13

Xel chi c'u bic ri Moises chucab k'ij, xeril chic quieb achijab aj hebreyib ri quech'ojinic, xuc'ot u chi' ri cätajin cuch'ay ri jun chic: “¿Jasche cach'ay ri kas a winakil?”