Chapletajic 31:11 - Quiché Bible

¹¹ Pa ri achic' ri' ri tako'n aj caj re ri Ajawaxel xinuch'abej: ‘Jacob,’ xcha' chwe. Xinbij c'u che: ‘In c'olic ri'.’

Chapletajic 31:11 ပူးပေါင်းရင်းမြစ်များ

Chapletajic 18:1

Ri Ajawaxel xuc'ut rib chuwäch ri Abraham pa ri c'ache'laj que räx che' ri rech ri Mamre, t'uyul ri Abraham chuchi' ri u lic'om ja pa tiq'uil k'ij.

Chapletajic 18:17

Ri Ajawaxel xubij: “Rajawaxic quinbij na che ri Abraham ri quinbano,

Chapletajic 22:1

Oc'owinak chi jun k'ijol, ri Dios xuc'ambejej ri u cojonic ri Abraham. Xucoj ri u bi' che u siq'uixic, ri are' xutzelej u bixic, “In c'o waral.”

Chapletajic 22:11

ri u tako'n ri Ajawaxel xusiq'uij ulok kas pa ri caj: “¡Abraham! ¡Abraham!” “In c'o waral,” xcha' ri are'.

Chapletajic 22:15

Ri tako'n aj caj re ri Ajawaxel xusiq'uij chi ulok ri Abraham pa ri caj chucamul,

Chapletajic 31:10

C'o jumul aretak cätajin quebetz'en ri awaj, xinwil pa nu waram chi ri ama'ib tak q'uisic' ri quebetz'en cuc' ri ati'tab, e juch'ujak, much'umul quij, xukuje' e tz'ilitz'oj.

Chapletajic 31:13

In ri' ri Dios ri xinc'ut wib chawäch pa Betel, ri xak'ij wi aseit puwi' ri abaj, chila' c'u xaban wi jun chi'nic chwe. ¡Jo' ba'! Chatwalijok. Chaya' can we c'olbal ri', chattzelejok jawije' ri xatalax wi.’ ”

Chapletajic 31:24

Ri Dios xuch'abej ri Laban ri aj aramey pa ri q'uisbal ak'ab re ri uwuk k'ij, xubij che: “Chata' ri quinbij, c'ax match'aw che ri Jacob,” xcha' che.

Chapletajic 31:5

xubij chque: “Quinwilo chi ri i tat man je ta chi cuban chwe jas ri nabe; are c'u ri u Dios ri nu tat, c'o wuc' amak'el.

Chapletajic 37:5

Xurika' c'u jun k'ij ri Jose xuban jun richic', xutzijoj c'u chque ri rachalal, xa c'u sibalaj xquetzelaj chi na u wäch.

Chapletajic 46:2

Pa ri chak'ab ri' ri Dios xuch'abej ri Israel pa jun c'utwächinic, xucoj ri u bi' che u siq'uixic, Jacob, ri are' xutzelej u bixic: “In c'o waral.”

Elem 3:4

Aretak xril ri Ajawaxel chi xkeb ri Moises che rilic ri k'ak', xuch'abej ulok chupam ri k'ak', xubij che: “¡Moises! ¡Moises!” “In c'olic ri',” xcha' ri Moises.

Ri Isaiy 58:9

We c'u quinasiq'uij, catinch'abej na we carak a chi' che u tz'onoxic ri nu to'banic, quinbij na chawe: ‘In c'olic ri'’. We catanaba' u banic c'ax chque ri awajil a tz'akat, we man quebatzur chic ri winak, mawi cawalijisaj jalum k'abam chquij,

Ajilanic 12:6

ri Ajawaxel xubij chque: “Chitatabej wa' ri quinbij chiwe: Aretak c'o jun k'axal tzij chixo'l wumal in, in quink'alajisaj wib chuwäch pa tak c'utwächinic xukuje' quinch'abej pa tak ichic';

Ri Matey 27:19

Aretak ri Pilat t'uyul puwi' ri tem jawije' cuk'at wi tzij, ri rixokil xtakan bic ruc' che u bixic che: “C'o jas maban che we suc'alaj achi ri'. Q'uialaj c'ax c'ut xinrik pa ichic' mier rumal rech ri are.”

Nabe Samuel 3:16

xsiq'uix c'ut rumal ri Eli, xubij c'u che: “¡Samuel, nu c'ojol!” “In c'o waral,” xcha' ri Samuel.

Nabe Samuel 3:4

Xsiq'uix c'ut rumal ri Ajawaxel: “¡Samuel!” “¡In c'o waral!,” xcha' ri are'.

Nabe Samuel 3:6

Xsiq'uin chi c'u jumul ri Ajawaxel: “¡Samuel!” Xwalij c'u ri Samuel xbec jawije' c'o wi ri Eli, xubij c'u che: “Xinpetic; ¿jas quinajwataj wi che la?” “Man cätajin ta catinsiq'uij nu c'ojol,” xcha' ri Eli che. “Jatek'oyolok chic.”

Nabe Samuel 3:8

Churoxmul chi c'ut ri Ajawaxel xusiq'uij ri Samuel, xwalijic xbe che u bixic che ri Eli: “Xinpetic tat; ¿jas quinajwataj wi che la?” Xuch'ob c'ut ri Eli chi are ri Ajawaxel cäsiq'uin ri ala,