Chapletajic 3:18 - Quiché Bible

¹⁸ Ri ulew quebuya' na q'uix chawe xukuje' quiäkwok' quebatij na juyubal tak k'ayes.

Chapletajic 3:18 ပူးပေါင်းရင်းမြစ်များ

Chapletajic 3:17

Xubij c'u che ri achi: “Rumal rech xanimaj u tzij ri awixokil, xatij c'u u wäch ri che' ri xinbij chawe chi man catij taj, camic ri ulew cäcanaj chuxe' c'okonic u mac awech; ruc' c'axalaj chac cäban na chi cuq'uiyisaj ri catijo pa ronojel ri a c'aslemal.

Chapletajic 3:19

Cach'äc na ri a wa ruc' ri u c'atanal ri a palaj, c'ä cattzelej na pa ri ulew ri xatesax wi', at c'u ya' ulew catux chi c'u na ulew.”

Ri Job 1:21

Xubij c'ut: “Ch'analic xinpe cho we uwächulew ri', xukuje' ch'analic quinel na bic chuwäch. Ri Ajawaxel xyo'w ronojel chwe, xukuje' are' ri Ajawaxel xesan chwe; ¡Tewichital ba' ri u bi' ri Ajawaxel!”

Ri Job 31:40

¡ri wulew tak che qui q'uiyisaj q'uix che u q'uexwäch trico, itzel k'ayes che u q'uexwäch sebad!” Ruc' wa' xuq'uis u to'ic rib ri Job.

Ri Job 5:5

Ri e qui wächinic tak ri culew quetijow na cumal ri e c'o pa wi'jal quequesaj chquixo'l tak ri q'uix, ri cachaki'j tak qui chi' quequiquiäk rayij tak ri qui k'inomal.

Salmib 104:2

bolk'otim ib pa jun sakilal jacha' ta ne jun atz'iak. ¡Lal xlic'ow la ri caj jacha' jun ch'ukubal!

Salmib 90:3

Cäban la chi ri winak cätzelej pa ri puc'uc' ulew aretak cäbij la: “Chetzelej ri winak pa ri puc'uc' ulew.”

E C'ambal tak Tzij 22:5

Ri u be ri banal etzelal nojinak chque tak c'amibal; are c'u ri coc il che ri u c'aslemal, man cuya ta c'olbal chque.

E C'ambal tak Tzij 24:31

are c'u ri xinwilo, jun ulew nojinak chque q'uix, yojyobinak ri u tapia re abaj.

Ri Isaiy 32:13

Q'uix xukuje' juyubal tak k'ayes ri c'o qui q'uixo'l queq'uiy na chupam ri wulew, pa conojel tak ri ja ri c'o wi quicotemal chupam ri tinimit, ri cäkaj ri nimak'ij chquiwäch.

Ri Isaiy 5:6

quinwonoba' na canok. Man cäjosk'ix ta chic mawi quebok ri k'ayes chupam, cänoj na che q'uix xukuje' che itzel tak k'ayes. Quinbij na chque ri sutz' chi man cäquitak ta chi ulok ri jäb puwi'.

Ri Isaiy 7:23

Pa ri k'ijol ri', ri ulew ri cätic wi jun mil uva ri rajil jun mil sak puak, cux na u q'uiyibal q'uix xukuje' juyubal tak k'ayes.

Ri Isaiy 7:24

Xuwi cuya' coc jun chila' ruc' q'uiakbal ch'ab che qui cämisaxic chicop cuc' ch'ab, ronojel c'u ri ulew cux na u q'uiyibal q'uix xukuje' juyubal tak k'ayes.

Ri Jeremiy 12:13

Xquitic trico q'uix xuya' ri ulew chque; ronojel ri qui chac ri xquibano man c'o ta xupatanij. Aretak xeyac ri u wächinic ri ulew xa' tzakmajic xquiriko u mac rech ri nicowelalaj woyowal.”

Ri Jeremiy 4:3

Ri Ajawaxel cubij chque ri winak aj Juda xukuje' ri aj Jerusalen: Chebitajij tak ulew ri man e tajim taj; mixticonij chic chquixo'l tak ri q'uix.

Ri Matey 13:7

Niq'uiaj chic xekaj pa tak q'uix. Xebel c'u ulok ri q'uix, xquijik'isaj.

Romanos 14:2

E c'o jujun cäquichomaj chi utz quetij conojel ri jastak. E c'o jujun chic ri man e co ta pa ri qui cojonic, xa' c'u ichaj cäquitijo.

Hebreos 6:8

We c'u ri ulew cuya' q'uix xukuje' tzacam, ruc' ri u wächinic k'alaj chi man utz taj, c'o c'u chuxe' c'okonic. Chuq'uisbalil cäporox na.