Chapletajic 29:32 - Quiché Bible

³² Xcanaj c'u yawab winak ri Lea, xc'oji' jun ral ala ri xucoj Ruben che u bi', xubij c'ut: “Rilom ri Ajawaxel ri nu bis. Quinulok'ok'ej c'u na ri wachajil camic.”

Chapletajic 29:32 ပူးပေါင်းရင်းမြစ်များ

Chapletajic 16:11

At yawab winak chic, cäc'oji' c'u na jun awal ala, Ismael cäcoj na che u bi', ri awok'ej xtataj rumal ri Ajawaxel.

Chapletajic 29:31

Aretak ri Ajawaxel xrilo chi ri Jacob cäretzelaj u wäch ri Lea, ri Dios xubano chi ri Lea quec'oji' ral, are c'u ri Raquel xuban che chi man quec'oji' ta ral.

Chapletajic 31:42

We ta c'u ma ta c'o ri u Dios ri Abraham wuc', ri Dios ri xuk'ijilaj ri nu tat Isaac, xak ta e nu k'alum ri' ri quieb nu k'ab xinesaj la ulok. Rilom c'u ri Dios ri nu bis, xukuje' rilom chi utz elinak ri nu chac, rumal ri' xyaj la rumal ri Dios chak'ab iwir.”

Chapletajic 35:22

Xurika' jun k'ij aretak c'o ri Israel pa we c'olbal ri', xpe ri Ruben xk'oyi' ruc' ri Bil jun chi ixok ri man kas ta rixokil ri u tat. Aretak xretamaj ri u tat, sibalaj xpe royowal. Ri e u c'ojol ri Jacob e cablajuj (12).

Chapletajic 35:23

Ri xebuc'ojolaj ruc' ri Lea are' ri Ruben, ri u nabeal; ri Simeon, ri Levi, ri Juda, ri Isacar xukuje' ri Zabulon.

Chapletajic 37:29

Xbe c'u ri Ruben xtzelej che rilic ri Jose pa ri chaki'j c'ua', man c'o ta chi c'u jachin xurik chupam, xujis ri ratz'iak rumal ri u bis.

Chapletajic 42:22

Ri Ruben xubij chque: “Nataj chiwe ri xinbij chi miban c'ax che ri ka chak': man xinimaj ta c'ut ri xinbij, rumal c'u ri' cätok'ix ri u cämical chke camic.”

Chapletajic 42:27

Aretak xebopan pa ri c'olbal ri xewar wi, jun chque xujak u wi' ri u coxtar che resaxic jubik' trico ri cuya' che ri u bur, xril c'ut c'o ri u rajil puwi' ri u coxtar.

Ucab Samuel 16:12

Craj c'u ne aretak ri Ajawaxel caril ri c'axc'obic ri in c'o wi, quebutak ulok tak tewichibal panuwi' che qui q'uexwäch tak ri c'okonic ri quebentatabej tak camic.”

Nabe Tzijobelil 5:1

Ri e u c'ojol ri Ruben, ri u nabeal ri Israel, e are' ri Hanoc, Palu, Hezron xukuje' ri Carmi. Ri Ruben are' ri kas nabeal c'ojolaxel, xutzak c'ut ri ya'tal che ri nabealil rumal rech chi xunak ri rixokil ri u tat, ri ya'tal che ri u nabealil xek'axex chque ri e u c'ojol ri Jose, jun chic u c'ojol ri Israel. Are' c'u xux na nim u cuinem ri Juda chquiwäch ri rachalal, che c'ut xel wi na jun c'amal be; are c'u ri ya'tal che ri nabeal c'ojolaxel xya'taj che ri Jose.

Salmib 106:44

Pune' c'u je xquibano, aretak xrilo chi quebisonic, aretak xuta' ri qui juyuwem,

Salmib 25:18

Chila la ri nu bis, xukuje' ri welem ch'u'j, sacha' la ri nu mac.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Ajilanic 1:5

E are' tak qui bi' wa' ri c'amal tak be ri rajawaxic quixto' cumal: Che ri rech ri ramak' ri Ruben: ri Elisur (ri u tat ri Elisur are' ri Sedeur).

Ri Lucax 1:25

Xubij: “Je u banom ri Ajawaxel wa' chwe, xel u c'u'x chwe pa tak we k'ij ri', rech man quinyok' ta chic cumal ri winak.”

U Camulixic ri Pixab 26:7

Xkatz'onoj c'u che ri Ajawaxel ri qui Dios ri e ka mam chi cujuto', xuta' c'u ri ka ch'awem, xril ri ka mebayil, ri c'axalaj tak chac xukuje' ri c'ax ri cäban chke;

U Camulixic ri Pixab 27:13

e are' c'u ri amak' tak re ri Ruben, ri Gad, ri Aser, ri Zabulon, ri Dan xukuje' ri Neptali, cäquimulij na quib puwi' ri juyub Ebal che ri c'okonic.

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”

Nabe Samuel 1:20

Rumal c'u ri' xcanaj can yawab winak, aretak c'ut xtz'akat ri k'ijol xralaj jun ral ala, xucoj c'u Samuel che u bi', rumal rech chi u tz'onon che ri Ajawaxel.