Chapletajic 27:40 - Quiché Bible

⁴⁰ Cato' na awib ruc' ri a ch'ich' re ch'o'j catoc na che pataninel re ri a chak'; aretak c'u cäc'oji' a chuk'ab, cawesaj na awib chuxe' ri u takanic.”

Chapletajic 27:40 ပူးပေါင်းရင်းမြစ်များ

Chapletajic 25:23

Ri Ajawaxel xubij che: “Quieb nimak tak tinimit e c'o chapam; quieb tinimit cätajin quech'ojinic c'ä maja' c'u quebalaxic. Ri jun c'o na u chuk'ab chuwäch ri jun chic, ri nabeal cäc'oji' na chuxe' ri u takanic ri chak'axel.”

Chapletajic 27:29

Tinimit winak chatpatanin na; chi ri nimak tak tinimit chiquixucu' quib chawäch. Chattakan paquiwi' ri kas e awachalal; ¡cäquimej quib chawäch! Ri catquic'okoj na, quec'okotaj na, ri catquitewichi'j, quetewichitaj na.”

Chapletajic 32:6

Aretak xetzelej ulok ri tako'n, xelquiya' u bixic che ri Jacob xquibij che: “Xujopan ruc' ri achalal la Esau, petinak c'u che c'ulaxic la achilatal cumal quiejeb sient (400) achijab.”

Chapletajic 33:9

“Man quebec'am taj, nu chak'; ri in c'o nu k'inomal. Checanaj ri awawaj awuc',” xcha' ri Esau.

Ucab Samuel 8:14

Xebucojo c'u chajinelab pa Edom, conojel c'ut ri aj edomib xecanaj chuxe' ri u takanic ri David, ri Ajawaxel xuya' ri ch'äcanic che pa apachique ta ne c'olbal ri cabe wi.

Ucab Ajawinelab 14:10

Quinya' a k'ij chi xebach'äc ri aj edomib, are c'u cäbanow wa' chawe chi caban nimal. Utz ri', chana' awib chi nim a banic; are c'u utz na chi chatcanaj chupam ri awachoch. ¿Jasche are cawaj cac'am ulok u q'ueyowal pawi' xukuje' ri u q'ueyowal puwi' ri Juda?”

Ucab Ajawinelab 14:7

Ri Amasiy are' ri xecämisan ri lajuj mil aj edomib pa ri Beya' re Atz'am xuch'äc c'ut ri Sel, xucoj c'u Jocteel che u bi', are c'u u bi' c'ä camic.

Ucab Tzijobelil 21:10

Xcuin c'ut ri Edom xuresaj rib chuxe' ri u takanic ri Juda. Xukuje' pa ri k'ijol ri' ri Libna xuresaj rib pa u k'ab ri Juda, rumal rech chi ri Joram u tzakom canok ri Ajawaxel, qui Dios ri e u mam.

Ucab Tzijobelil 21:8

Chupam c'ut ri rajawinic ri Joram, ri Edom xuresaj rib chuxe' ri u takanic ri Juda xucoj c'ut ri kas rajawinel.

Ucab Tzijobelil 28:17

are c'ut ri e aj Edom qui banom jun c'ac' ch'äcanic, e ch'äcaninak puwi' ri Juda, e qui yutum c'u bic winak.

Salmib 60:8

ri Moab are tzima ri quinch'abej wib; puwi' ri Edom quinq'uiak wi na ri nu xajäb; ¡quinrak c'u nu chi' rumal ri ch'äcanic paquiwi' ri aj pilisteyib!”

Ri Matey 10:34

“Michomaj chi in petinak che u ya'ic jamaril chquixo'l ri winak cho ri uwächulew, man in petinak taj che u ya'ic jamaril, xane' ch'ich' re ch'o'j.