Chapletajic 27:29 - Quiché Bible

²⁹ Tinimit winak chatpatanin na; chi ri nimak tak tinimit chiquixucu' quib chawäch. Chattakan paquiwi' ri kas e awachalal; ¡cäquimej quib chawäch! Ri catquic'okoj na, quec'okotaj na, ri catquitewichi'j, quetewichitaj na.”

Chapletajic 27:29 ပူးပေါင်းရင်းမြစ်များ

Chapletajic 12:3

Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

Chapletajic 25:33

Ri Jacob xucoj u chuk'ab che u bixic che chi kas chubana' ri chi'nic ri kas cäban na chanim. Ri Esau xuban ri chi'nic ri kas cäban na, jeri' ri xujach pa u k'ab ri Jacob ri takanic ri c'o ruc' chi are' ri c'ojol nabeal.

Chapletajic 27:30

Xq'uis u tewichi'xic ri Jacob rumal ri Isaac, c'ä te' jubik' elinak ulok ri Jacob chuwäch ri u tat aretak xtzelej ulok ri Esau pa ri juyub ruc'am ulok ri awaj.

Chapletajic 27:37

Are c'u ri Isaac xutzelej u bixic che: “Chawilampe', in nu yo'm takanic chi ri Jacob catakan pawi'; conojel ri e rachalaxic e nu jachom pa u k'ab rech quebux u pataninelab nu telechi'm u trico xukuje' nu telechi'm u wa'l u uva. ¿Jas ta chic ri quincuin ta chi che u banic camic chawe nu c'ojol?”

Chapletajic 27:40

Cato' na awib ruc' ri a ch'ich' re ch'o'j catoc na che pataninel re ri a chak'; aretak c'u cäc'oji' a chuk'ab, cawesaj na awib chuxe' ri u takanic.”

Chapletajic 37:10

Aretak ri Jose xutzijoj ri ichic' che ri Jacob xukuje' chque ri rachalal, xyaj c'u rumal ri u tat xubij che: “¿Jas ri cawaj cabij chke rumal ri ichic' ri xabano? ¿La xa ta c'u lo cäkamej na kib chawäch, ri in, ri a nan, xukuje' tak ri e awachalal?”

Chapletajic 37:7

Xinwichic'aj chi konojel uj c'o pa jun juyub cätajin quekaxim trico pa tak yataj; xwalij c'u ri nu yataj in, xtaq'ui'c, are c'u ri i yataj ix xquisutij rij ri nu yataj xquimejela' quib chuwäch.”

Chapletajic 9:27

Chnimarisax u k'ij ri Japet rumal ri Dios; chjekel pa tak ri rachoch ri Sem, chcoj c'ut ri Canaan che u lok'om pataninel.”

Nabe Ajawinelab 22:47

(Pa Edom man c'o ta ajawinel pa tak ri k'ij ri', xak xuwi jun chajinel.)

Nabe Ajawinelab 4:21

Ri Salomon are' nim na u k'ij chquixo'l conojel ri ajawibal ri quechaptaj ulok chuchi' ri nima' Euprats quebetakal c'ä pa ri culew ri aj pilisteyib xukuje' c'ä pa ri u c'ulbatil ri Ejipt, ri xequitoj tak cuchuj ri xec'oji' c'u chuxe' ri u takanic ri Salomon joropa' k'ij ri xc'asi'c.

Salmib 72:8

¡Chajawin chuchi' ri jun plo c'ä chuchi' ri jun plo chic, cächapletaj bic ruc' ri nima' Euprats c'ä pa ri q'uisbal u jutz' ri uwächulew!

Ri Isaiy 45:14

Ri Ajawaxel cubij che ri Israel: “Ri ajchaquib aj Ejipt, ri ajc'ayib aj Etiopiy xukuje' ri winak aj Saba ri nimak cakan, cäquijach na quib pa k'ab, quebux c'u na jacha' e a pataninelab ri e lok'om; quexim na cuc' tikom ch'ich', queteri na chawij, cäquimej na quib chawäch, cäquita' na tok'ob chawe: ‘Kas ba tzij chi c'o ri Dios chixo'l, man c'o ta chi jun, man c'o ta chi na dios.’ ”

Ri Isaiy 49:23

Ri ajawinelab caquiban na calc'ual chiwe e are' c'ut ri e qui mia'l e yuk'ul tak iwech. Cäquimej na quib chawäch c'ä cho ri ulew, cäquirik' na ri ulew ri c'o chque tak ri awakan. Cäquetamaj c'u na chi in ri Ajawaxel, chi ri cäcu'bi qui c'u'x chwij man quel ta na qui q'uixbal.”

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”

Ri Isaiy 60:12

E are tak c'ut ri ulew ri man catupatanij taj cäsachisax na qui wäch.

Ri Isaiy 60:14

Ri calc'ual ri xebanow c'ax chawe quepe na quel qui meja' na quib chawäch, conojel ri xquetzelaj a wäch quexuqui' na chawäch, ‘U tinimit ri Ajawaxel’ catuchix c'u na. ‘U Sion ri Tastalicalaj u Dios ri Israel.’

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ajilanic 23:8

¿Jas ta c'u, cäban che u c'okoxic ri man cuc'okoj ta ri Dios? ¿Jas cäban che u rayixic ri etzelal we ri Ajawaxel man cuban taj?

Ajilanic 24:18

Cuch'äc na ri Edom, coc na ri Seir pa u k'ab, ri are' u c'ulel. Ri Israel quebuchacuj na nimak tak mayibalil.

Ajilanic 24:9

Aretak cacoti' che uxlanem, jeri' cäbantaj jun coj: man c'o ta jachin jun cuchajij ta anima' cuc'asuj. ¡Chtewichitaj ri cattewichinic, xukuje' chc'okotaj ri catc'okonic!”

Ri Matey 25:40

Ri Ajawinel cubij na chque: ‘Kastzij quinbij chiwe chi ronojel ri xiban che jun chque we ch'utik tak wachalal ri', chwe in xiban wi.’

Ri Matey 25:45

Ri Ajawinel cubij na chque: ‘Kastzij quinbij chiwe chi ronojel ri man xiban ta che jun chque we ch'utik tak wachalal ri', chwe in ri' man xiban ta wi.’

Romanos 9:12

Ri Dios xubij che ri Rebec chi ri nabeal cupatanij na ri chak'axel.

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”