Chapletajic 25:32 - Quiché Bible

³² Ri Esau xubij che ri Jacob: “Jas ri cawilo cätajin quincäm che numic, jeri' chi ri takanic ri e c'o wuc' chi in ri c'ojol nabeal man c'o ta caquipatanij chwe.”

Chapletajic 25:32 ပူးပေါင်းရင်းမြစ်များ

Chapletajic 25:31

“Chaya' ba' chwe nabe ri takanic ri c'o awuc' chi at ri nabeal c'ojol,” xutzelej u bixic Jacob.

Chapletajic 25:33

Ri Jacob xucoj u chuk'ab che u bixic che chi kas chubana' ri chi'nic ri kas cäban na chanim. Ri Esau xuban ri chi'nic ri kas cäban na, jeri' ri xujach pa u k'ab ri Jacob ri takanic ri c'o ruc' chi are' ri c'ojol nabeal.

Chapletajic 27:36

“Jacha' ba' xcoj Jacob che u bi',” xcha' ri Esau. “U camul chi wa' in u subum. Ri nabe mul xumaj ri takanic ri c'o wuc' chi in nabeal, ri tewichibal ri ya'tal chwe. ¿La ma ta c'u c'olom la can jun tewichibal chic chwe in?”

Ri Job 21:15

¿Jachin ri' ri c'o ronojel u cuinem rech cakapatanij? ¿Jas cakach'äco chi cäkalok'ok'ej?’

Ri Job 22:17

Quecha' che ri Dios: ‘¡Chujaya' can xak chjeri'! ¿Jas ta ri cacuin ri c'o ronojel u cuinem che u banic chke?’

Ri Job 34:9

Cubij chi man c'o ta cuch'äc ri winak ri cutzucuj u banic ri utz chuwäch ri Dios.

Elem 22:9

We c'o jun winak cuban rech che jun wacax, jun bur, o jun chij, o jun atz'iak o apachique jasach ri sachinak, cäpe ta chi c'u jun winak cubij chi rech we jasach ri'; ri xquic'ulmaj we quieb winak ri' cäc'am bic chuwäch ri Dios, jachin c'u ri cäk'alajisaxic chi ajchak'mac, cucamulij u tojic che ri jun chic.

Ri Malaquiy 3:14

Are wa' ri i bim: ‘Ri u patanixic ri Dios man c'o ta cupatanij. ¿Jas ta ri ch'äcoj ri cäkesaj che ri u banic ri catakan che u banic, chi che ka cojo' tak atz'iak re bis chi chujbin c'u chuwäch ri Ajawaxel ri c'o ronojel u cuinem?