Chapletajic 20:17 - Quiché Bible

¹⁷ Ri Abraham xutz'onoj tok'ob che ri Dios puwi' ri Abimelec, jeri' ri Dios xutzelej ri rutzil u wäch ri Abimelec xukuje' ri rixokil. Xukuje' xebucunaj ri ixokib ri pataninel tak rech rech quec'oji' cal,

Chapletajic 20:17 ပူးပေါင်းရင်းမြစ်များ

Chapletajic 12:17

U mac c'u rech ri Saraiy, ri Ajawaxel xuc'äjisaj u wäch ri ajawinel, xukuje' conojel ri e c'o pa ri rachoch cuc' nimak tak yabil.

Chapletajic 20:7

Chatzelej ba' ri rixokil we achi ri', ri are' k'axal c'u tzij cutz'onoj c'u tok'ob pawi' rech catc'asi' na, we c'u man catzelej che, ri at xukuje' ri e c'o pa ri awachoch quixcäm na.”

Chapletajic 29:31

Aretak ri Ajawaxel xrilo chi ri Jacob cäretzelaj u wäch ri Lea, ri Dios xubano chi ri Lea quec'oji' ral, are c'u ri Raquel xuban che chi man quec'oji' ta ral.

Ri Esdras 6:10

rech caquichi'j che ri Dios aj caj tabal tak tok'ob ri quekaj chuwäch chebochi'n c'ut puwi' ri ajawinel xukuje' paquiwi' tak ri e u c'ojol.

Ri Job 42:8

Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”

E C'ambal tak Tzij 15:29

Ri Ajawaxel naj cäc'oji' wi chque ri e banal tak etzelal, coc c'u il che ri qui ch'awem ri e suc' ruc' Dios.

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Ri Isaiy 45:11

Ri Ajawaxel, ri Tastalicalaj u Dios ri Israel, ri xnuc'uwic, cubij: “¿La quita' c'u lo ajilabal chwe in chquij ri walc'ual o a quebiya' ta lo tijonic chwe jas quinban che qui banic ri jastak wech?

Ajilanic 12:13

Are c'u ri Moises xtz'onon che ri Ajawaxel: “Bana' la tok'ob, oh Dios quinbochi'n che la chi chcunaj la.”

Ajilanic 21:7

Xebe c'ut jawije' c'o wi ri Moises xquibij c'u che: “¡Uj macuninak aretak xkac'ulelaj ri Ajawaxel xukuje' ri at! ¡Chatz'onoj che ri Ajawaxel chi chebunajtajisaj tak ri cumätz chke!” Ri Moises xutz'onoj che ri Ajawaxel chi chusacha' qui mac ri aj israelib,

Ri Matey 21:22

Ronojel ri qui tz'onoj che ri Dios pa ch'awem ruc' Dios, ruc' cojonic, cäyataj na chiwe.”

Ri Matey 7:7

“Chixtz'ononok, cäyataj c'u na chiwe; chixtzucunok, quixrikon c'u na; chixc'orc'ot chuchi' ri oquibal, cäjaktaj c'u na chiwäch.

Hechos 3:24

Conojel ri e k'axal tak tzij, pa ri qui cholajil kas ruc' ulok ri Samuel, xequitzijoj ulok tak we k'ijol ri'.

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

1 Tesalonicenses 5:25

Kachalal, chibana' ch'awem ruc' Dios pakawi'.

Santiago 5:16

Chik'alajisala' ri i mac chiwäch. Chibanala' ch'awem ruc' Dios piwi', rech quixcunatajic. Sibalaj nim na u cuinem ri u bochi'nic jun suc'alaj winak.