Chapletajic 15:14 - Quiché Bible

¹⁴ Quinc'äjisaj c'u na u wäch ri nim tinimit ri quecojow na che lok'om tak pataninelab, c'ä matam quebel na ulok ri e awija'lil, e nimak tak k'inomab chi c'ut aretak quebel ulok.

Chapletajic 15:14 ပူးပေါင်းရင်းမြစ်များ

Chapletajic 48:21

Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Salmib 105:42

Xnataj c'ut ri tastalicalaj chi'nic che ri u banom che ri Abraham ri pataninel rech.

Salmib 135:14

Ri Ajawaxel cuban suq'uil che ri u tinimit; quel u c'u'x chque ri pataninel tak rech.

Salmib 135:9

Kas pa u niq'uiajil ri Ejipt, xebutak wi ulok etal ri e mayibal puwi' ri ajawinel ri paraon xukuje' ri e rach k'atal tak tzij.

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Elem 12:29

Niq'uiaj ak'ab ri Ajawaxel xebucämisaj ri e nabeal tak c'ojolaxelab ri e aj ejiptib, are jun ri u nabeal ri ajawinel ri cät'uyi puwi' ri tem re ajawibal xukuje' ri u nabeal ri c'o pa che', xukuje' ri e qui nabeal tak ri awaj.

Elem 3:10

Chatakej ba' ri a be, catintak na bic ruc' ri ajawinel che resaxic ulok ri nu tinimit Israel ri c'o pa Ejipt.”

Hechos 7:7

Ri Dios xubij: ‘Ri in quink'at na tzij puwi' apachique nim tinimit ri cuban lok'om pataninelab chque. Aretak coc'ow na ri c'ax, quebel na ulok, quinquipatanij na pa we c'olbal ri'.’ ”

U Camulixic ri Pixab 4:20

Are c'u ri ix xixuc'am ri Ajawaxel, xixresaj chupam ri jorno ri cäjarisax wi ch'ich', are wa' ri Ejipt, rech quixux u tinimit jas ri i banom camic.

U Camulixic ri Pixab 6:22

Ri uj xekil ri nimak xukuje' ri xibibalalaj tak cajmajibal xukuje' tak ri etal ri xebuban ri Ajawaxel pa Ejipt che u c'ulelaxic ri ajawinel xukuje' ronojel ri jun ja k'atal tak tzij;

Ri Josue 24:17

Ri Ajawaxel are' ri xujesan ulok uj xukuje' ri e ka mam pa Ejipt, ri xujcoj wi na che lok'om pataninelab. Are' c'ut ri xebuban q'ui tak mayibalil chkawäch, xukuje' are' ri xujtok'en ulok xujuto' ulok pa ronojel ri be ri ka banom ulok, aretak xujoc'ow ulok pa conojel tak ri tinimit.

Nabe Samuel 12:8

Aretak ri Jacob xukuje' ri e rija'lil xekaj bic pa Ejipt, ri e i mam xetzujun chuwäch ri Ajawaxel, ri are c'u ri are' xutak ri Moises xukuje' ri Aaron, ri xebesan ulok ri e i mam xixquijekeba' c'ut pa we c'olbal ri'.