Chapletajic 14:22 - Quiché Bible

²² Ri Abram xubij che ri ajawinel re Sodom: “Xinban ri chi'nic ri kas cäban na in chokinak chuwäch ri Ajawaxel, chi ri Dios aj chicaj ri xbanow ri caj ulew,

Chapletajic 14:22 ပူးပေါင်းရင်းမြစ်များ

Chapletajic 14:21

Are c'u ri ajawinel re Sodom xubij che ri Abram: “Are chebaya' ri winak chwe, chebawechbej c'u at ri jastak ri a majom ulok.”

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 21:33

Chila' pa Beerseb ri Abraham xutic juwi' che, jun tamarin, xuya' c'u u k'ij ri u bi' ri Ajawaxel, ri junalic Dios.

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Ucab Samuel 2:5

ri David xebutak bic jujun tako'n che u bixic chque: “Chi are' ri Ajawaxel quetewichinic rumal ri nimalaj utzil ri xquiban che ri Saul, ri cajaw, chi xquimuku.

Ucab Ajawinelab 5:16

Ri Elisey xutzelej c'u u bixic che: “Quinban na ri chi'nic ri kas cäban na, quincha' pa u bi' ri Ajawaxel, ri cätajin quinralwächij, chi man quinc'amtaj.” Pune' xucoj u chuk'ab ri Naaman, ri Elisey xuk'il rib che u c'amic.

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Salmib 144:8

ri quequibij banoj tak tzij cäquiyac c'ut ri qui k'ab quiquiak'ab che u bixic ri chi'nic ri kas cäban na xa c'u che subunic.

Salmib 24:1

Rech ri Ajawaxel ronojel ri uwächulew, rachil ronojel ri c'o chuwäch, rachil conojel ri e c'asc'oj chuwäch.

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Elem 6:8

Quixinc'am na bic pa ri ulew ri xinbij chi quinya' che ri Abraham, ri Isaac xukuje' ri Jacob, quinya' c'u na chiwe che iwechbal. In ri' ri Ajawaxel.”

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Daniel 12:7

Ri achi ri e u cojom tak sakloloj atz'iak re lino xebuyac ri u k'ab chicaj, cätajin cuban ri chi'nic ri kas cäban na pa ri u bi' ri c'aslic Dios, xubij: ‘Pa oxib junab ruc' wakib ic', aretak cätanabax u banic c'ax che ri u cuinem ri u tinimit ri Dios, c'äte ri' cäq'uis na qui tza'm conojel we jastak ri'.’

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Hajey 2:8

“E wech ri sak puak xukuje' ri k'an puak.

U Camulixic ri Pixab 10:14

Chich'obo' ba' chi ri Ajawaxel ri i Dios rech ronojel ri caj xukuje' ri c'o sibalaj chicaj che ri caj, ri ulew xukuje' ronojel ri c'o chuwäch.

U Camulixic ri Pixab 32:40

Quinyac ri nu k'ab chicaj, quinban na ri chi'nic ri kas cäban na rumal ri nu junaliquil

K'atal tak Tzij 11:35

aretak c'ut xrilo, xujis ri ratz'iak che u c'utic ri u bis xubij c'u che: “¡Ay, nu mia'l, sibalaj nim ri k'oxow anima' caya' chwe! ¡At, at banowinak chi quinrik nimalaj bis, nu banom c'u jun chi'nic che ri Ajawaxel, quintz'akatisaj c'u na!”