Chapletajic 14:20 - Quiché Bible

²⁰ chyo'k ba' u k'ij ri Dios aj chicaj, ri xatuto' che qui ch'äquic ri a c'ulel.” Ri Abram xuya' che ri Melquisedec ri lajujil re ronojel ri u tok'im ulok.

Chapletajic 14:20 ပူးပေါင်းရင်းမြစ်များ

Chapletajic 14:21

Are c'u ri ajawinel re Sodom xubij che ri Abram: “Are chebaya' ri winak chwe, chebawechbej c'u at ri jastak ri a majom ulok.”

Chapletajic 24:27

je xubij wa': “¡Tewichital ri Ajawaxel, ri u Dios ri wajaw Abraham, uxinak c'u jic xukuje' utz ranima' ruc' ri wajaw, u c'amom c'u nu be pa ri be ri copan cho cachoch ri e rachalaxic.!”

Chapletajic 28:22

We abaj ri' ri nu cojom jacha' che jun akan, cux na rachoch Dios; quinya' c'u na amak'el che la, nu Dios, ri lajujil che ronojel ri cäya' la chwe.”

Chapletajic 47:24

che ri jo' tak arob trico ri quiyaco rajawaxic quiya' jun arob che ri ajawinel; are c'u ri quiejeb arob chic quicoj che ija' xukuje' che tzukbal iwib, xukuje' che tzukbal que ri iwalc'ual pa tak ri iwachoch,” xcha' ri Jose chque ri winak.

Chapletajic 47:26

Jeri' ri Jose xucoj wa' che pixab chupam ri rulewal ri Ejipt chi chyok che ri ajawinel ri u ro'il ri qui wächinic tak ri ulew we pixab ri' c'ä are jekelic e are' tak c'ut ri e cojol tabal tok'ob man c'o ta jas cäquitojo, rumal rech chi ri culew mawi jubik' xebux ta rech ri ajawinel.

Chapletajic 9:26

Xubij chi c'ut: “Chi ri Ajawaxel ri nu Dios chtewichi'n ri Sem, are' c'u ri Canaan chux u lok'om pataninel.

Ucab Samuel 18:28

Xnakajin c'u ri Ahimaas, xupachba' c'u rib c'a cho ri ulew chuwäch ri ajawinel, xuya' rutzil u wäch xubij' c'ut: “Tewichital ri Ajawaxel, ri Dios la, rumal rech chi e resam ri qui walijisam tak quib chi'j la.”

Ucab Tzijobelil 31:12

chila' xec'ol wi ruc' jicomal ri cuchuj ri lajujil ri e qui jachom xukuje' ri jastak ri kas e tasom che ri Ajawaxel. Are' c'u xquicoj ri Conaniy ri aj levi che nabe chajinel che ronojel wa', are c'u ri rachalal ri Simeiy u bi' xquicoj che ucab.

Ri Nehemiy 10:37

Xukuje' xkaya' ka tzij che qui c'amic bic chupam ri quec'ol wi tak ri jastak, ri c'o chupam ri rachoch ri ka Dios, che cuchuj chque tak ri e cojol tabal tok'ob ri e nabe tak ka c'äj, xukuje' ri nabe tak qui wächinic ronojel che', xukuje' ri nabe u wa'l ka uva xukuje' ri nabe kaseit, xukuje' cakac'am bic chque ri aj levitib ri qui lajujil tak ri e qui wächinic tak ri kulew, e are' c'u quemulin tak ri e qui lajujil conojel tak ri kulew.

Ri Nehemiy 13:12

ronojel ri Juda xuc'am ulok chupam ri quec'ol wi ri jastak ri u lajujil ri trico, ri u lajujil ri u wa'l uva xukuje' ri u lajujil ri aseit.

Salmib 144:1

Tewichital ri Ajawaxel, ri ch'ukul wech. Are' quintijonic qui nu colomisaj c'ut che u banic ri ch'o'j;

Salmib 44:3

Man are' ta c'u ri qui chuk'ab mawi ri qui ch'ich' re ch'o'j ri xyo'w ta ri ch'äcanic chque; man e are' ta xech'äcow ri ulew. ¡Are ri cuinem la xukuje' ri chuk'ab la! ¡Are' ri u juluwem ri wächbal la, rumal chi e lok' chwäch la!

Salmib 68:19

¡Tewichital ri Ajawaxel, ri ka Dios xukuje' ka colonel, k'ij chi k'ij cuc'am bic ri keka'n!

Elem 18:10

xubij c'ut: “Tewichital ri Ajawaxel, ri xixesan ulok pa u k'ab ri ajawinel xukuje' pa qui k'ab ri aj ejiptib; xixresaj pa u k'ab ri banal c'ax

Ri Amos 4:4

“Jix pa Betel, xukuje' pa Jilgal; ¡Chixmacunok, chinimatajisaj ri u walijisaxic tak iwib! Chebic'ama' bic ri e i tabal tak tok'ob ak'abibal xukuje' tak ri lajujil ri quebiya' churox tak k'ij.

Ri Malaquiy 3:10

Chebic'ama' ulok ri i lajujil chiliya' chupam ri u k'inomal ri wachoch, je c'u ri' c'o na ri cätij chupam ri wachoch. Chinitijtobej c'ut rumal wa', quiwil c'u na we ta ma ta quebenjak tak na chiwe ri wenta'n re ri caj che u k'ijic piwi' tewichibal ri ri man c'o ta c'o wi.

Ri Malaquiy 3:8

Are c'u ri in quinban c'otoj chi'aj: ¿La cacuin ta pu lo jun winak cut'orij ri Dios? ¡Are c'u ri ix in i t'orim! C'ä quiban c'ut ri c'otoj chi'aj: ‘¿Jas ta ri ka t'orim wi la?’ ¡Pa tak ri lajujil xukuje' pa tak ri sipanic in i t'orim wi!

Ajilanic 28:26

“Chupam ri nimak'ij quech ri nabe tak wächinic, aretak quechi'x tak che ri Ajawaxel ri c'äj tak re jun c'ac' wächinic, ri u bixic, pa ri nimak'ij quech ri wukutak tak k'ij, quiban xukuje' jun tastalicalaj mulin ib. Chupam ri k'ij ri' man c'o ta jun u wäch jun chac qui bano.

Ri Lucax 18:12

Camul pa ri wukub k'ij man quintij ta ri nu wa, quinya' ri u lajujil ronojel ri quinch'äco.’

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

U Camulixic ri Pixab 12:17

Ri lajujil re ri i trico, ri u wa'l i uva, ri iwaseit, xukuje' ri nabe tak cal ri i wacax, ri i chij, xukuje' apachique ri i chi'm u ya'ic che ri Ajawaxel, xukuje' ri sipanic ri cäpe pa iwanima', man cuya' ta quitij pa ri i tinimit.

U Camulixic ri Pixab 14:23

Che ri lajujil ri' rech ri trico, ri u wa'l uva, rech ri aseit, xukuje' chque ri nabe tak cal ri e i wacax xukuje' tak chij, are quitij wa' chuwäch ri Ajawaxel ri i Dios, pa ri c'olbal ri cucha' na che u jekelibal ri u bi', rech quiwetamaj u ya'ic u k'ij ri Ajawaxel.

U Camulixic ri Pixab 14:28

Chuoxox tak junab rajawaxic quitas ri u lajujil ri u wächinic ri i tico'n rech ri junab ri', quic'ol c'u chupam ri i tinimit,