Chapletajic 1:29 - Quiché Bible

²⁹ Xukuje' xubij chi na chque: “Chiwilampe', quebenjach pa i k'ab ronojel qui wäch k'ayes ri e c'o cho ri uwächulew ri quequiya' ija', xukuje' conojel ri che' ri quequiya' qui wächinic. Ronojel wa' cajwataj che tzukbal iwib.

Chapletajic 1:29 ပူးပေါင်းရင်းမြစ်များ

Chapletajic 2:16

xuya' we takanic ri' che: “Cuya' catij awe ri qui wäch conojel ri che' ri e c'o pa ri ticonijibal, Matij c'u awech ri u wäch ri che' ri cuya' retamaxic ri utz xukuje' ri man utz taj.

Chapletajic 6:21

Chamulij ronojel qui wäch ri cätijic, chac'olo' c'ut rech c'o quitij ix, xukuje' c'o cäquitij ri awajib.”

Chapletajic 9:3

Cuya' quitij iwe apachique awaj, xukuje' apachique ichaj ri quiwaj, quinjach c'u pa i k'ab.

Ri Job 36:31

Je cuban wa che qui tzukic tak ri tinimit quebutilichi'j c'ut che ri qui wa.

Salmib 111:5

cuya' tzukbal que ri nim queilowic; ¡man casach ta wi ri u c'ulwächinic pa u jolom!

Salmib 115:16

Ri caj rech ri Ajawaxel, xuya' c'u ri ulew che ri winak.

Salmib 136:25

Che ri quetzukuw ri winak xukuje' ri awaj, junalic c'ut ri u lok'ok'ebal c'u'x.

Salmib 146:7

Cuban suq'uil chque ri e c'o pa c'axc'olil, quebutzuk c'ut ri e c'o pa wi'jal. Ri Ajawaxel quebutor ri e tz'apitz'oj;

Salmib 147:9

quebutzuk ri awaj xukuje' ri alaj tak cal ri joj aretak quebok'ic.

Salmib 24:1

Rech ri Ajawaxel ronojel ri uwächulew, rachil ronojel ri c'o chuwäch, rachil conojel ri e c'asc'oj chuwäch.

Ri Isaiy 33:16

are wa' ri man c'o ta jachin cäslabisanic, curik na u panibal chupam tak ri cowilaj abaj, ronojel k'ij c'o cutijo xukuje' man cätzaj ta ri u ja'.

Ri Osey 2:8

Are c'u we ixok ri' are' man xuc'oxomaj taj chi in ri' ri quinyo'w ri trico che, ri u wa'l uva xukuje' ri aseit; chi in ri' ri xintz'eben ri sak puak xukuje' ri k'an puak che ri xebubanbej tak ri e u diosib.

Ri Matey 6:11

Ya' la ri ka wa re camic ri cajwataj chke.

Hechos 14:17

Rumal c'u ri' amak'el cuk'alajisaj rib chquiwäch jachin ri are', rumal ri utzil ri xuban chque. Cuya' ri jäb chke, cuya' ri u wächinic ri tico'n chke, cuya' ronojel ri cäkatijo, cuya' c'u quicotemal pa kanima'.”

Hechos 17:28

Rumal c'u ri Dios uj c'aslic, cujslabic, uj c'olic. Jas ri xquibij xukuje' jujun chque ri banal tak i bix: ‘Ri uj xukuje' uj rija'l ri Dios.’

1 Timoteo 4:3

Ri e are quetakan chque ri winak chi man quec'uli' taj xukuje' chi jujun tak u wäch wa man cäquitij taj. Je cäquibij wa' pune' ri Dios u banom ri wa rech ri cojonelab xukuje' ri queta'm ri kastzij cäquitij que ruc' maltioxinic.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.