Bixonic Tak 8:7 - Quiché Bible

⁷ Ri qui ja'il conojel tak ri plo man quecuin ta ri' che u chupic ri lok'ok'ebal c'uxaj; mawi ta ne tak ri nima' quecuin ta che u chupisaxic. We ta c'o jun quebuchi'j ta conojel ri u k'inomal che u q'uexwäch ri lok'ok'ebal c'uxaj, xa etz'ben tak wächaj cuc'ulaj na.”

Bixonic Tak 8:7 ပူးပေါင်းရင်းမြစ်များ

Chapletajic 39:19

Jewa' xuban ri a lok'om pataninel awech chwe.” Ri rajaw ri Jose sibalaj xoyowaric aretak xuta' ri cätajin cäbix che rumal ri rixokil.

Salmib 15:4

ri cäretzelaj u wäch ri takal retzelaxic u wäch, nim c'u caril wi ri cuya' u k'ij ri Ajawaxel; ri quebutz'akatisaj ri e u chi'm pune' c'ax quelic;

E C'ambal tak Tzij 6:31

we c'u ne cäriktajic aretak cätajin cuban ri eläk', wukub mul cutoj na u q'uexel ri eläk'am, cuya' c'u ne na ronojel ri c'o ruc'.

E C'ambal tak Tzij 6:35

man cuc'amowaj ta apachique esbal oyowal, mawi coc'ow ri royowal pune' ta queya' q'ui sipanic che.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.