Bixonic Tak 6:10 - Quiché Bible

¹⁰ “¿Jachin wa' ri cutac'abaxtaj rib jacha' ri k'ij re ri u sakaribal? Je'lic jacha' ri ic', cäjuluwic jacha' ri k'ij, ¡man c'o ta jun cacuin ta che u k'atixic jacha' juk'at ajch'ojab ri qui takem qui be!”

Bixonic Tak 6:10 ပူးပေါင်းရင်းမြစ်များ

Ucab Samuel 23:4

Cux na jacha' ri sak ri cäpe chuxe' ri caj, aretak cäpe u sakaric. Jacha' ri u sakil ri k'ij pa jun u sakaribal aretak man e c'o ta sutz', ri cubano chi caq'uiy ri k'ayes aretak coc'ow ri jäb.’

Ri Job 11:17

Ri a c'aslemal cajuluw na chuwäch ri k'ij pa tiq'uil k'ij; ri k'ekalaj tak jok'otaj ri xebawoc'owisaj quebux na jacha' ri u sakaric.

Ri Job 31:26

Wilom ri k'ij cajuluwic xukuje' cabin ri ic' ruc' ronojel ri u jolk'inic,

Salmib 14:5

Quebirbot na e nojinak che quebirbit, c'o c'u ri Dios cuc' ri queniman che.

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Bixonic Tak 1:15

“¡Sibalaj at je'lic nu lok', sibalaj at je'lic! ¡Ri e a bak'wäch e quieb palomax!”

Bixonic Tak 3:6

“¿Jas wa' ri petinak pa ri chaki'j uwo sak cätajin c'u cabin chquixo'l tac'atak tak sib, chupam u sibal mir xukuje' re c'oc' k'ol xukuje' re ronojel u wäch c'oc'al?

Bixonic Tak 6:4

“At, at lok' chnuwäch, at je'lic xukuje' at ch'äcanel jacha' ri tinimit Tirs xukuje' Jerusalen; man cäk'atitaj taj jacha' juk'at ajch'ojab ri qui takem qui be.

Bixonic Tak 8:5

“¿Jachin wa' ri cätajin capaki' ulok pa ri chaki'j uwo sak, tzalan puwi' ri u teleb ri lok' chuwäch?” “Chuxe' jun u che'al mansa'n xinya' wi latz' che ri a waram: chila' jawije' xebucoch' wi k'oxom ri a nan; chila' jawije' xatralaj wi ri a nan.”

Ri Isaiy 58:8

We je caban wa', cäjuluw na ri a chaj, jacha' aretak cäpe u sakaric, man cäbeytaj ta c'u qui cunatajic tak ri e a socotajic. Ri a suq'uil cänabej na chawäch cäteri c'u ri nu juluwem chawij.

Ri Isaiy 63:1

“¿Jachin wa' ri elinak ulok pa Bosra, u chuch ri Edom, ri tz'ajom ri ratz'iak ruc' quiäk, ri e u cojom je'lalaj tak ratz'iak petinak, ri cäbin ruc' xibibalalaj chuk'ab? In ri', ri quinya u bixic ri colomal, c'o c'u nimalaj nu cuinem che qui colic ri winak.

Ri Osey 6:5

Rumal ri' e nu muchum cumal tak ri e k'axal nu tzij; cumal tak ri tzij ri e elinak ulok pa nu chi' e nu cämisam. Ri nu suq'uilal caq'uiy ulok jacha' ri sakilal.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Matey 13:43

Are c'u ri winak ri e suc' quejuluw na je jas ri k'ij pa ri rajawibal ri qui Tat. Apachin ri c'o u xiquin, chutatabej wa'.”

Ri Matey 17:2

Xq'uextaj c'u ri u wächbal ri Jesus chquiwäch; xjuluw ri u palaj je jas ri k'ij, ri ratz'iak xebux sakloloj je jas ri sakil.

Romanos 8:37

Pune' cäkarik conojel we jastak ri', cujch'äcan na puwi' ronojel, rumal ri jun ri xujulok'ok'ej.

Efesios 5:27

rech cutac'aba' ri comon cojonelab chuwäch are', jun comon cojonelab ri nim u k'ij, man tz'ajtajinak taj, mawi c'o bach'uy che, mawi jun jasach jewa' xane' jun tastalic comon cojonelab, utz ronojel.

Apocalipsis 1:16

E c'o wukub ch'imil pa ri riquiak'ab. Pa u chi' quel ulok jun t'ist'icalaj ch'ich' quieb upuchi'. Ri u palaj je jas ri k'ij aretak cäjuluw ruc' chuk'ab.

Apocalipsis 10:1

Xinwil chi jun cowilaj tako'n aj caj xkaj ulok cho ri caj. Pistal rumal jun sutz', ri c'o jun räxquiak'ab chujolom. Ri u palaj are je jas ri k'ij, ri e rakan je jas bolobak rak' k'ak'.

Apocalipsis 12:1

Xilitaj c'u jun nimalaj etal pa ri caj: Jun ixok u cojom ri k'ij che ratz'iak, c'o ri ic' chquixe' ri rakan, c'o jun corona' re cablajuj ch'imil che ri u jolom.

Apocalipsis 21:23

Ri tinimit man cajwataj ta ri k'ij che rech cuya' ri u sakil, mawi rajawaxic ri ic' che. Are c'u ri u juluwem ri Dios xjuluw puwi', are c'ut ri u chäj are' ri Alaj Chij.

Apocalipsis 22:16

“Ri in Jesus nu takom bic ri nu tako'n aj caj che qui k'alajisaxic we jastak ri' chiwäch che qui ya'ic pa tak ri comon cojonelab. In ri' ri u xe'al xukuje' ri rija'l ri David. In ri' ri ch'imil ri cäjuluw pa ri sakaribal.”

Apocalipsis 22:5

Man c'o ta chi chak'ab. Man cajwataj ta chic ri u sakil ri chäj chque, mawi ri u sakil ri k'ij rumal rech chi ri Ajawaxel Dios cäjuluw na paquiwi', ri e are' quebajawin na amak'el chbe k'ij sak.