Bixonic Tak 4:6 - Quiché Bible

⁶ Pa ri u petic ri k'ij quebanimaj tak c'ut ri mumu'j. Quinbe na pa ri u juyubal ri mir, puwi' ri juyub ri c'o wi c'oc' k'ol.

Bixonic Tak 4:6 ပူးပေါင်းရင်းမြစ်များ

Salmib 66:15

Quebenporoj na k'obisam tak awaj puwi' ri porobal ri ech la, quebenchi'j tak na ama'ib tak wacax xukuje' ama'ib tak q'uisic' xukuje' ri qui c'oc'al ama'ib tak chij.

Elem 20:24

Chibana' jun porobal re ulew chwe, chebichi'j c'ut chwe puwi', ri e iwawaj quech ri e i tzobaj xukuje' tak wacax jacha' che tabal tok'ob ri cächajirisaxic xukuje' tabal tak tok'ob re utzirisan tak ib. Quinpe' c'u na quixintewichi'j c'u na chquipam ri jujun tak c'olbal ri quinwaj wi chi cänatax ri nu bi'.

Elem 30:8

xukuje' aretak quebe tzij ri yabal k'ak' benak tak k'ij, cuporoj ri c'oc' k'ol. Nak'atisabal wa' ri cätakex u banic chuwäch ri Ajawaxel amak'el.

Elem 37:29

Ri Bezaleel xukuje' xusuc'umaj ri tastalicalaj aseit ri cäcoj che tasic, xukuje' ri c'oc'alaj k'ol, jacha' ri u banic ri cäquiban ri e banal tak c'oc'al.

Bixonic Tak 2:17

Pa ri ropanem ri k'ij quebanimaj tak c'ut ri mumu'j, chattzelejok nu lok'; je chabana' jacha' jun masat aj lianic, jacha' jun alaj masat pa tak ri juyub ri quiquemalam wi tak quib ri q'uix.”

Bixonic Tak 3:6

“¿Jas wa' ri petinak pa ri chaki'j uwo sak cätajin c'u cabin chquixo'l tac'atak tak sib, chupam u sibal mir xukuje' re c'oc' k'ol xukuje' re ronojel u wäch c'oc'al?

Bixonic Tak 4:14

e ajetak cotz'i'j nard xukuje' asapran, c'oc'alaj aj xukuje' cane'l, xukuje' ronojel qui wäch tak che' re c'oc' k'ol, re mir re aloe; ¡Ronojel qui wäch tak ri quebanbex c'oc'al!

Bixonic Tak 8:14

“¡Chatxic'anok, nu lok', chatxic'anok jacha' jun masat aj lianic, jacha' ri ral jun ati't masat paquiwi' tak ri juyub nojinak chque tak c'oc'al!”

Ri Isaiy 2:2

Pa ri q'uisbal tak k'ij junab, cäjiquibax na u bixic ri juyub ri cariktaj wi ri rachoch ri Ajawaxel. Are juyub wa' ri sibalaj naj quel na chicaj, ri sibalaj naj elinak chicaj chuwäch apachique jun juyub chic. Ronojel c'u qui wäch nimak tak tinimit quebopan na chila',

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Lucax 1:78

Je cuban ri ka Dios rumal rech chi sibalaj quel u c'u'x chke, rumal wa' cäpe na Jun chicaj je jas ri k'ij ri quel ulok nim a k'ab.

2 Pedro 1:19

Xukuje' c'o can ri qui tzij ri k'axal tak tzij kuc', ri sibalaj co tiquitoj, man cäq'uextaj taj. Are c'u utz we kas quitatabej ri tzij, ri je jas jun chäj ri cäjuluw pa jun k'ekumalaj c'olbal, c'ä aretak cäsakaric, c'ä quil na ulok ri ch'imil re u sakaric pa ri iwanima'.

1 Juan 2:8

Are', c'u wa, ri quintz'ibaj bic chiwe are jun c'ac' takomal. Ri kastzij pa ri Crist xukuje' pa ri i c'aslemal ix, rumal rech chi oc'owem cuban ri k'eku'm, cäjuluw chi ri kas sakil.

Apocalipsis 22:16

“Ri in Jesus nu takom bic ri nu tako'n aj caj che qui k'alajisaxic we jastak ri' chiwäch che qui ya'ic pa tak ri comon cojonelab. In ri' ri u xe'al xukuje' ri rija'l ri David. In ri' ri ch'imil ri cäjuluw pa ri sakaribal.”

Apocalipsis 5:8

Aretak xuc'am ri wuj, ri quiejeb awaj xukuje' ri juwinak quiejeb nimak tak tatayib xexuqui' chuwäch ri Alaj Chij. Chquijujunal cuc'am jujun arp xukuje' jujun lak re k'an puak e nojinak che c'oc' k'ol. Are wa' ri qui ch'awem ri e tastalic tak winak aj Dios.