Bixonic Tak 4:16 - Quiché Bible

¹⁶ Quiakik' re ri u wiquiak'ab elebal k'ij: ¡Chatc'astajok! Quiakik' re ri u mox k'ab elebal k'ij: ¡Tasaj waral! ¡Chixjich'ich' chupam ri nu ticbal cotz'i'j chijabuj c'ut ri u c'oc'al!” “Tasaj nu lok', chupam ri a ticbal cotz'i'j, chebatija' c'u awe ri e qui wächinic ri man c'o ta c'o wi ri u qui qui'al.”

Bixonic Tak 4:16 ပူးပေါင်းရင်းမြစ်များ

Ri Tzijonel 1:6

Cajich'ich' ri quiakik' pa ri u mox elebal k'ij, cujalc'atij c'u rib cäbe pa ri riquiak'ab elebal k'ij. ¡Cujalc'atij rib cujalc'atij c'u rib ri quiakik'! ¡Cujalc'atij rib cujalc'atij chi c'u rib!

Ri Tzijonel 2:5

Xintak qui tajixic ticbal tak wichaj pa wech wi xukuje' tak nu ticbal cotz'i'j, xebentic c'u ronojel qui wäch tak che' ri quequiya' qui wäch.

Bixonic Tak 1:13

Ri nu lok' chwe in jacha' ri alaj juyat'aj mir ri c'o amak'el chquixo'l ri e uwo nu c'u'x.

Bixonic Tak 1:4

¡Ruc' aninakil chinac'ama' bic awuc'! ¡Chinac'ama' bic o ajawinel, pa tak ri e a jekelibal!” “Awuc' cujejajat wi na; e c'o na ri e u rayixic tak ri e awajwanic chke chuwäch ri u wa'l uva. ¡Jacha' ba' catcaj ri ixokib!”

Bixonic Tak 2:3

“Ri quinlok'ok'ej uxinak, chquixo'l tak ri achijab, jacha' ri u che'al mansa'n chquixo'l tak ri che' ri e c'o pa ri c'ache'laj. ¡Man c'o ta c'o wi aretak xint'uyi' chuxe' ri u mujal! ¡Sibalaj qui' xinna' ri u wächinic!

Bixonic Tak 2:8

“¡Ulem cuban ri quinlok'ok'ej! ¡Quinta' chi apanok ri u ch'abal! Cach'opinic petinak paquiwi' nimak tak juyub, cach'opinic petinak chquixo'l ri alaj tak juyub.

Bixonic Tak 5:1

“In oquinak chic chupam ri nu ticbal cotz'i'j alaj wana'b, at ri catec'ulan wuc'. Nu majim chic ri nu mir xukuje' tak ri c'oc'al ri e ya'tal chwe, nu naom chic ri juyubal räx cab re ri wakaj, uq'uiatajinak chic ri u wa'l nu uva xukuje' ri nu leche.” “Lok'alaj tak wachil, chixwok xukuje' chixuq'uianok, ¡Chiwuq'uiaj ronojel ri qui waj!”

Bixonic Tak 6:2

“Ri lok' chnuwäch benak pa ri ticbal u cotz'i'j, chupam ri ticbal u cotz'i'j ri c'oc'arinak, che u yuk'uxic ri u jumulaj xukuje' che qui ch'upic tak ri roxox.

Bixonic Tak 8:12

Ri jun mil puak e awech Salomon, quieb sient c'ut chque ri chajinelab ¡in quinchajij ri kas nu ticbal uva!”

Ri Isaiy 64:1

C'o ta banom wi cätek' ta la ri caj cakaj ta c'u la ulok, queyicopisaj ta c'u la, ri juyub ruc' ri wächbal la,

Ri Ezequiel 37:9

Xubij c'ut ri Ajawaxel chwe: “Chach'abej ri uxlab re c'aslemal pa ri nu bi', chabij c'u che: ‘je' wa' cubij ri Ajawaxel: Uxlab re c'aslemal, chatel ulok pa ri quiejeb u xcut ri uwächulew chaya' c'u qui c'aslemal we cäminak tak cuerp ri'.’ ”

Ri Matey 26:10

Xuta' c'u ri Jesus, xubij chque: “¿Jasche quiya' latz' che we ixok ri'? Utzil c'ut u banom chwe.

Ri Matey 26:12

Aretak c'ut xuya' we cunabal ri' chrij ri nu cuerp, che nu mukic u banom wi.

Ri Xuan 3:8

Ri quiakik' cäbe xa apawije' cäraj cäbe wi, cätataj ri u jininem. Man aweta'm ta c'ut jawije' cäpe wi, mawi jawije' cäbe wi. Jewa' xukuje' conojel ri e alc'ualam rumal ri Uxlabaxel.”

Ri Xuan 5:8

Ri Jesus xubij che: “Chatwalijok, chawalijisaj ri a pop, chatbinok.”

Hechos 4:31

Aretak qui banom chi ch'awem ruc' Dios, xyicop ri c'olbal ri qui mulin wi quib. Conojel c'ut xenojisax che ri Ruxlabal ri Dios. Xquicoj c'u qui chuk'ab che u tzijoxic ri u tzij ri Dios.

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Romanos 15:28

Aretak cäbantaj wa' wumal, cäjachtaj can we to'banic ri' chque, te c'u ri' quinoc'ow na iwuc' aretak quinbe pa España.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.