Bixonic Tak 3:11 - Quiché Bible

¹¹ Ixokib re Sion, ¡Chixel ulok che u ca'yexic ri ajawinel Salomon! U cojom bic ri u corona ri xuban ri u nan che che ri k'ij re ri u c'ulanem, che ri k'ij ri sibalaj utz na che ri u c'aslemal.”

Bixonic Tak 3:11 ပူးပေါင်းရင်းမြစ်များ

Salmib 48:11

¡Chquicot ri juyub Sion! ¡Chech'opintaj che quicotemal tak ri tinimit aj Juda cumal ri suc'alaj tak chomanic la!

Salmib 9:14

Je c'u ri' chquichi' tak ri oquibal pa Jerusalen, quinbij na che ronojel winak chi ya'tal k'ijilaxic la, chi in tewichitalic rumal rech chi xinto'tajisaj la.

Bixonic Tak 1:5

“Ixokib aj Jerusalen, in räxbak'alic in c'u ne je'lic; räxbak'alic jacha' tak ri e qui cäbal tak ri e aj ri Sedar, je'lic e jacha' ri e u k'atibal ri Salomon.

Bixonic Tak 2:7

“Chichi'j chwe, ixokib aj Jerusalen, cumal tak ri masat aj lianic xukuje' cumal tak ri ati'tab tak masat ri e c'o pa ri c'ache'laj, quiya' la latz' che ri u waram ri nu lok'ok'ebal c'uxaj. ¡Chiya' che chi warok c'ä jampa' chraj chc'astajok!”

Bixonic Tak 7:11

¡Tasaj, ri catinlok'ok'ej, jo' pa ri kulew! Cakoc'owisaj na ri ak'ab chquixo'l tak ri e u cotz'i'j pok'.

Bixonic Tak 8:5

“¿Jachin wa' ri cätajin capaki' ulok pa ri chaki'j uwo sak, tzalan puwi' ri u teleb ri lok' chuwäch?” “Chuxe' jun u che'al mansa'n xinya' wi latz' che ri a waram: chila' jawije' xebucoch' wi k'oxom ri a nan; chila' jawije' xatralaj wi ri a nan.”

Ri Isaiy 4:4

Aretak ri Ajawaxel chuk'ata' tzij, chuya' c'ut ri c'äjisabal wächaj, cujosk'ij na ri Jerusalen che ri qui quiq'uel ri e u cämisam, xukuje' quebuch'aj na ri aj Sion che ri e tz'ajtajinak wi.

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Ri Isaiy 62:5

Jacha' c'ut aretak jun ala cäc'uli' ruc' jun ali ri u to'm che rixokil, jewa' cuban na ri Dios chawe catuc'am na che rixokil, catusuc'umaj na sibalaj c'u cäquicot na awuc', jacha' ri u quicotemal ri achi ruc' ri rixokil.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Jeremiy 32:41

In quinquicot na che u banic utzil chque, ruc' c'u ronojel wanima' xukuje' ruc' ronojel jicomal quinban na chque chi quejeki' chupam we ulew ri'.”

Ri Soponiy 3:17

Ri Ajawaxel ri a Dios c'o pa a niq'uiajil; ¡Ri are c'o ronojel u cuinem, catuto'tajisaj c'u na! Ri Ajawaxel caquicot na chawe. Rumal ri u lok'ok'ebal c'uxaj cuya' na c'ac' a c'aslemal; chupam ri u quicotemal cabixon na

Ri Zacariy 6:11

Chac'ama' bic ri sak puak xukuje' ri k'an puak ri a mulin, chebabana' tak corona, chacojo c'u jun che ri u jolom ri qui nimal ri e cojol tabal tok'ob ri Jexu (ri Josadac are' ri u tat ri Jexu).

Ri Matey 12:42

Ri ixok ajawinel aj u mox ri elebal k'ij cäc'oji' na pa ri k'atoj tzij junam cuc' ri winak ri e c'o cho ri uwächulew camic. Ri are' quebuc'okoj na. Rumal rech chi ri are' xpe pa jun tinimit cho ri uwächulew ri sibalaj naj che u tatabexic ri u no'j ri Salomon. Chiwilampe', c'o jun waral ri nim na u banic chuwäch ri Salomon.”

Ri Lucax 15:32

Rajawaxic u banic nimak'ij, rajawaxic chi cujquicotic, rumal rech chi we a chak' ri' ri cäminak chic, xc'astaj c'ut. Xsach na, xriktaj c'ut.’ ”

Ri Xuan 15:11

We jastak ri' nu tzijom chiwe, rech ri nu quicotemal cäc'oji' na pa ri iwanima', rech ri i quicotemal cätz'akatic.

Ri Xuan 3:29

Pa jun c'ulanem, ri uc'aninak ri alibatz are' ri achajilaxel. Are c'u ri rachil ri achajilaxel ri tac'al ruc', sibalaj cäquicotic aretak cuta' ri u ch'abal ri achajilaxel. Je c'u wa' tz'akat ri nu quicotemal ri'.

Colosenses 1:18

Xukuje' are' ri jolomaj ri catakan puwi' ri cuerp, ri are' ri comon cojonelab. Are' ri tiquiritajic, are' ri nabe ri xc'astajisax chquixo'l ri cäminakib, rech jeri' ri are' nabe c'o paquiwi' conojel ri jastak.

Hebreos 13:13

Chujel ba' apan ruc' ri Jesus tza'm ja. Chujyok' cumal ri winak, jas ri are' xyok'ic.

Hebreos 2:9

Are c'u ri Jesus, ri xban che chi ch'utin na jubik' ri u k'ij chquiwäch ri tako'nib aj caj, cäkilo chi nim u k'ij xukuje' nim quilic, je ta ne jun corona ri cojom che. Jewa' banom che rumal rech chi xurik cämical rumal quech conojel, jas ri tok'ob ri xuban ri Dios chque.

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

Apocalipsis 19:12

Ri u bak'wäch je ta ne e rak' k'ak'. C'o q'ui corona' chujolom. C'o jun u bi' tz'ibatalic, ri man c'o ta jun cäch'obowic, xane' xuwi ri are'.

Apocalipsis 19:7

Chujquicotok, sibalaj chujquicotok, chakaya' juluwem che, rumal rech chi xopan ri k'ij re ri u c'ulanem ri Alaj Chij. Ri rixokil u suc'umam rib,