Bixonic Tak 1:5 - Quiché Bible

⁵ “Ixokib aj Jerusalen, in räxbak'alic in c'u ne je'lic; räxbak'alic jacha' tak ri e qui cäbal tak ri e aj ri Sedar, je'lic e jacha' ri e u k'atibal ri Salomon.

Bixonic Tak 1:5 ပူးပေါင်းရင်းမြစ်များ

Salmib 120:5

¡Tok'ob nu wäch in ri xa wokxanim wib pa Mesec, ri in jekel chquixo'l tak ri lic'om re Sedar!

Salmib 149:4

Cäquicot c'ut ri Ajawaxel pa ri u tinimit; cuya' c'u chque ri e mach'amoj ri ch'äcanic che u nimarisaxic qui k'ij.

Salmib 45:9

Chquixo'l ri ixokib ri quexojowic e c'o qui mia'l tak ajawinelab; pa ri riquiak'ab ri tem la re ajawibal t'uyul wi ri ajawinel ixok, wiktal ruc' ri k'an puak ri sibalaj coc'.

Salmib 90:17

Chi ri rutzil ri Ajawaxel, ri ka Dios, cäc'oji' na pakawi'. ¡Co jekeba' la Ajawaxel ri ka chac! ¡Kas co jekeba' la, ri ka chac!

Bixonic Tak 2:14

Nu palomax ri quebac'u' awib xo'l tak ri abaj, pa tak chicajil xukuje' c'axalaj tak c'ubal ib chaya' chwe chi quinwil ri a palaj, chaya' chwe chi quinta' ri a ch'abal. ¡Man c'o ta c'o wi ri awilic! ¡Sibalaj qui' ri a tatabexic!’ ”

Bixonic Tak 2:7

“Chichi'j chwe, ixokib aj Jerusalen, cumal tak ri masat aj lianic xukuje' cumal tak ri ati'tab tak masat ri e c'o pa ri c'ache'laj, quiya' la latz' che ri u waram ri nu lok'ok'ebal c'uxaj. ¡Chiya' che chi warok c'ä jampa' chraj chc'astajok!”

Bixonic Tak 3:10

Ri e rakan e re sak puak; ri u k'elibal chrij re k'an puak; ri t'uyulibal azul cojom puwi': ri u pam wiktal ruc' lok'ok'ebal c'uxaj cumal ri ixokib aj Jerusalen.

Bixonic Tak 3:5

“Chiya' i tzij chibij chwe, ixokib aj Jerusalen, cumal tak ri masat aj lianic xukuje' cumal tak ri ati'tab tak masat ri e co pa ri c'ache'laj, chi man qui wesaj taj ri u waram ri lok' chnuwäch. ¡Chiya' che chi warok c'ä jampa' chraj chc'astajok!”

Bixonic Tak 4:3

Ri e a chi' e quiäk e jacha' quiäk bätz', e ch'äcanelab tak c'ut ri e a tzij. Ri e a palaj e caperaj crabaj e c'utal chrij ri a ch'ukubal.

Bixonic Tak 5:16

ri u pa u chi' man c'o ta c'o wi ri u qui'al. ¡Ronojel are' are jun ch'äcanel! Je u banic wa' ri nu lok', je u banic wa' ri lok' chwe, ixokib aj Jerusalen.”

Bixonic Tak 5:8

Ixokib aj Jerusalen, we quirik ri nu lok', chichi'j chwe chi quibij che chi cätajin quincäm rumal lok'ok'ebal c'uxaj.”

Bixonic Tak 6:4

“At, at lok' chnuwäch, at je'lic xukuje' at ch'äcanel jacha' ri tinimit Tirs xukuje' Jerusalen; man cäk'atitaj taj jacha' juk'at ajch'ojab ri qui takem qui be.

Bixonic Tak 8:4

“Chi chi'j chwe, ixokib aj Jerusalen, chi man quiwesaj taj ri u waram ri lok' chnuwäch ¡Chiya' che chi warok c'ä jampa' chraj chc'astajok!”

Ri Isaiy 21:16

Ri Ajawaxel xubij chwe: “Je tak wa' pa jun junab, jas ri rajilaxic ri junab cuban jun ajchac ri are cutzukbej rib ri cuch'äc ronojel k'ij, sachinak chi u wäch ri Sedar ri nimalaj u banic.

Ri Isaiy 53:2

Ri Ajawaxel xraj chi ri pataninel rech cäq'uiyic jacha' jun tico'n ri cäloclotic; ri cäbe ri u rab pa ri chaki'j ulew. Man c'o ta u je'lal mawi u juluwem, ri u wächbal man c'o ta ri cärayix ta che;

Ri Isaiy 60:7

Conojel ri chij ri e c'o pa Sedar quebawechbej na ri ama'ib tak chij ri e c'o pa Nebaiot quek'ax na pa k'ab, rech quebachi'j puwi' ri porobal chuwäch ri Ajawaxel, che tabal tok'ob ri cäkaj chuwäch, ri are' c'ut je'lic cuban chi na che ri rachoch.

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Ri Ezequiel 16:14

Xnimar c'u a k'ij chquixo'l ri nimak tak tinimit rumal ri a je'lical, ri xux tz'akat rumal ri mayibalalaj a wikic wumal. In, ri Ajawaxel, quinjiquiba' u bixic.

Ri Ezequiel 27:21

Ri Arab xukuje' conojel ri c'o quekle'n pa Sedar e a lok'omanelab: ati'tab tak chij, ama'ib tak chij xukuje' q'uisic' quequitojbej awech.

Ri Matey 10:25

Cubana' wa' che ri tijoxel chi cux jas ri rajtij, cubana' wa' che ri ajchac chi cux jas ri rajaw. We xbix Beelzebu che ri rajaw ja, ¡e ta c'u lo ri aj uwo rachoch!”

Ri Matey 22:11

Xoc bic ri ajawinel che quilic ri winak ri e ulam. Xril jun winak chila' ri man u cojom ta atz'iak ri cacoj pa ri c'ulanem.

Ri Lucax 13:34

¡Jerusalen, Jerusalen! At quebacämisaj ri e k'axal tak tzij, cabuc' chabaj ri quetak ulok awuc'. Q'ui mul xinwaj taj xebenmulij ri awal, jas ri ec' quebumulij ri alaj tak ral chquixe' ri u xic', man xawaj ta c'ut.

Ri Lucax 15:22

Are c'u ri u tat xubij chque ri pataninel tak rech: ‘Chiwesaj ulok ri utzalaj atz'iak, chicojo' che. Chicojo' mulk'ab che ri u k'ab. Chicojo' xajäb chque ri rakan.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Gálatas 4:26

Are c'u ri Jerusalen ri aj chicaj, tzokopitalic; are ka nan uj.

Efesios 5:26

Jeri' xuban che rech cux jun tastalic comon cojonelab. Je ta ne xuch'aj ruc' ja' aretak xujosk'ij rumal ri tzij,

1 Juan 3:1

Chiwila' chi sibalaj nim ri ka lok'ok'exic rumal ri Dios ri Tataxel, chi cäbix chke chi uj ralc'ual ri Dios, uj ralc'ual c'ut. Rumal ri' ri winak re ri uwächulew man cäquich'ob ta ka wäch, rumal rech chi man xquich'ob ta u wäch ri Dios.