Apocalipsis 9:20 - Quiché Bible

²⁰ Ri jule' winak chic ri man xecämisax ta cumal we c'axc'olil ri', man xquiq'uex ta c'u ne ri qui c'u'x mawi xequitanaba' qui banic ri e itzel tak chac ri quequibano, mawi xquitanaba' ri qui k'ijilaxic ri itzel tak uxlabal xukuje' ri e diosib ri e re k'an puak, e re sak puak, e re k'an ch'ich', e re abaj xukuje' e re che'. Ri e diosib ri' man quecuin taj queca'yic, mawi quetanic, mawi quebinic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Ri winaq ri man xekam taj rumal ri kꞌax ri xkꞌulmatajik xuqujeꞌ man xetaniꞌ taj chubꞌanik ri itzel taq jastaq, man xetaniꞌ taj chuqꞌijilaꞌxik ri itzel, ri e bꞌanom taq tyox ri e bꞌantal che qꞌana pwaq, saq pwaq, qꞌanqꞌoj chꞌichꞌ, abꞌaj, cheꞌ, we jastaq riꞌ xa e bꞌantalik kumal achyabꞌ man kekwin taj kakito, man kekaꞌy taj, man kekwin taj kebꞌinik.

K'iche'

²⁰ Are c'u ri niq'uiaj winak chic ri man xecäm tä rumal ri nimak tak c'äxc'ol ri', man xquiya tä can u banic ri etzelal ri cäca'no. Man xquiya tä c'u can qui k'ijilaxic ri itzel tak espíritus, o ri tiox re k'än puak, re sak puak, re ri ch'ich' bronce, re abaj, o re che' ri man queca'y taj, ri man cäquita taj, ri man quecowin taj quebinic.

K'iche' (New Orthography)

²⁰ Are k'u ri nik'iaj winaq chik ri man xekäm tä rumal ri nimaq taq k'äxk'ol ri', man xkiya tä kan u b'anik ri etzelal ri käka'no. Man xkiya tä k'u kan ki q'ijilaxik ri itzel taq espíritus, o ri tiox re q'än puaq, re saq puaq, re ri ch'ich' bronce, re ab'aj, o re che' ri man keka'y taj, ri man käkita taj, ri man kekowin taj keb'inik.

Apocalipsis 9:20 ပူးပေါင်းရင်းမြစ်များ

Ucab Ajawinelab 22:17

Kas in quixutum canok qui porom c'u c'oc' k'ol chquiwäch jule' tak diosib, xa' c'u woyowal caquiyac rumal ronojel ri cäquibano; rumal ri' nicowinak ri woyowal chrij we c'olbal ri', man c'u cächup ta na.

Ucab Tzijobelil 28:22

Pune' c'u kajinak chupam we latz' ri', xutakej c'u na qui banic tak ri etzelal chuwäch ri Ajawaxel. ¡Je' wa' ri u banic ri ajawinel Acaz!

Ucab Tzijobelil 34:25

In c'u qui tzakom canok qui porom c'u c'oc' k'ol chquiwäch tak diosib, qui yacom c'u woyowal cumal tak ri quequichacuj; rumal ri' tzijtajinak ri woyowal puwi' we c'olbal ri', man c'u cachuptaj ta na.

Salmib 106:37

xequichi'j c'u ri e qui c'ojol xukuje' ri e qui mia'l che tabal tok'ob chque ri itzel tak uxlabal.

Ri Isaiy 2:8

¡Xukuje' e nojinak chque tak ri e diosib! Ri winak quequik'ijilaj ri diosib ri e qui banom ruc' ri qui k'ab, ri e qui banom cuc' ri u wi' tak qui k'ab.

Ri Isaiy 41:7

Ri kolol dios cuya' chajin anima' che ri ch'ayal puak; ri cäbajinic cuya' chajin anima' che ri ch'ayal ch'ich', cubij c'ut we utz ri c'ojbal, co chabajij ri wächbal cuc' clawux rech man cäbak'otalob taj.

Ri Jeremiy 1:16

Are c'äjisabal wächaj wa' ri quinya' u bixic chi cäpe na paquiwi' we ajmaquib ri' ri in quixutum, ri xequiporoj c'oc' k'ol xukuje' xequik'ijilaj diosib ri e jule' chiwi ri kas e are' xebanowic.

Ri Jeremiy 25:6

Mebitakej ri e qui diosib ri winak; mebiya' k'ijilanic chque mawi mebik'ijilaj. Miyac royowal ri Ajawaxel, rumal ri qui k'ijilaxic diosib ri xa' ix ix banowinak, cux c'u na wa' che ri kas iwetzelal.’

Ri Jeremiy 44:8

¿Jasche quinic'axc'obisaj cumal tak ri e i banoj quebichi'j c'u c'oc' k'ol chque tak ri diosib ri e c'o waral pa Ejipt, ri ix petinak wi che jekelem? Ruc' wa' qui nimatajisaj ri kas u sachisaxic i wäch, quixux c'u na c'utbal re c'okobal xukuje' mach'irisam ib chquixo'l conojel ri nimak tak tinimit re ri uwächulew.

Ri Jeremiy 5:3

Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Ri Jeremiy 51:17

Man c'o ta u no'j xukuje' man c'o ta retamanic ronojel winak. Ri quebanow diosib quekaj na pa q'uixbal: e subunelab tak wächbalil ri man c'o ta qui c'aslemal;

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 5:4

Conojel cacuq'uiaj u wa'l uva quequik'ijilaj c'ut ri e diosib, ri e re k'an puak, sak puak, k'an ch'ich', räx ch'ich', che', xukuje' e re abaj.

Aj Levitib 17:7

Mawi c'u jumul chquiya' ta chic tabal tak tok'ob chquiwäch tak ri itzelab, ri e qui k'ijila'm, ri qui mac quech e etzelatajinak. Jun pixab wa' ri cacanaj can chiwe, ri coc'ow cuc' ri tataxelab cak'ax c'u cuc' ri alc'ualaxelab.

Ri Miquey 5:13

quebensachisaj na qui wäch tak ri e diosib ri e c'o awuc' xukuje' tak ri tastalicalaj tak abaj, rech mawi ta chi jumul quebak'ijilaj ta chic ri diosib tak ri kas xebaban at.

Ri Matey 21:32

Ri Xuan xpe che u c'utic jun c'aslemal suc', man xicoj ta c'ut. Ri tok'il tak alcabal xukuje' ri ixokib que nim ch'utin xecojonic. Ri ix c'ut, pune' xiwil wa', man xiq'uex ta i c'u'x mawi xixcojon che.”

Hechos 17:29

Uj rija'l ri Dios, mäkachomaj ba' chi ri Dios xa' ta junam ruc' k'an puak, o sak puak, o abaj. Mäkachomaj chi ri Dios xa jun wächbal ri xena'w ri winak che u banic ruc' ri u chomanic ri qui jolom.

Hechos 19:26

Quiwilo, quito jas u banom we Pawl ri'. Man xuwi ta pa Epes, xane' xa' co'l man pa ronojel ri Asiy, ri are' quebuch'äc e q'ui winak xukuje' cujal qui be. Cubij chque chi man e diosib taj ri queban cumal qui k'ab winak.

Hechos 7:41

Pa tak ri k'ij ri', xquiban jun dios ri junam ruc' jun alaj ama' wacax, xquichi'j c'u tabal tok'ob che ri qui dios, xquiban jun nimak'ij che u ya'ic u k'ij ri xquiban ruc' ri qui k'ab.

2 Corintios 12:21

Quinxe'j c'u wib xukuje' chi, pa ri wopanem iwuc' pa quieb oxib k'ij ri nu Dios cuban chwe chi quinna' q'uixbal rumal iwech, cuban c'u na chwe chi quinwok'ej i wäch ix q'ui chiwe ri kas xc'ori' qui takem ulok macunic, man qui yo'm ta c'u can ri tz'ilol, ri e macunic cuc' ixokib achijab xukuje' ri e itzel tak nak'atisabal ri quequibano.

U Camulixic ri Pixab 31:29

Ri in weta'm chi aretak in cäminak chic caquichuwirisaj na quib, cäquiya' na can ri be ri nu bim chque chi cäquiterenej; xukuje' weta'm chi pa tak ri k'ij ri' cäpe na ri quiäkasakil paquiwi', rumal ri u banic ri etzelal chuwäch ri Ajawaxel, quiyac c'u ri royowal rumal wa'.”

U Camulixic ri Pixab 32:17

xequichi'j tabal tak tok'ob chquiwäch tak ri c'axtoc itzel tak uxlabal, chquiwäch tak diosib ri xa e subunelab, ri mawi jumul quetamam ta qui wäch nabe; c'ac' tak diosib, ri c'äte culic, ri mawi jumul xek'ijilax ta cumal ri e qui mam.

U Camulixic ri Pixab 4:28

Chila' c'ut quebipatanij wi na ri diosib ri xa e banom cumal winak, wächbal re tak che', re abaj ri man queca'y taj, ri man quetan taj, ri man quewa' taj mawi quebuxlabic,

1 Timoteo 4:1

K'alaj cubij ri Uxlabaxel chi pa ri q'uisbal tak k'ij, e c'o jujun cäquitas na quib chrij ri cojonic, quequitatabej na ri uxlabal ri e subunelab, xukuje' ri qui tijonic ri itzel tak uxlabal.

Apocalipsis 15:1

Xinwil jun etal chic pa ri caj, nim xukuje' jik'ibal. E c'o wukub tako'nib aj caj ri e cuc'am ri wukub q'uisbal tak c'axc'olil. Cuc' c'u wa' caq'uis u tza'm ri royowal ri Dios.

Apocalipsis 16:8

Ri ucaj tako'n aj caj xuk'ij ri u lak puwi' ri k'ij. Xya' c'u che ri k'ij chi quebuc'atisaj ri winak ruc' k'ak'.

Apocalipsis 9:19

Pa qui chi' c'ut ri quiej e c'o wi ri qui cuinem, xukuje' che ri qui je'. Rumal rech chi ri qui je' e junam cuc' ri cumätz, c'o qui jolom. Cuc' c'ut ri qui jolom cäquiban c'ax.

Apocalipsis 9:21

Mawi ne xequitanaba' ta ri cämisanic, ri itzinic, ri xak cäcuc'aj quib cuc' achijab ixokib che qui banic macunic, mawi ne ri e eläk'anic.