Apocalipsis 8:5 - Quiché Bible

⁵ Ri tako'n aj caj xuc'am ri bukibal, xunojisaj che k'ak' re ri porobal, xuq'uiak puwi' ri uwächulew. Xuban cakulja, jininem, caypa' xukuje' cabrakan.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Ri ángel xukꞌam ri bꞌorxeꞌr xunojisaj che rachaq qꞌaqꞌ ri xukꞌam cho ri tzujbꞌal. Kꞌa te riꞌ xukꞌyaq bꞌik cho ronojel ri uwachulew, xtataj kꞌut jun nimalaj kaqulja, jininik, xuqujeꞌ xilitaj nimaq taq kayapaꞌ xubꞌan xuqujeꞌ jun kabꞌraqan cho ri uwachulew.

K'iche'

⁵ Te c'u ri' xpe ri ángel, xuc'am ri porobal incienso, xunojisaj c'u wa' che rachak k'ak' ri c'o puwi' ri ta'bal tok'ob, xuq'uiäk c'ut puwi' ruwächulew. Xuban c'u quiäkulja, nimalaj wojojem xtatajic, xuban caypa', xukuje' xuban jun nimalaj cäbrakan.

K'iche' (New Orthography)

⁵ Te k'u ri' xpe ri ángel, xuk'am ri porob'al incienso, xunojisaj k'u wa' che rachaq q'aq' ri k'o puwi' ri ta'b'al toq'ob', xuk'iäq k'ut puwi' ruwächulew. Xub'an k'u kiäqulja, nimalaj wojojem xtatajik, xub'an kaypa', xuquje' xub'an jun nimalaj käb'raqan.

Apocalipsis 8:5 ပူးပေါင်းရင်းမြစ်များ

Nabe Ajawinelab 19:11

Ri Ajawaxel xubij c'u che: “Chatel ulok chisak, chatac'aba' c'u awib chnuwäch, puwi' ri juyub.” Coc'ow ri Ajawaxel, jun cowilaj quiakik' c'ut ri sibalaj c'o u chuk'ab xujak'ij ri c'ache'laj, xebupaxij ri nimak tak abaj chuwäch ri Ajawaxel; ri Ajawaxel man c'o ta chupam ri quiakik'. Chrij c'ut ri quiakik' xpe chi jun nimalaj cabrakan; ri Ajawaxel mawi c'o chupam ri nimalaj cabrakan.

Salmib 18:13

Ri Ajawaxel, ri c'o pa ri caj, xubano chi xtataj ri u ch'abal re cakulja chicaj, sakbach tak xukuje' rachak tak k'ak' ri quejuluwic.

Elem 19:16

Churox k'ij aretak xpe ri u sakaric, xuban cakulja rachilam caypa', jun tzatzalaj sutz' c'ut xc'oji' puwi' ri juyub. Jun cowilaj rok'ibal trompet xbanowic chi xebirbob conojel ri winak ri e c'o pa tak ri cachoch rumal xe'n ib.

Ri Isaiy 30:30

Ri Ajawaxel cuban na chi cätataj ri cowilaj u ch'abal, cuc'ut na ri u cuinem ri cucoj ruc' jun xibibalalaj oyowal, e rachil tak ri e rak' k'ak' ri quebik'onic, rachil cakulja' jäb xukuje' sakbach.

Ri Isaiy 66:6

Ri wululem ri cätataj pa ri tinimit, ri wojcorem ri cätataj pa ri rachoch Dios, are ri wojcorem ri cuban ri Ajawaxel aretak cätajin cuya' ri c'äjisabal wäch ri takal chque ri quec'ulelan che.

Ri Jeremiy 51:11

Ri Ajawaxel are caraj cusachisaj u wäch ri Babilon, u c'asum c'u pa qui jolom tak ri ajawinelab re Med we junam chomanic ri'. Are c'u rajil c'axelal wa' cuya' ri Ajawaxel u mac rech ri xquiban che ri rachoch. ¡Chebisuc'umaj tak ri ch'ab! ¡Chebiwuc'aj tak ri i quetecak tak i ch'ich'!

Aj Levitib 16:12

Cuc'am c'u jun bukibal nojinak che rachak k'ak' ri e c'amom puwi' ri porobal chuwäch ri Ajawaxel, xukuje' camuk' coc'alaj k'ol joc'om, cuc'am bic chrij ri ch'ukubal.

Ri Zacariy 14:5

Are c'u ri ix quixanimaj na quitakej na ri beya' ri cacanaj chquixo'l ri juyub, ri copan na c'ä pa Azal, ri c'o ch'käp. Quixanimaj na ix jacha' ri xquiban ri e i mam xebanimaj rumal rech ri nimalaj cabrakan ri xc'ulmatajic aretak ri ajawinel Uziy cajawin pa Juda. Cäpe c'u na ri Ajawaxel ri nu Dios achilatal cumal ri jic xebin chuwäch.

Ri Matey 24:7

Cäwalij na jun nim tinimit chrij jun nim tinimit chic. Cäwalij na jun ajawibal chrij jun ajawibal chic. Pa jalajoj tak c'olbal quepe na wi'jal, xukuje' quebuban na cabrakan.

Ri Lucax 12:49

“Xinpe che u tzijic k'ak' cho ri uwächulew. Quinwaj ta c'ut chi canicow ta chic.

Hechos 16:26

Xak c'u c'ätetal xuban jun nimalaj cabrakan, jeri' chi ri u tac'alibal ri u pa che' sibalaj xeslabetajic. Xejaktaj c'ut conojel ri u chi' ri che'. Ri tikom tak ch'ich' ri e ximibem quech. Conojel xet'okopitajic.

Hechos 4:31

Aretak qui banom chi ch'awem ruc' Dios, xyicop ri c'olbal ri qui mulin wi quib. Conojel c'ut xenojisax che ri Ruxlabal ri Dios. Xquicoj c'u qui chuk'ab che u tzijoxic ri u tzij ri Dios.

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

Apocalipsis 11:19

Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Apocalipsis 6:12

In xinwilo aretak ri Alaj Chij xujak ri uwak t'ikbal, xuban jun nimalaj cabrakan. Ri k'ij xk'ekaric jacha' jun wakwoj atz'iak. Ri ic' ronojel xux quiäk je jas ri quic'.

Apocalipsis 8:3

Xpe chi jun tako'n aj caj, xtaq'ui chuwäch ri porobal, ruc'am jun bukibal re k'an puak. Xya' q'ui c'oc' k'ol che, rech cutik chque ri e qui ch'awem conojel ri e tastalic tak winak aj Dios, puwi' ri porobal re k'an puak ri c'o chuwäch ri tem re ajawibal.