Apocalipsis 7:13 - Quiché Bible

¹³ Jun c'ut chque ri nimak tak tatayib, xubij chwe: “¿Jachin tak wa' ri qui cojom sakloloj tak atz'iak? ¿Jawije' e petinak wi?”

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Kꞌa te riꞌ jun chike ri e kꞌamal taq bꞌe xuta jun kꞌotbꞌal chiꞌ, jewaꞌ xubꞌij: ¿Jachin waꞌ we kikojom saq taq atzꞌyaq, jawjeꞌ kepe wi?

K'iche'

¹³ Te c'u ri' jun chque ri c'amal tak qui be ri cojonelab xch'awic, xuta' chwe: ¿Jachin tak wa' we winak ri' ri qui cojom sak tak qui k'u'? ¿Jawije' quepe wi? —xcha chwe.

K'iche' (New Orthography)

¹³ Te k'u ri' jun chke ri k'amal taq ki b'e ri kojonelab' xch'awik, xuta' chwe: ¿Jachin taq wa' we winaq ri' ri ki kojom saq taq ki q'u'? ¿Jawije' kepe wi? —xcha chwe.

Apocalipsis 7:13 ပူးပေါင်းရင်းမြစ်များ

Chapletajic 16:8

xuc'ot c'u u chi': “Agar, u lok'om pataninel ri Saraiy, ¿Jawije' a petic wi, jawije' c'u catbe wi?” Ri Agar xubij: “Cätajin quinanimaj chuwäch ri nu chuchu' ri Saraiy.”

Ri Daniel 7:16

xinkeb ruc' jun chque ri quepatanij che, xintz'onoj c'u che chi chuk'alajisaj ronojel wa' chnuwäch. Ri are' xuc'am u k'abal u k'alajisaxic chnuwäch, xubij c'u chwe:

Ri Xuan 7:28

C'äte c'u ri' ri Jesus co xch'awic aretak quebutijoj ri winak pa ri rachoch Dios, xubij: “Ri ix iweta'm nu wäch, xukuje' iweta'm jawije' quinpe wi. Ri in man in petinak ta pa wech wi. Are c'u ri xinutak ulok, are' kastzij, ri ix man iweta'm ta u wäch.

Hechos 3:12

Ri Lu', aretak xril wa', xebuch'abej ri winak: “Achijab aj israelib, ¿jasche camay alak wa'? ¿Jasche caca'y alak chke, je ta ne ri rumal ta ri ka chuk'ab uj o rumal ta ri ka nimanic che ri Dios xkabano chi cäbin we achi ri'?

Apocalipsis 3:4

E c'o c'u quieb oxib chiwe pa Sards ri man qui tz'ilom ta ri catz'iak. Ri e are' quebin na wuc' ruc' sakloloj tak catz'iak. Takal c'u wa' chque.

Apocalipsis 4:10

ri juwinak quiejeb nimak tak tatayib quexuqui' chuwäch ri t'uyul pa ri tem re ajawibal, cäquik'ijilaj ri c'asal amak'el chbe k'ij sak, cäquiya' ri qui corona' chuwäch ri tem, cäquibij:

Apocalipsis 4:4

Chrij ri tem re ajawibal e c'o juwinak quiejeb (24) tem re ajawibal. E c'o juwinak quiejeb nimak tak tatayib e t'uyut'oj paquiwi' tak ri tem, qui cojom sakloloj tak atz'iak, qui cojom corona' re k'an puak che ri qui jolom.

Apocalipsis 5:11

Xinca'yic, xinta' ri qui ch'abal q'ui tako'nib aj caj chrij ri tem re ajawibal. Xinta' ri qui ch'abal ri awaj xukuje' ri qui ch'abal ri nimak tak tatayib. Ri cajilabal miyonab chi e miyonab.

Apocalipsis 5:5

Jun chque ri nimak tak tatayib xubij chwe: “Chatanaba' ok'ej. Chawilampe', ri coj aj ramak' Juda, ri rija'l ri David, are' ch'äcaninak che u jakic ri wuj xukuje' ri e wukub u t'ikbal.”

Apocalipsis 7:9

Aretak e bantajinak chi we jastak ri', xinca'yic, xinwil q'uialaj winak, ri man c'o ta jun cäcuin che cajilaxic, ronojel qui wäch tak tinimit, amak', winakil, ch'abal. E tac'atoj chuwäch ri tem re ajawibal xukuje' chuwäch ri Alaj Chij, quicojom sakloloj tak atz'iak xukuje' cuc'am u xak tak tut pa qui k'ab.

K'atal tak Tzij 13:6

Ri ixok xbe che u bixic che ri rachajil, xubij c'u che: “Jun achi ri pataninel rech ri Dios xopan wuc' jawije' ri in c'o wi, sibalaj c'u xinna' wib chuwäch, ri u bantajic je ta ne ri u bantajic jun aj cajalaj u tako'n ri Ajawaxel. Mawi c'u xinta' ta che jachinok, mawi ri are' xubij chwe jachinok.