Apocalipsis 6:15 - Quiché Bible

¹⁵ Ri ajawinelab re ri uwächulew, ri nimak qui k'ij, ri e qui nimal ri ajch'ojab, ri k'inomab, ri c'o qui chuk'ab, conojel ri lok'om tak pataninelab, xukuje' conojel ri e tzokopitalic, conojel xcawaj quib pa tak ri jul xukuje' chquixo'l ri nimak tak abaj ri e c'o pa ri juyub.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Ri e taqanelabꞌ aꞌjuwachulew xuqujeꞌ ri e nimaꞌq taq keqeleꞌn ri e kꞌamal taq bꞌe xuqujeꞌ ri kꞌo kikwinem, ri e qꞌinomabꞌ xuqujeꞌ ri ajchꞌoꞌjabꞌ, ri e patrón xuqujeꞌ ri patanijelabꞌ.

K'iche'

¹⁵ Ri nimak tak takanelab cho ruwächulew, xukuje' ri nimak qui banic, ri k'inomab, ri qui nimakil soldados, ri winak ri c'o nimalaj quekle'n, ri winak patäninelab xukuje' ri winak ri man e c'o tä pu k'ab jun patrón, conojel xquic'u' quib pa tak ri pec, xol tak ri nimak tak abaj ri e c'o pa tak ri juyub.

K'iche' (New Orthography)

¹⁵ Ri nimaq taq taqanelab' cho ruwächulew, xuquje' ri nimaq ki b'anik, ri q'inomab', ri ki nimaqil soldados, ri winaq ri k'o nimalaj keqle'n, ri winaq patäninelab' xuquje' ri winaq ri man e k'o tä pu q'ab' jun patrón, konojel xkik'u' kib' pa taq ri pek, xol taq ri nimaq taq ab'aj ri e k'o pa taq ri juyub'.

Apocalipsis 6:15 ပူးပေါင်းရင်းမြစ်များ

Chapletajic 3:8

Pa ri u benabal k'ij, ri achi rachil ri ixok xquito' chi ri Ajawaxel Dios cätajin cäwacat pa ri ticonijibal, pa ri jok'otaj aretak cajuch'ich' ri quiakik' re ri xk'ekal, xquic'u' quib chuwäch ri Dios xo'l tak ri che' ri e c'o pa ri ticonijibal.

Salmib 76:12

Ri are' cäresaj ri qui c'aslemal ri c'amal tak be, cuya' xe'n ib chque tak ri ajawinelab ri e c'o cho ri uwächulew.

Ri Isaiy 2:10

Ri winak cäquinim na quib xo'l tak ri nimak tak abaj chuxe' ri ulew cäquic'u' na quib chuwäch ri xibibalalaj u wächbal ri Ajawaxel, chuwäch ri nimalaj u juluwem.

Ri Isaiy 2:19

Aretak cäwalij ri Ajawaxel, cunojisaj c'u ronojel ri uwächulew che xibriquil, ri winak cäquinim na quib pa tak ri pec xo'l tak ri abaj, pa tak ri jul xe' tak ri ulew cäquic'u' na quib chuwäch ri xibibalalaj u wächbal ri Ajawaxel xukuje' chuwäch ri nimalaj u juluwem.

Ri Isaiy 2:21

Cäquinim na quib pa tak ri pec xe' tak ri tanatak, pa tak ri jul xe' tak ri nimak tak abaj, che u c'u'ic quib chuwäch ri xibibalalaj u wächbal ri Ajawaxel, xukuje' chuwäch ri nimalaj u juluwem, aretak cäwalijic cunojisaj ri uwächulew che xibriquil.

Ri Isaiy 42:22

are c'u we tinimit ri' queläk'axic xukuje' queboc eläk'omab ruc', conojel banom chque chi quekaj pa che', e tz'apim pa jun k'ekumalaj c'olbal quemajixic c'ut, man c'o ta c'u jachin quetorowic; quebeläk'ax bic, man c'o ta jachin quetokin ta canok.”

Ri Miquey 7:17

¡Quicatza' ri puc'uc' ulew jacha' ri caquiban ri cumätz xukuje' jacha' ri caquiban ri jule' tak awaj chic ri caquijurula' tak quib! ¡Quebirbitic quebel ulok pa tak ri qui soc, e nojinak c'u che xe'n ib catzucux c'u la cumal, Ajawaxel ka Dios!

Hebreos 11:38

Ri winak re ri uwächulew man takal ta chque quec'oji' ri winak ri' cuc'. Xebinicat pa tak chaki'j uwo sak, pa tak ri juyub, pa tak ri pec, xukuje' pa tak jul chupam ri ulew.

Apocalipsis 18:23

Ri u sakil jun chäj man cäjuluw ta chic awuc'. Man cätataj ta chi awuc' ri u ch'abal ri ach'ajilaxel mawi ri lok'om pataninel. Ri e ajc'ayib ri xebel bic iwuc' nabe canok e are' ri nimak na qui k'ij cho ri uwächulew, xebasub conojel ri nimak tak tinimit cumal tak ri e awitzinic.”

K'atal tak Tzij 6:2

Xquichaplej c'u u banic c'ax ri aj madianib chque ri aj israelib, ri aj israelib rumal ri qui xe'n ib xequiban c'ubal tak quib pa tak ri juyub, pa tak ri pec, xukuje' pa tak ri c'olbal ri c'ax quirikic.

Nabe Samuel 13:6

Xekaj c'u ri aj israelib pa jun nimalaj c'ax sibalaj c'u nim ri c'ax ri xquiban ri aj pilisteyib chque, rumal ri' xequic'olo quib pa tak pec xukuje' pa tak jul, xukuje' xo'l tak ri nimak tak abaj pa tak u be ja' xukuje' pa tak c'ua'.