Apocalipsis 4:6 - Quiché Bible

⁶ C'o jun jasach chuwäch ri tem je ta ne jun plo ri carepc'unic jacha' ri cha. Pa ri u niq'uiajil ri tem xukuje' chrij ri tem e c'o quiejeb awaj e c'aslic e k'ijinelab e nojinak che bak'wächaj chquiwäch xukuje' chquij.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Cho ri tꞌuyulibꞌal kꞌo jun plo ri kajunumataj rukꞌ ri kaꞌyebꞌal ibꞌ, xuqujeꞌ cho ri tꞌuyulibꞌal e kꞌo kajibꞌ kꞌaslik taq jastaq, nojinaq ri kityoꞌjal che bꞌoqꞌochaj chikiwach xuqujeꞌ chikij.

K'iche'

⁶ Chuwäch ri je'lalaj t'uyulibal xukuje' c'o jun mar ri je' ta ne vidrio ri cuya' cäca'y jun chupam. Pu niq'uiajal ronojel, jawije' c'o wi ri je'lalaj t'uyulibal xukuje' chrij ri t'uyulibal e c'o quiejeb ri je' quepe ángeles, ri c'o q'uia qui wak'äch chquiwäch xukuje' chquij.

K'iche' (New Orthography)

⁶ Chuwäch ri je'lalaj t'uyulib'al xuquje' k'o jun mar ri je' ta ne vidrio ri kuya' käka'y jun chupam. Pu nik'iajal ronojel, jawije' k'o wi ri je'lalaj t'uyulib'al xuquje' chrij ri t'uyulib'al e k'o kiejeb' ri je' kepe ángeles, ri k'o k'ia ki waq'äch chkiwäch xuquje' chkij.

Apocalipsis 4:6 ပူးပေါင်းရင်းမြစ်များ

Nabe Ajawinelab 7:23

Ri Hiram are chi xuban jun nimalaj c'olbal ja' re k'an ch'ich'. Quetequic c'ut, job (5) bara' ruc' quieb (2) k'abaj quetan che ri jun u chi' che ri jun chic. Ri rak'anibem quieb (2) bara' ruc' oxib (3) k'abaj, ri u setic, re waklajuj (16) bara' ruc' quieb (2) k'abaj.

Ri Job 28:17

Pakal na rajil chuwäch ri k'an puak xukuje' ri cha; man cuya' taj caq'uex cuc' tak jastak ri e re ch'ajch'ojalaj k'an puak.

Elem 38:8

Ri Bezaleel are xebucoj ri qui ilbal quib ri ixokib ri cajwataj chuchi' ri oquibal chupam ri Lic'om Rachoch Dios re rikoj ib che u banic ri tzima re k'an ch'ich', xuban xukuje' ri u tiq'uilibal re k'an ch'ich'.

Ri Ezequiel 10:12

Ri qui cuerp, ri uwo tak cachak, ri qui k'ab xukuje' tak ri qui xic' e nojinak che jolk'inic pa conojel ri qui xcut, xukuje' ri quiejeb quetet.

Ri Ezequiel 10:14

Chquijujunal ri aj cajalaj tak to'banelab ri e c'o qui xic' e c'o quiejeb qui palaj: ri nabe palajaj re jun ama' wacax; ri ucab, re jun winak; ri urox, re jun coj; are c'u ri ucaj, re jun cot.

Apocalipsis 14:3

Xquibixoj c'u jun c'ac' bix chuwäch ri tem re ajawibal, chquiwäch ri quiejeb awaj, xukuje' chquiwäch ri nimak tak tatayib. Man c'o ta c'u jun cäcuinic cäretamaj ri bix, xuwi ri jun sient cawinak quiejeb mil (144,000), ri xelok' chquixo'l ri e aj uwächulew.

Apocalipsis 15:2

Xinwil c'ut je ta ne jun cho re cha ri cajuluwic ri yujutal k'ak' ruc'. Ri e ch'äcaninak puwi' ri itzel awaj, puwi' ri u wächbal, xukuje' puwi' ri rajilabal ri u bi', e tac'atoj puwi' ri cho re cha. E cuc'am tak ri e u arp ri Dios.

Apocalipsis 15:7

Jun c'ut chque ri quiejeb awaj xuya' chque ri wukub tako'nib aj caj wukub lak re k'an puak. E nojinak ri lak che ri royowal ri Dios, ri c'asal amak'el chbe k'ij sak.

Apocalipsis 19:4

Ri juwinak quiejeb nimak tak tatayib xukuje' ri quiejeb awaj xexuquic, xquik'ijilaj ri Dios ri t'uyul puwi' ri tem re ajawibal, xquibij: “¡Je' chbanok! ¡Chanimarisax u k'ij ri Ajawaxel!”

Apocalipsis 21:11

C'o c'ut ri u juluwem ri Dios che. Ri u tun cajunataj ruc' ri u tun ri jun abaj jasp ri sibalaj pakal rajil.

Apocalipsis 21:18

Ri tapia abaj jasp cojom che u banic. Ri tinimit k'an puak cojom che u banic ri man c'o ta jun jasach chic yujam ruc', cachuplinic cajunamataj ruc' ri cha.

Apocalipsis 21:21

Ri cablajuj u chi' are cablajuj perl, chquijujunal ri e u chi' jun perl banbem rech. Ri be chupam ri tinimit are re k'an puak ri man c'o ta jun jasach chic yujam ta ruc', cachuplinic cajunamataj ruc' ri cha.

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Apocalipsis 4:4

Chrij ri tem re ajawibal e c'o juwinak quiejeb (24) tem re ajawibal. E c'o juwinak quiejeb nimak tak tatayib e t'uyut'oj paquiwi' tak ri tem, qui cojom sakloloj tak atz'iak, qui cojom corona' re k'an puak che ri qui jolom.

Apocalipsis 5:11

Xinca'yic, xinta' ri qui ch'abal q'ui tako'nib aj caj chrij ri tem re ajawibal. Xinta' ri qui ch'abal ri awaj xukuje' ri qui ch'abal ri nimak tak tatayib. Ri cajilabal miyonab chi e miyonab.

Apocalipsis 5:14

Ri quiejeb tak awaj e c'aslic e k'ijilanelab xquibij: “Je' chbanok.” Ri juwinak quiejeb nimak tak tatayib xexuqui' xek'ijilan c'ut.

Apocalipsis 5:6

Pa u niq'uiajil ri tem re ajawibal, chquixo'l ri quiejeb awaj, xukuje' chquixo'l ri nimak tak tatayib, xinwil jun Alaj Chij. Chäcalic, je ta ne ri cämisam. C'o wukub ruc'a', c'o wukub u bak'wäch, are wa' ri wukub ruxlabal ri Dios ri e takom bic cho ronojel ri uwächulew.

Apocalipsis 5:8

Aretak xuc'am ri wuj, ri quiejeb awaj xukuje' ri juwinak quiejeb nimak tak tatayib xexuqui' chuwäch ri Alaj Chij. Chquijujunal cuc'am jujun arp xukuje' jujun lak re k'an puak e nojinak che c'oc' k'ol. Are wa' ri qui ch'awem ri e tastalic tak winak aj Dios.

Apocalipsis 6:1

Xinwilo aretak ri Alaj Chij xujak jun chque ri wukub t'ikbal. Xinta' jun chque ri quiejeb awaj, chi xubij chwe ruc' jun ch'abebal ri je ta ne cakulja: “¡Tasaj!”

Apocalipsis 6:6

Xinta' jun ch'abal pa qui niq'uiajil ri quiejeb awaj, ri xubij: “Quieb libra trico che ri cäch'ac che jun k'ij chac, wakib libra sebad che ri cäch'ac che jun k'ij chac. Masach c'u u wäch ri u wa'l uva mawi ri aseit.”

Apocalipsis 7:11

Conojel ri tako'nib aj caj e tac'atoj chrij ri tem re ajawibal xukuje' chquij ri nimak tak tatayib xukuje' chquij ri quiejeb awaj. Xexuqui' chuwäch ri tem, xquikasaj ri qui palaj cho ri ulew, xquik'ijilaj ri Dios,

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”