Apocalipsis 4:10 - Quiché Bible

¹⁰ ri juwinak quiejeb nimak tak tatayib quexuqui' chuwäch ri t'uyul pa ri tem re ajawibal, cäquik'ijilaj ri c'asal amak'el chbe k'ij sak, cäquiya' ri qui corona' chuwäch ri tem, cäquibij:

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri e juwinaq kajibꞌ kꞌamal taq bꞌe kexukiꞌk cho ri tꞌuyul pa ri tꞌuyulibꞌal xuqujeꞌ kakiqꞌijilaꞌj ri kꞌaslik chibꞌe qꞌij saq, kakiya ri kikorona choch Areꞌ xuqujeꞌ kakibꞌij:

K'iche'

¹⁰ are chi' quexuqui ri juwinak quiejeb c'amal tak qui be ri cojonelab chuwäch ri Jun ri c'o pa ri je'lalaj t'uyulibal, cäquesaj ri qui corona chuwäch ri t'uyulibal, cäquik'ijilaj c'ut, cäquibij:

K'iche' (New Orthography)

¹⁰ are chi' kexuki ri juwinaq kiejeb' k'amal taq ki b'e ri kojonelab' chuwäch ri Jun ri k'o pa ri je'lalaj t'uyulib'al, käkesaj ri ki corona chuwäch ri t'uyulib'al, käkiq'ijilaj k'ut, käkib'ij:

Apocalipsis 4:10 ပူးပေါင်းရင်းမြစ်များ

Nabe Tzijobelil 29:20

Chuq'uisbalil c'ut xubij ri David chque conojel ri winak ri qui mulin quib: “Chixk'ijilan ba che ri Ajawaxel ri i Dios.” Conojel c'ut ri winak xek'ijilan che ri Ajawaxel, qui Dios ri e qui mam, xexuqui' c'ut xquimejela' quib chuwäch ri Ajawaxel xukuje' chuwäch ri ajawinel.

Ucab Tzijobelil 7:3

Aretak conojel ri aj israelib xquil ri k'ak' xukuje' ri u juluwem ri Ajawaxel Dios ri xkaj ulok puwi' ri rachoch Dios, xexuquic xukuje' xquimej quib c'ä re ri lajom abaj. Xquiya' na ri palaj cho ri ulew, xek'ijilan c'ut xukuje' xquiya' maltioxinic che ri Ajawaxel, xquitzelej c'ut u bixic: “Rumal rech chi ri are' utz, rumal rech chi ri u lok'ok'ebal c'uxaj junalic.”

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Salmib 115:1

Ajawaxel, chya' k'ij la chbil ib la, ma ta are' ri uj; ¡chnimarisaj k'ij la, rumal ri lok'ok'ebal c'u'x la xukuje' ri kastzij la!

Salmib 47:8

¡Ri Dios are ri cajawinel ri nimak tak tinimit! ¡Ri Dios t'uyul puwi' ri tastalicalaj u tem re ajawibal!

Salmib 72:11

¡Chi conojel c'ut ri ajawinelab chexucul chuwäch! ¡Chi conojel c'ut ri nimak tak tinimit chepatanin che!

Salmib 95:6

Chixpetok, xucuxuj chujk'ijilanok; kaxucu' kib chuwäch ri Ajawaxel, are' c'ut ri are' xujbanowic.

Ri Isaiy 6:1

Pa ri junab aretak xcäm ri ajawinel U, xinwil ri Ajawaxel, t'uyul pa jun tem re ajawinel ri sibalaj naj elinak chicaj, ri u chi' ri u k'u' u nojisam u pam ri rachoch Dios.

Ri Daniel 12:7

Ri achi ri e u cojom tak sakloloj atz'iak re lino xebuyac ri u k'ab chicaj, cätajin cuban ri chi'nic ri kas cäban na pa ri u bi' ri c'aslic Dios, xubij: ‘Pa oxib junab ruc' wakib ic', aretak cätanabax u banic c'ax che ri u cuinem ri u tinimit ri Dios, c'äte ri' cäq'uis na qui tza'm conojel we jastak ri'.’

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Matey 2:11

Xeboc pa ri ja, xquil c'u ri ac'al c'o chunakaj ri Mariy ri u nan, xexuqui' chuwäch ri ac'al, xquik'ijilaj. Xquijak ri qui c'olbal, xquichi'j sipanic che k'an puak, c'oc'alaj k'ol, xukuje' ri cunabal mir.

Ri Lucax 24:52

Xetzelej c'u pa Jerusalen ruc' nimalaj quicotemal.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

U Camulixic ri Pixab 32:40

Quinyac ri nu k'ab chicaj, quinban na ri chi'nic ri kas cäban na rumal ri nu junaliquil

Apocalipsis 10:6

Quincha' ri chi'nic ri kas cäban na chuwäch ri c'asal amak'el chbe k'ij sak, ri e u banom ri caj ri ulew xukuje' ri jastak ri e c'o chquiwäch, ri plo xukuje' conojel ri jastak ri e c'o chupam. Xubij: “Man c'o ta chi cäkeyej na.

Apocalipsis 11:16

Ri juwinak quiejeb (24) nimak tak tatayib ri e t'uyut'oj pa ri qui tem re ajawibal chuwäch ri Dios, xexuquic, xquikasaj ri qui palaj, xquik'ijilaj c'ut ri Dios.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Apocalipsis 15:7

Jun c'ut chque ri quiejeb awaj xuya' chque ri wukub tako'nib aj caj wukub lak re k'an puak. E nojinak ri lak che ri royowal ri Dios, ri c'asal amak'el chbe k'ij sak.

Apocalipsis 19:4

Ri juwinak quiejeb nimak tak tatayib xukuje' ri quiejeb awaj xexuquic, xquik'ijilaj ri Dios ri t'uyul puwi' ri tem re ajawibal, xquibij: “¡Je' chbanok! ¡Chanimarisax u k'ij ri Ajawaxel!”

Apocalipsis 4:2

Chanim xinc'oji' pa ri Uxlabaxel. Xinwil jun tem re ajawibal ri yo'm pa ri caj, c'o c'u jun t'uyul puwi'.

Apocalipsis 4:4

Chrij ri tem re ajawibal e c'o juwinak quiejeb (24) tem re ajawibal. E c'o juwinak quiejeb nimak tak tatayib e t'uyut'oj paquiwi' tak ri tem, qui cojom sakloloj tak atz'iak, qui cojom corona' re k'an puak che ri qui jolom.

Apocalipsis 4:9

Aretak ri awaj cäquiya' juluwem xukuje' nim ilic xukuje' k'ijilanic che ri t'uyul pa ri tem re ajawibal, che ri c'asal amak'el chbe k'ij sak,

Apocalipsis 5:14

Ri quiejeb tak awaj e c'aslic e k'ijilanelab xquibij: “Je' chbanok.” Ri juwinak quiejeb nimak tak tatayib xexuqui' xek'ijilan c'ut.

Apocalipsis 5:8

Aretak xuc'am ri wuj, ri quiejeb awaj xukuje' ri juwinak quiejeb nimak tak tatayib xexuqui' chuwäch ri Alaj Chij. Chquijujunal cuc'am jujun arp xukuje' jujun lak re k'an puak e nojinak che c'oc' k'ol. Are wa' ri qui ch'awem ri e tastalic tak winak aj Dios.

Apocalipsis 7:11

Conojel ri tako'nib aj caj e tac'atoj chrij ri tem re ajawibal xukuje' chquij ri nimak tak tatayib xukuje' chquij ri quiejeb awaj. Xexuqui' chuwäch ri tem, xquikasaj ri qui palaj cho ri ulew, xquik'ijilaj ri Dios,