Apocalipsis 3:19 - Quiché Bible

¹⁹ In co quebench'abej conojel ri quebenwaj, quinc'äjisaj qui wäch. Chacojo' ba a chuk'ab che ri cabano, chaq'uexa' a c'u'x.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Ri in keꞌnyajo xuqujeꞌ keꞌnpixibꞌaj konojel ri keꞌnloqꞌaj, rumal riꞌ chatnimanoq xuqujeꞌ chakꞌexa akꞌuꞌx.

K'iche'

¹⁹ Ri in queinyajo xukuje' quinc'äjisaj qui wäch conojel ri e lok' chnuwäch. Chatoc ba' il, chaq'uexa ri awanima', chaq'uexa c'u ri a chomanic.

K'iche' (New Orthography)

¹⁹ Ri in keinyajo xuquje' kink'äjisaj ki wäch konojel ri e loq' chnuwäch. Chatok b'a' il, chak'exa ri awanima', chak'exa k'u ri a chomanik.

Apocalipsis 3:19 ပူးပေါင်းရင်းမြစ်များ

Ucab Samuel 7:14

Quinux c'u na jun tataxel che, are c'u ri are' cux na jun c'ojalaxel chwe. Aretak chuban jun macunic, quinc'äjisaj na u wäch quinrapuj c'u na jacha' cuban ronojel tataxel che ri u c'ojol,

Ri Job 5:17

Utz rech ri winak ri cäyaj rumal ri Dios; mawetzelaj u wäch ri u yajanic ri c'o ronojel u cuinem.

Salmib 39:11

Cuc' c'äjisabal wächaj qui mac ri macaj cajic' la ri winak, rumal ri u c'äjisaxic u wäch u mac ri u mac, cäban la chi cux puc'uc' ulew ri sibalaj culok'ok'ej. Ronojel winak xa jun uxlabic.

Salmib 6:1

Ajawaxel, minyaj la pa ri oyowal la, mac'äjisaj la nu wäch pa ri c'anal la.

Salmib 69:9

Quincäm che achixomanic che rilixic ri achoch la; in in kajbeninak ronojel ri qui yok'bal ri quebanow c'ax che la;

Salmib 94:10

¿La xa ta c'u lo ma ta cac'äjisan wächaj ri quepixben ri nimak tak tinimit? ¿La xa ta c'u lo ma ta reta'm ri cätijon ri etamanic che ri winak?

E C'ambal tak Tzij 15:10

Ri cuya' can ri utzalaj be co ri u c'äjisaxic u wäch cäbanic; ri cäretzelaj u wäch ri k'ilonic cäcäm na.

E C'ambal tak Tzij 15:32

Ri cäretzelaj u wäch ri pixbenic, man lok' ta cäril rib chbil rib; are' c'u ri coc il che ri pixbenic curik ch'obonic.

E C'ambal tak Tzij 22:15

Ri conil are u tz'akatil ri qui chomanic ri c'ä e ac'alab, quel c'ut aretak cäc'äjisax u wäch ruc' ch'ayiquil.

Ri Isaiy 26:16

Pa ri ka bis cujtzucun che la Ajawaxel, aretak cujpixbej la chinojimal.

Ri Jeremiy 10:24

Chujjic'a' la jas ri u cholajil ri suq'uilal la, man ruc' ta c'ut oyowal la, casachisaj c'u la ka wäch ri'.

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Ri Jeremiy 30:11

In, ri Ajawaxel, quinjiquiba' u bixic chi in c'o awuc' che a to'tajisaxic. Quebensachisaj na qui wäch ri nimak tak tinimit ri xatinjabuj chquixo'l. Man c'u quinsachisaj ta na a wäch at; xuwi quinc'äjisaj a wäch jas ri takal chawe: man catinya' ta canok we ta mat quinc'äjisaj a wäch.”

Ri Jeremiy 31:18

Xinto chi ri tinimit Eprain cäch'ach'at ruc' c'ayil: ‘In in jacha' can jun wacax ri man tijotajinak taj, in tijotajinak c'ut umal la; chabana' la chi quintzelej uc' la, lal c'ut ri Ajawaxel, nu Dios.

Ri Jeremiy 7:28

Chabij chque: ‘Are nim tinimit wa ri man caniman ta che ri u Dios mawi c'u ne caraj chic cäpixbexic. Ri kastzij mawi jumul quel chi ulok pa u chi'.’ ”

Ri Soponiy 3:2

Man xutatabej taj ri u ch'abal ri Ajawaxel man xujiquiba' ta u c'u'x chrij, man xutzucuj taj ri u Dios.

Ri Matey 25:7

Xewalij c'u conojel ri alitomab ri', xequisuc'umala' ri yabal qui c'olbal k'ak'.

Ri Xuan 2:17

Chi' c'ut xnataj chque ri u tijoxelab chi tz'ibam canok: “Quinubik' ri rilixic ri achoch la.”

Romanos 12:11

Chebicojo tak i chuk'ab mixsak'orinic chipatanij c'u ri Ajawaxel ruc' jun anima' ri carokowic.

1 Corintios 11:32

pune' c'u cäc'äjisax ka wäch rumal ri Ajawaxel xa' rech cujetamanic, rech man cäc'äjisax ta ka wäch junam cuc' ri e aj uwächulew.

2 Corintios 6:9

Cäban chke chi je ta ne ri ma ta etamatal ka wäch, sibalaj c'u ne etamatal ka wäch. Camic cäkabano, ka takem c'u ne c'aslem; cäquic'äjisaj ka wäch man c'u cuj qui cämisaj taj.

2 Corintios 7:11

Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.

Gálatas 4:18

Kastzij chi utz we cujoc il chque niq'uiaj chic, cuc' c'u utzalaj tak chomanic; je c'u chux amak'el, ma ta xak xuwi aretak in c'o chixo'l.

U Camulixic ri Pixab 8:5

Chich'obo' chi ri Ajawaxel ri i Dios ix u pixbem jacha' ri cuban jun tataxel cupixbej ri ralc'ual.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Apocalipsis 2:5

Chnataj ba chawe ri a banic canok ri at tzakinak wi. Chaq'uexa' ri a c'u'x, xukuje' chabana' ri chac ri xaban canok nabe. We c'u man jeri', quinbe awuc', quinwesaj na ri a tzuc'ulibal pa ri u c'olbal, we man caq'uex a c'u'x.