Apocalipsis 3:18 - Quiché Bible

¹⁸ Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Rumal riꞌ kinya jun anoꞌj. Chaloqꞌo qꞌana pwaq chwe ri juluwisatal pa qꞌaqꞌ, rech jeriꞌ qas katqꞌinomarik, chaloqꞌo saq taq awatzꞌyaq rech kakojo, jeriꞌ man kilitaj ta chi ri akꞌixibꞌal rumal cher at chꞌanalik, xuqujeꞌ chaloqꞌo kolirio rech kachꞌajbꞌej ri abꞌoqꞌoch rech jeriꞌ katkaꞌyik.

K'iche'

¹⁸ Rumal ri' catinpixbaj chi chalok'o awe ri k'än puak ri c'o wuc', ri banom ch'ajch'oj che pa k'ak' rech kas tzij at k'inom. Xukuje' chalok'o awe ri sak atz'iak ri c'o wuc' rech cacojo, je ri' cäch'uktaj ri awij ri ch'analic ri xa cäresaj a q'uixbal. Xukuje' chalok'o awe ri cunabal ri c'o wuc' ri cucunaj ri a wak'äch rech catcowinic catca'yic.

K'iche' (New Orthography)

¹⁸ Rumal ri' katinpixb'aj chi chaloq'o awe ri q'än puaq ri k'o wuk', ri b'anom ch'ajch'oj che pa q'aq' rech qas tzij at q'inom. Xuquje' chaloq'o awe ri saq atz'iaq ri k'o wuk' rech kakojo, je ri' käch'uqtaj ri awij ri ch'analik ri xa käresaj a k'ixb'al. Xuquje' chaloq'o awe ri kunab'al ri k'o wuk' ri kukunaj ri a waq'äch rech katkowinik katka'yik.

Apocalipsis 3:18 ပူးပေါင်းရင်းမြစ်များ

Salmib 107:11

u mac ri qui c'ulelaxic ri e u takanic ri Ajawaxel, u mac ri retzelaxic u wäch ri e u chomanic ri Dios aj chicaj.

Salmib 16:7

Quinya' u k'ij ri Ajawaxel rumal chi are' c'amal nu be, cupixbej ri wanima' chak'ab.

Salmib 32:8

Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Salmib 73:24

c'amom la nu be cuc' tak ri pixbenic la, chuq'uisbalil quinc'ulaj na la ruc' quicotemal.

E C'ambal tak Tzij 1:25

Xane' e i xutum tak ri e nu yo'w no'j; man ch'awinak ta i c'u'x che u c'amic ri nu pixbenic.

E C'ambal tak Tzij 1:30

Man quebirayij taj qui c'amic ri e nu yo'w tak no'j; quiwetzelaj qui wäch ri e nu pixbenic.

E C'ambal tak Tzij 19:20

Chaya' a xiquin che ri no'j ri cäya' chawe chac'amowaj c'ut ri pixbenic we je caban wa' catux na ajno'j.

E C'ambal tak Tzij 23:23

Chalok'o' ri kastzij, ri no'j, ri tijonic xukuje' ri ch'obonic, ¡mebac'ayij c'ut!

Ri Tzijonel 8:2

Chebatz'akatisaj ri e u takanic ri ajawinel, je c'u chi'nic wa' ri kas cäban na, wa' a bim chuwäch ri Dios.

Ri Isaiy 47:3

Chilitaj na ri a cuerp ch'analic, je, chcanaj ri awe chisak. Quinya' na ri c'äjisabal a wäch, man c'o ta c'u jachin cäcuin che u k'atixic cuc' tak ri e u bochi'nic.”

Ri Isaiy 55:1

“Iwonojel ri cächaki'j i chi', chixpetok che ruq'uiaxic ja'; ri man c'o ta i rajil, chixpetok, chixlok'ominak, chixwok, chilok'o trico, chixwok. ¡Chixpetok! ¡Chilok'o u wa'l uva xukuje' leche ri xak cacochixic, man c'o ta cätoj che u rikic!

Ri Jeremiy 13:26

Xukuje' ri in utzalaj a sanabaxic quinban na, catinya' c'u na pa ri q'uixbal.

Ri Daniel 12:2

E q'ui chque ri cätajin quewar chupam tak ri mukubal quec'astaj na: jujun quec'asi' na re chbe k'ij sak, jujun chi c'ut che esbal q'uixbal xukuje' che ri xibibal ri e junalic.

Ri Miquey 1:11

¡Winak re Sapir, jix pa jun ulew chic, ix ch'anach'oj ix nojinak che q'uixbal! ¡Man quebel ta na bic ri e jekel pa Zaanan! ¡C'o juyuwem pa Bet-esel, are c'u ri ix quixcanaj canok man c'o ta chi cäyo'w ri to'banic chiwe!

Ri Nahum 3:5

Ri Ajawaxel ri c'o ronojel u cuinem cujiquiba' u bixic: “Waral in c'o che u banic c'ax chawe: quenjolo' ri awatz'iak quenpakaba' c'ä chapalaj, rech ch'analic catquil ri nimak tak tinimit, e are' tak c'ut ri ajawibal chquila' ri a q'uixbal.

Ri Malaquiy 3:3

Ri Ajawaxel cut'uyuba' na rib che qui josk'ixic tak ri e cojol tabal tak tok'ob, ri e rija'lil ri Levi, jacha' ta ne ri cuban ri ch'ajal sak puak xukuje' k'an puak chupam ri k'ak'. Aretak c'u cabantaj wa' ri e are cuya' caquicoj ri qui sipanic chuwäch ri Ajawaxel, jacha' ri takal u banic cumal.

Ri Matey 13:44

“Ri rajawibal ri Dios jacha' ta ne jun k'inomal ri c'utal canok pa jun ulew, ri xurik jun winak, xuc'u' chi canok. Ri are c'o quicotemal ruc' rumal rech ri xuriko. Cäbe c'ut, quebuc'ayij conojel ri jastak ri c'o ruc', culok' c'u ri ulew ri'.”

Ri Matey 25:9

Ri utz qui chomanic xquibij chque: ‘We ne man cubana' chke uj xukuje' chiwe ix. Are utz jix cuc' ri ajc'ayib, chilok'o' iwe.’

Ri Lucax 12:21

Jewa', ri cac'ulmataj ruc' ri winak ri cumulij u k'inomal chbil rib, man k'inom ta c'u ne cho ri Dios.”

2 Corintios 5:3

ri cujuch'uk na jacha' jun atz'iak, rech jeri' man cujch'ani taj.

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

Apocalipsis 16:15

Chiwilampe', quinpetic je jacha' jun eläk'om. Utz re ri cäc'asc'atic, ri quebuchajij ri ratz'iak, rech man ch'anal taj cäbinic, man quebel ta ri u q'uixbal.

Apocalipsis 19:8

xya' che chi cucoj jun ch'ajch'oj atz'iak re ch'uch'ujalaj lino ri cäjuluwic. Ri ch'uch'ujalaj lino are cubij ri suc'alaj tak chac ri qui banom ri tastalic tak winak aj Dios.”

Apocalipsis 2:9

Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.

Apocalipsis 3:17

Cabij c'ut: In k'inom, utz in c'olic, man c'o ta jas rajawaxic chwe. Man aweta'm taj chi sibalaj at c'okotajinak, tok'ob c'u a wäch, at meba', at moy, at ch'analic.

Apocalipsis 4:4

Chrij ri tem re ajawibal e c'o juwinak quiejeb (24) tem re ajawibal. E c'o juwinak quiejeb nimak tak tatayib e t'uyut'oj paquiwi' tak ri tem, qui cojom sakloloj tak atz'iak, qui cojom corona' re k'an puak che ri qui jolom.

Apocalipsis 7:13

Jun c'ut chque ri nimak tak tatayib, xubij chwe: “¿Jachin tak wa' ri qui cojom sakloloj tak atz'iak? ¿Jawije' e petinak wi?”