Apocalipsis 3:14 - Quiché Bible

¹⁴ “Chatz'ibaj che ri u tako'n ri comon cojonelab pa Laodisey; ‘Ri Kastzij, ri jicalaj k'alajisanel ri cubij ri kastzij, ri takanel puwi' ronojel ri banom rumal ri Dios, jewa' cubij:

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Chatzꞌibꞌaj we tzij riꞌ che ri ángel ri kꞌo pa ri komontyox pa Laodicea: Ri Jeriꞌ, ri qas kukꞌut ri qas tzij chirij ri Dios, ri man bꞌanoj tzij ta ri kubꞌij, ri rumal re, ri Dios xutik ronojel ri jastaq. Chatatabꞌej ri kinbꞌij chawe:

K'iche'

¹⁴ Chatz'ibaj bi we tzij ri' xukuje' che ri c'amal qui be ri kachalal cojonelab ri e c'o pa ri tinimit Laodicea: “Ri Jun ri ajchak'el ri Kas Tzij, ri k'alajisanel ri jicom ranima' chubixic ri kas tzij, ri Jun ri xcoj rumal ri Dios chubanic ronojel ri c'olic, je' cubij wa':

K'iche' (New Orthography)

¹⁴ Chatz'ib'aj b'i we tzij ri' xuquje' che ri k'amal ki b'e ri qachalal kojonelab' ri e k'o pa ri tinimit Laodicea: “Ri Jun ri ajchaq'el ri Qas Tzij, ri q'alajisanel ri jikom ranima' chub'ixik ri qas tzij, ri Jun ri xkoj rumal ri Dios chub'anik ronojel ri k'olik, je' kub'ij wa':

Apocalipsis 3:14 ပူးပေါင်းရင်းမြစ်များ

Chapletajic 49:3

Ruben, at ri nu nabeal, ri nabe u wächinic ri nu chuk'ab, ri nabe chnimarisax u k'ij, xukuje' ri nabe pa ri cuinem.

E C'ambal tak Tzij 14:5

Ri suc'alaj k'alajisanel man cuban ta tzij; ri u cawäch k'alajisanel quebubij banoj tzij.

E C'ambal tak Tzij 8:22

Ri Ajawaxel xinuwinakirisaj pa ri u tiquiritajic ri u chac, c'ä majok ri uwächulew.

Ri Isaiy 55:4

In xincoj ri are' jacha' che k'alajisanel chque ri nimak tak tinimit, xincoj che c'amal be xukuje' che ya'l qui no'j tak ri tinimit.

Ri Isaiy 65:16

Apachin ta ne ri c'o pa ri ulew ri cutz'onoj jun tewichibal, cutz'onoj na che ri Dios ri jic apachin ta ne ri c'o pa ri ulew ri cuban jun chi'nic ri kas cäban na, cuban na pa ri u bi' ri Dios ri jic. Ri c'axc'ol ri e re ojer xeboc'owic, man quec'utun ta chi chnuwäch.

Ri Jeremiy 42:5

Xquibij c'u che ri Jeremiy: “Are' ba' ri Ajawaxel ri a Dios are' chux kas jicalaj k'alajisanel chkij, we man cäkabano ri cubij chawe chi cabij chke.

Ri Xuan 1:3

Conojel ri jastak rumal are' xebanic. Man c'o ta jun chque ri jastak ri e banom, ri ma ta xban rumal are'.

Ri Xuan 8:14

Ri Jesus xutzelej u bixic chque: “Pune' ta ri in quink'alajisaj wib chbil wib, ri nu k'alajisanic c'ut are kastzij. Rumal rech chi weta'm jawije' in elinak wi ulok, xukuje' weta'm jawije' quinbe wi. Are' c'u ri ix man iweta'm taj jawije' xinel wi ulok, mawi iweta'm jawije' quinbe wi.

2 Corintios 1:20

Conojel ri jastak ri u bim ri Dios chi cuya' chke, queyataj chke rumal ri Jesucrist. Rumal ri', aretak cäkanimarisaj u k'ij ri Dios, cäkabij “je chbanok” rumal ri Jesucrist.

U Camulixic ri Pixab 21:17

Cuc'amowaj c'u na wa' che u nabeal cuya' c'ut ri u k'inomal ri takal u ya'ic che, are' c'ut ri nabe u wächinic ri u chuk'ab che are caya' wi ri ya'tal chque ri nabeal.”

Colosenses 1:15

Ri Crist ri quilatajic are' wa' ri u wächbal ri Dios, ri man quilitaj taj; are' ri u c'ojol are' ri c'o nabe chuwäch ronojel ri banom.

Colosenses 1:18

Xukuje' are' ri jolomaj ri catakan puwi' ri cuerp, ri are' ri comon cojonelab. Are' ri tiquiritajic, are' ri nabe ri xc'astajisax chquixo'l ri cäminakib, rech jeri' ri are' nabe c'o paquiwi' conojel ri jastak.

Colosenses 2:1

Quinwaj c'ut chi quiwetamaj chi sibalaj cätajin quintij nu k'ij che i to'ic, xukuje' ri e aj laodiseyib xukuje' che quito'ic conojel ri man in quilom taj chiwinakil.

Colosenses 4:16

Aretak cäsiq'uitaj u wäch we wuj ri' chixo'l, chitaka' chi bic che ri comon cojonelab pa Laodisey rech cäsiq'uix u wäch chila'. Xukuje' ri ix quisiq'uij u wäch ri wuj ri c'o pa Laodisey, ri copan na iwuc'.

Apocalipsis 1:11

ri xubij chwe: “Ri cawilo chatz'ibaj pa jun wuj, chataka' c'u bic chque ri wukub comon cojonelab ri e c'o pa Asiy: che ri c'o pa Epes, che ri c'o pa Smirn, che ri c'o pa Pergm, che ri c'o pa Tiatir, che ri c'o pa Sards, che ri c'o pa Piladelp, xukuje' che ri c'o pa Laodisey.”

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

Apocalipsis 2:1

“Chatz'ibaj che ri u tako'n ri comon cojonelab pa Epes: ‘Ri e c'o ri wukub ch'imil pa u k'ab re u wiquiak'ab, ri cäbin pa qui niq'uiajil ri wukub tzuc'ulibal re k'an puak, je cubij wa':

Apocalipsis 21:6

Te c'u ri' xubij chwe: “Xbantajic. In ri' ri nabe xukuje' ri q'uisbal, ri tiquiritajic xukuje' ri q'uistajic. Apachin ri cächaki'j u chi', quinya' na re ri q'uiyibal ja' re c'aslemal, ri xa' cäcochi'xic.

Apocalipsis 22:13

In ri' ri chaplebal xukuje' ri q'uisbalil, ri nabe xukuje' ri q'uisbal u tza'm, ri tiquiritajic xukuje' ri q'uistajic.”

Apocalipsis 22:6

Ri tako'n aj caj xubij chwe: “E kastzij we tzij ri', cuya' cäcu'bi a c'u'x chquij. Ri Ajawaxel, ri Dios ri cuya' qui tzij tak k'axal tzij, u takom ulok ri u tako'n aj caj. U takom ulok che u c'utic chquiwäch ri e pataninel tak rech ri jastak ri rajawaxic quec'ulmax chanim.”

Apocalipsis 3:7

“Chatz'ibaj che ri u tako'n ri comon cojonelab pa Piladelp: ‘Ri u tasom rib man quebuban ta etzelal, ri aj kastzij, ri c'o ri u lawe ri David ruc', ri cäjakanic mawi c'u jun cätz'apinic, ri cätz'apinic mawi c'u jun cäjakowic, je cubij wa':