Apocalipsis 3:12 - Quiché Bible

¹² Apachin ri cäch'äcanic, quincoj na che rakan ja pa ri rachoch ri nu Dios, mawi jumul quel chi bic. Quintz'ibaj na ri u bi' ri nu Dios chrij, xukuje' ri u bi' ri u tinimit ri nu Dios, ri c'ac' Jerusalen ri cäkaj ulok chicaj ruc' ri nu Dios. Xukuje' quintz'ibaj na ri c'ac' nu bi' chrij.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Ri kachꞌeken puꞌwiꞌ we jastaq riꞌ, kinbꞌan na che chi kok che raqan ja rech ri Templo rech ri nuDios, man kel ta kꞌu wi loq chilaꞌ. Xuqujeꞌ kintzꞌibꞌaj na ri ubꞌiꞌ ri nuDios chirij, kintzꞌibꞌaj xuqujeꞌ na ri ubꞌiꞌ ri utinimit ri nuDios chirij, ri ubꞌiꞌnam kꞌakꞌ Jerusalén ri kaqaj na loq chilaꞌ chikaj, xuqujeꞌ kintzꞌibꞌaj na chirij ri kꞌakꞌ nubꞌiꞌ.

K'iche'

¹² Jachin tak ri quech'acan na puwi' ri itzel, queincoj na che rakan ja pa ri nimalaj rachoch ri nu Dios. Man cäpe tä c'u ri k'ij ri quebel na chila'. Quintz'ibaj c'u na ru bi' ri nu Dios chquij, xukuje' ru bi' ru tinimit ri nu Dios, ri c'ac' Jerusalén ri cäkaj na lok chila' chicaj ruc' ri nu Dios. Xukuje' quintz'ibaj na ri c'ac' nu bi' chquij.

K'iche' (New Orthography)

¹² Jachin taq ri kech'akan na puwi' ri itzel, keinkoj na che raqan ja pa ri nimalaj rachoch ri nu Dios. Man käpe tä k'u ri q'ij ri keb'el na chila'. Kintz'ib'aj k'u na ru b'i' ri nu Dios chkij, xuquje' ru b'i' ru tinimit ri nu Dios, ri k'ak' Jerusalén ri käqaj na loq chila' chikaj ruk' ri nu Dios. Xuquje' kintz'ib'aj na ri k'ak' nu b'i' chkij.

Apocalipsis 3:12 ပူးပေါင်းရင်းမြစ်များ

Nabe Ajawinelab 7:21

Ri Hiram xebucoj we rakan tak ja ri' pa ri oquibal chupam ri rachoch Dios. Aretak xecojtaj rumal pa ri qui c'olbal, ri rakan ja ri xcanaj pa ri u wiquiak'ab xucoj Jaquin che u bi', are c'u ri xcanaj pa ri mox k'ab xucoj Boaz che u bi'.

Salmib 46:4

Jun nima' cuc' tak ri u k'ab cuya' quicotemal che ri u tinimit ri Dios, ri sibalaj tastal na chquixo'l ri e u tinimit ri aj chicaj.

Salmib 48:8

Chupam ri u tinimit ri ka Dios, ri c'o ronojel u cuinem, kilom ruc' ri ka bak'wäch junam ruc' ri tzijom chke: ¡Ri Dios cujekeba' na ri tinimit Jerusalen chbe k'ij sak!

Salmib 87:3

U tinimit ri Dios, sibalaj e je'l na ri jastak ri quebix chawij:

Ri Isaiy 62:2

Ri nimak tak tinimit cäquil na ri a colotajic, conojel tak ri ajawinelab cäquil na ri a juluwem. Cäcoj c'u na jun c'ac' a bi' ri kas are' c'u ri Ajawaxel cayo'w na chawe.

Ri Isaiy 65:15

Ri e cha'tal wumal quequicoj na ri e i bi' che c'okonic xukuje' che u rayixic cämical paquiwi' niq'uiaj chic, are c'u ri e pataninelab tak wech quinq'uex na ri qui bi'.

Ri Jeremiy 1:18

In catincoj camic jacha' jun tinimit ri e c'o nim tapia chrij, jacha' jun rakan ja re räx ch'ich', jacha' jun pimalaj tapia re k'an ch'ich', rech catac'aba' awib che u c'ulelaxic ronojel ri ulew re Juda: ri e rajawinelab tak, ri e c'amal tak be, ri e cojol tabal tok'ob, xukuje' ri tinimit chnimalaj ronojel.

Ri Ezequiel 40:49

Ri rakan ja cablajuj bara' ruc' niq'uiaj quetan ri u wäch wukub bara' ruc' jun k'abaj ri u pam, che ri oquem chupam cäban wi pakalem puwi' lajuj tanatak. Chquinakaj ri jujun tak tz'ak c'o chic jun bolobic tz'ak.

Ri Ezequiel 48:35

Ri nimalaj tapia quetan na chi ronojel quieb legua u rabic, are' c'u ri u bi' ri tinimit ri cätakex u bixic: ‘Ri Ajawaxel C'o Waral’.”

Marcos 12:16

Aretak xquic'am ulok, xubij chque: “¿Jachin u palaj wa' ri c'o chuwäch ri puak xukuje' ri bi'aj ri tz'ibatalic?” Xquibij che: “Rech ri Sesar.”

Gálatas 2:9

Ri Santiag, ri Lu' xukuje' ri Xuan, are ri xechomaxic chi nimak qui banic pa ri comon cojonelab, aretak xquich'ob ri tok'ob ri yo'm chwe, xquiya' ri qui k'ab chwe in ruc' ri Bernabe, che u c'utic chi xa' junam ri canima' kuc'. Utz c'u xquil wi chi ri uj cujbe cuc' ri man aj judeyib taj, ri e are' quebe cuc' ri aj judeyib.

Efesios 3:15

Ri u c'amom wi ri u bi' ronojel alaxic, ri c'o pa ri caj xukuje' ri c'o cho ri uwächulew.

Hebreos 12:22

Are c'u ri ix ix opaninak chunakaj ri juyub Sion, chunakaj ri u tinimit ri c'aslic Dios, ri Jerusalen aj chicaj, chquiwäch e q'uialaj mil tako'n aj caj ri qui mulin quib.

Hebreos 13:14

Man c'o ta c'u ka tinimit waral ri cojc'oji' ta wi na amak'el, xane' are sibalaj cäkatzucuj ri cäpe na.

1 Juan 4:4

Lok'alaj tak walc'ual, ri ix ix rech ri Dios e i ch'äcom c'ut we e banal tak tzij ri', rumal rech chi ri c'o iwuc' ix, c'o na u cuinem chuwäch ri c'o cuc' ri e aj uwächulew.

Apocalipsis 14:1

Xinwil ri Alaj Chij tac'al puwi' ri juyub Sion. E c'o jun sient cawinak quiejeb mil (144,000) winak ruc'. Tz'ibatal c'u ri u bi' ri Alaj Chij xukuje' ri u bi' ri u Tat cho ri u metz'al ri qui palaj.

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Apocalipsis 2:11

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, man curik ta c'ax rumal ri ucab cämical.’ ”

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”

Apocalipsis 21:2

Ri in Xuan xinwil ri tastalicalaj tinimit, ri c'ac'alaj Jerusalen, ri cäkaj ulok chicaj ruc' ri Dios. Ri suc'umam jas jun ali, ri quec'ulanok, wiktal che ri rachajil.

Apocalipsis 22:4

Cäquil c'u na ri u palaj. Ri u bi' cäc'oji' na cho ri u metz'al ri qui palaj.

Apocalipsis 3:5

Apachin ri cäch'äcanic, catz'iakix na cuc' sakloloj tak atz'iak. Man quinchup ta ri u bi' pa ri wuj re ri c'aslemal. Quink'alajisaj c'u na ri u bi' chuwäch ri nu Tat xukuje' chquiwäch ri u tako'nib aj caj.