Apocalipsis 22:18 - Quiché Bible

¹⁸ Quink'alajisaj chquiwäch conojel ri queto'w ri tzij ri e yo'm quibixic ri c'o pa we wuj ri': We c'o jun cuya' qui wi' we jastak ri', ri Dios quebuya' na ri c'axc'olil che ri e tz'ibatal pa we wuj ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Kinbꞌij chike konojel ri kakitatabꞌej ri tzij rech we qꞌalajisanik riꞌ: We kꞌo jun kuya uwiꞌ we tzꞌibꞌatal pa we wuj riꞌ, ri Dios kunimatajisaj na ri kꞌax puꞌwiꞌ rukꞌ qꞌoxomal jetaq ri tzꞌibꞌatal pa we wuj riꞌ.

K'iche'

¹⁸ Conojel ri cäquitatabej ru Lok' Pixab ri Dios ri tz'ibtal pa we wuj ri', in ri', ri Juan, quinbij wa' chque: We c'o jun cuya u wi' tak we tzij ri', ri Dios cuya na u wi' ri c'äxc'ol chrij ri are' ri e tz'ibtal pa we wuj ri' ri quepe na chquij ri winak.

K'iche' (New Orthography)

¹⁸ Konojel ri käkitatab'ej ru Loq' Pixab' ri Dios ri tz'ib'tal pa we wuj ri', in ri', ri Juan, kinb'ij wa' chke: We k'o jun kuya u wi' taq we tzij ri', ri Dios kuya na u wi' ri k'äxk'ol chrij ri are' ri e tz'ib'tal pa we wuj ri' ri kepe na chkij ri winaq.

Apocalipsis 22:18 ပူးပေါင်းရင်းမြစ်များ

E C'ambal tak Tzij 30:6

C'o jas matik che ri cubij na are' we man je cabano cacuinic catuyajo, cuk'alajisaj chi catcanaj banal tzij.

Aj Levitib 26:18

We c'u man quixoc che nu nimaxic cumal we jastak ri', wukub mul quinc'äjisaj chi na i wäch u mac rech ri i mac.

Aj Levitib 26:28

ri in quintakej i c'ulelaxic ruc' oyowal, quinc'äjisaj chi na i wäch wukub mul u mac rech ri i mac.

Aj Levitib 26:37

Cäquipuq'uila' tak na quib, je ta ne ri quebanimaj chquiwäch ajch'ojab, pune' man c'o jun quebokatanic; ¡man c'u quixcuin taj quito' ta iwib pa qui k'ab ri e i c'ulel!

Ri Matey 15:13

Ri Jesus xubij chque: “Ronojel tico'n ri man xtic ta rumal ri nu Tat ri c'o chila' chicaj, cäbok na.

Efesios 4:17

Are c'u wa' quinbij, quixinbochi'j pa ri u bi' ri Ajawaxel: chi miban chic jas ri cäquiban ri winak ri man e rech ta ri Dios. Ri e are' are cäquiban ri qui chomanic, ri man c'o ta u patan.

U Camulixic ri Pixab 12:32

Chitakej ba qui banic ronojel ri ix nu takom wi, c'o mit'ik che mawi c'o miwesaj che.”

U Camulixic ri Pixab 4:2

Miya' u wi' mawi c'o miwesaj che ri quixintak wi; chixoc che qui nimaxic ri e u takomal ri Ajawaxel ri i Dios, ri quixintak wi.

1 Tesalonicenses 4:6

C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.

Apocalipsis 1:3

Utz re ri cusiq'uij xukuje' utz que ri cäquitatabej ri u siq'uibalil we tzijol ri' ri c'amom che ri Dios, xukuje' cäquinimaj ri tz'ibatal cho we wuj ri', canakajin chi c'ut ri k'ijol.

Apocalipsis 15:1

Xinwil jun etal chic pa ri caj, nim xukuje' jik'ibal. E c'o wukub tako'nib aj caj ri e cuc'am ri wukub q'uisbal tak c'axc'olil. Cuc' c'u wa' caq'uis u tza'm ri royowal ri Dios.

Apocalipsis 15:6

Chupam c'ut ri k'ijilabal xebel wi ulok ri wukub tako'nib aj caj ri cuc'am ri wukub banbal c'ax. Qui cojom ch'ajch'oj catz'iak re lino ri cäjuluwic, qui cojom ximibal re k'an puak che ri uwo qui c'u'x.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Apocalipsis 22:10

Xukuje' xubij chwe: “Mawawaj we tzij ri' ri c'amom che ri Dios ri c'o chupam we wuj ri'. Nakaj chi c'ut ri k'ij.

Apocalipsis 22:16

“Ri in Jesus nu takom bic ri nu tako'n aj caj che qui k'alajisaxic we jastak ri' chiwäch che qui ya'ic pa tak ri comon cojonelab. In ri' ri u xe'al xukuje' ri rija'l ri David. In ri' ri ch'imil ri cäjuluw pa ri sakaribal.”

Apocalipsis 22:7

Chawilampe', chanim quinpetic. Utz que ri cunimaj ri tzij ri c'amom che ri Dios ri c'o pa we wuj ri'.

Apocalipsis 22:9

Xubij c'u chwe: “¡Maban wa'! In awach pataninel, xukuje' in cach pataninel ri e awachalal ri e k'axal tzij xukuje' ri queniman che ri u tzij ri etz'ibatal chupam we wuj ri'. Chak'ijilaj ri Dios.”

Apocalipsis 3:14

“Chatz'ibaj che ri u tako'n ri comon cojonelab pa Laodisey; ‘Ri Kastzij, ri jicalaj k'alajisanel ri cubij ri kastzij, ri takanel puwi' ronojel ri banom rumal ri Dios, jewa' cubij: