Apocalipsis 22:16 - Quiché Bible

¹⁶ “Ri in Jesus nu takom bic ri nu tako'n aj caj che qui k'alajisaxic we jastak ri' chiwäch che qui ya'ic pa tak ri comon cojonelab. In ri' ri u xe'al xukuje' ri rija'l ri David. In ri' ri ch'imil ri cäjuluw pa ri sakaribal.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ In in Jesús, nutaqom bꞌik ri nuángel rech kuqꞌalajisaj we jastaq riꞌ pa taq ri komontyox. In in ucheꞌal xuqujeꞌ in rijaꞌl ri taqanel David, In riꞌ ri chꞌumil ri karepqꞌunik are kasaqirik.

K'iche'

¹⁶ In ri', ri Jesús, nu takom bi ri nu ángel chuk'alajisaxic ronojel wa' chque tak ri kachalal cojonelab. Wuc' in xel wi ri a mam David ri nim takanel, in c'ut ri rachalaxic can ri are'. In ri' ri nimalaj ch'imil ri sibalaj cäjuluwic pa ru sakiribal, —xcha ri Are'.

K'iche' (New Orthography)

¹⁶ In ri', ri Jesús, nu taqom b'i ri nu ángel chuq'alajisaxik ronojel wa' chke taq ri qachalal kojonelab'. Wuk' in xel wi ri a mam David ri nim taqanel, in k'ut ri rachalaxik kan ri are'. In ri' ri nimalaj ch'imil ri sib'alaj käjuluwik pa ru saqirib'al, —xcha ri Are'.

Apocalipsis 22:16 ပူးပေါင်းရင်းမြစ်များ

Ri Isaiy 11:1

Che we cuta'mil ri' ri are' ri Isayi, cäq'uiy wi na jun tuxaj, jun tuxaj ri cäq'uiy che ri u rab.

Ri Isaiy 14:12

¡C'ax ri xac'ulmaj xattzak ulok chicaj ch'imil re ri u sakaric! Xatq'uiak ulok cho ri ulew, at ri quebach'äc ri nimak tak tinimit.

Ri Zacariy 6:12

Chabij c'u che: ‘Ri Ajawaxel ri c'o ronojel u cuinem cujiquiba' u bixic chi ri c'ojol ri cäbinax tuxaj che caq'uiy na paquiwi' ri kas e u rab cuban c'u na u banic ri rachoch ri Ajawaxel.

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Ri Matey 1:1

Are wuj wa' ri cutzijoj ri ija'lil ri xpe wi ri Jesucrist, ri rija'lil ri David, rija'lil ri Abraham.

Ri Matey 2:2

Xquibij c'ut: “¿Jawije' c'o wi ri cajawinel ri aj judeyib ri xalaxic? Kilom ri u ch'imil pa ri elebal k'ij. Uj petinak c'u che u k'ijilaxic.”

Ri Matey 22:42

“¿Jas quichomaj che ri Crist? ¿Rija'l jachinok?” Xquibij che: “Are Rija'l ri David.”

Ri Matey 22:45

We ri Crist xbix ‘Wajaw’ che rumal ri David, ¿la rija'l ta c'ut?”

Ri Lucax 1:78

Je cuban ri ka Dios rumal rech chi sibalaj quel u c'u'x chke, rumal wa' cäpe na Jun chicaj je jas ri k'ij ri quel ulok nim a k'ab.

Ri Lucax 20:44

Jeri' ri Crist cäbix ‘Wajaw’ che rumal ri David, ¿jas ta c'u che cäbixic chi ‘rija'l ri David’?”

Romanos 15:12

Xukuje' cubij ri Isaiy: “Cäq'uiy na jun u tux ri u xe'al ri Isayi. Cäwalij na che takanic paquiwi' ri nimak tak tinimit. Ri nimak tak tinimit cäcu'bi na qui c'u'x chrij.”

Romanos 9:5

Ri e u wi' tak qui jolom ri xalax wi ri Crist jas ri u beya'l ri ti'j, ri are' Dios paquiwi' conojel ri jastak, chyok ba' u k'ij amak'el. Je chbanok.

2 Pedro 1:19

Xukuje' c'o can ri qui tzij ri k'axal tak tzij kuc', ri sibalaj co tiquitoj, man cäq'uextaj taj. Are c'u utz we kas quitatabej ri tzij, ri je jas jun chäj ri cäjuluw pa jun k'ekumalaj c'olbal, c'ä aretak cäsakaric, c'ä quil na ulok ri ch'imil re u sakaric pa ri iwanima'.

Apocalipsis 1:1

Are' wa' ri k'alajisanic re ri Jesucrist ri xuya' ri Dios che, rech cuk'alajisaj chquiwäch ri e pataninel tak rech ri xacol man quec'ulmatajok. Ri Jesucrist xutak c'u ri u tako'n aj caj che u ya'ic u k'alajisaxic che ri Xuan ri pataninel rech.

Apocalipsis 1:11

ri xubij chwe: “Ri cawilo chatz'ibaj pa jun wuj, chataka' c'u bic chque ri wukub comon cojonelab ri e c'o pa Asiy: che ri c'o pa Epes, che ri c'o pa Smirn, che ri c'o pa Pergm, che ri c'o pa Tiatir, che ri c'o pa Sards, che ri c'o pa Piladelp, xukuje' che ri c'o pa Laodisey.”

Apocalipsis 1:4

In Xuan quintz'ibaj chque ri wukub comon cojonelab ri e c'o pa Asiy. Chic'ama' ri tok'ob xukuje' ri jamaril che ri ri c'olic, ri c'o ulok, ri cäpe na, xukuje' chque ri wukub uxlabal ri e c'o chuwäch ri u tem re ajawibal,

Apocalipsis 2:11

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, man curik ta c'ax rumal ri ucab cämical.’ ”

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Apocalipsis 22:11

Ri cäbanow etzelal, caya' che chi chubana' na ri etzelal. Ri cäbanow tz'ilalaj tak jastak, caya' che chi chutz'iloj na rib. Are c'u ri suc'alaj winak chubana' na ri suq'uil, ri tastalic winak chutakej ri u tasic rib che u nimaxic ri Dios.

Apocalipsis 22:20

Ri cäk'alajisan we jastak ri' cubij: “Je', chanim quinpetic.” “Je' chbanok. ¡Saj la, Ajaw Jesus!”

Apocalipsis 22:6

Ri tako'n aj caj xubij chwe: “E kastzij we tzij ri', cuya' cäcu'bi a c'u'x chquij. Ri Ajawaxel, ri Dios ri cuya' qui tzij tak k'axal tzij, u takom ulok ri u tako'n aj caj. U takom ulok che u c'utic chquiwäch ri e pataninel tak rech ri jastak ri rajawaxic quec'ulmax chanim.”

Apocalipsis 3:13

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Apocalipsis 3:22

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Apocalipsis 3:6

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Apocalipsis 5:5

Jun chque ri nimak tak tatayib xubij chwe: “Chatanaba' ok'ej. Chawilampe', ri coj aj ramak' Juda, ri rija'l ri David, are' ch'äcaninak che u jakic ri wuj xukuje' ri e wukub u t'ikbal.”