Apocalipsis 20:4 - Quiché Bible

⁴ Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Kꞌa te riꞌ xinwil e tꞌuyulibꞌal, chupam ri tꞌuyulibꞌal riꞌ xetꞌuyiꞌ wi ri xya bꞌe chike kakibꞌan qꞌatoj tzij. Xeꞌnwil xuqujeꞌ ri kanimaꞌ ri xesax kijolom rumal rech ri uqꞌalajisanik ri Jesús xuqujeꞌ rumal ri utzij ri Dios, are waꞌ ri man xkiqꞌijilaꞌj ta wi ri nimalaj awaj xuqujeꞌ ri tzꞌaq rech ri awaj xuqujeꞌ man xkikꞌamawaꞌj taj ri retal ri awaj chikipalaj xuqujeꞌ pa kiqꞌabꞌ. Xekꞌastaj chi kꞌu na rech junam kakibꞌan ri taqanik rukꞌ ri Cristo mil junabꞌ.

K'iche'

⁴ Te c'u ri' xinwil jujun je'lalaj tak t'uyulibal. Chila' c'ut e t'uyul wi ri yo'm takanic pa qui k'ab chuk'atic tzij. Xukuje' xinwil ri canima' ri winak ri esam qui jolom rumal ru tzijoxic ru Lok' Pixab ri Dios ri xuk'alajisaj ri Jesús. Ri e are' man xquik'ijilaj tä ri xibibalalaj awaj. Man xquik'ijilaj tä ru wächbal, man xquiya tä c'u quib chi coc ri retal ri are' chucrusil ri qui palaj o che ri qui k'ab. Xinwilo chi xec'astaj chquixol ri cäminakib, xetakan c'ut junam ruc' ri Cristo pa ri mil junab.

K'iche' (New Orthography)

⁴ Te k'u ri' xinwil jujun je'lalaj taq t'uyulib'al. Chila' k'ut e t'uyul wi ri yo'm taqanik pa ki q'ab' chuq'atik tzij. Xuquje' xinwil ri kanima' ri winaq ri esam ki jolom rumal ru tzijoxik ru Loq' Pixab' ri Dios ri xuq'alajisaj ri Jesús. Ri e are' man xkiq'ijilaj tä ri xib'ib'alalaj awaj. Man xkiq'ijilaj tä ru wächb'al, man xkiya tä k'u kib' chi kok ri retal ri are' chukrusil ri ki palaj o che ri ki q'ab'. Xinwilo chi xek'astaj chkixol ri käminaqib', xetaqan k'ut junam ruk' ri Cristo pa ri mil junab'.

Apocalipsis 20:4 ပူးပေါင်းရင်းမြစ်များ

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 7:18

Chwi chi c'u wa' ri ajawibal pa u k'ab ri u tinimit ri Dios ri sibalaj aj chicaj, cux c'u na rech ronojel ri chbe k'ij sak.’

Ri Daniel 7:22

c'ä xopan na ri Nim Winak xuban c'u suq'uil che ri u tinimit ri Dios ri sibalaj aj chicaj, tz'akatinak c'u ri k'ijol, rech ri u tinimit ri Dios cärechbej ri ajawibal.

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ri Daniel 7:9

“Xintakej ca'yem, c'ä xecoj na jujun tak tem re ajawibal, xt'uyi' c'u jun Nim Winak. Ri ratz'iak sibalaj e sak jacha' ri sakalaj tew, ri u wi' jacha' ri ch'ajch'ojalaj rismal chij. Ri u tem re ajawibal xukuje' tak ri e u quetet e rak' k'ak',

Ri Malaquiy 4:5

Chiwila' ix: Quintak bic ri k'axal nu tzij chiwe ri Eliy, c'a majok chopan ri u k'ij ri Ajawaxel, ri cux na jun nimalaj k'ij xukuje' xibibal.

Ri Matey 19:28

Ri Jesus xubij chque: “Kastzij quinbij chiwe: Aretak cac'ac'arisax ronojel, aretak cät'uyi' na ri Rija'l winak puwi' ri u tem, ri sibalaj nim u k'ij, xukuje' ri ix ri in i terenem quixt'uyi' na paquiwi' cablajuj tem che u k'atic tzij paquiwi' ri cablajuj amak' re Israel.

Ri Matey 24:10

E q'ui c'ut quetukar na pa ri qui cojonic; cäquijachala' na quib, cäquetzelala' na qui wäch.

Marcos 6:16

Aretak xuta' ri Herod, xubij: “Ri Xuan, ri xinwesaj u jolom, are wa' xc'astaj ulok chquixo'l ri cäminakib.”

Marcos 6:27

Ri ajawinel chanim xutak bic jun chque ri ajch'ojab che u c'amic ulok ri u jolom ri Xuan Bautist.

Marcos 9:11

Xquic'ot u chi' ri Jesus, xquibij: “¿Jasche c'u che cäquibij ri ajtijab re ri pixab chi rajawaxic chi nabe cäpe na ri Eliy?”

Ri Lucax 1:17

Ri Xuan cänabej na chuwäch ri Ajawaxel, c'o ri Uxlabaxel xukuje' chuk'ab ruc' jas ri xc'oji' ruc' ri Eliy. Cuban na chi ri tat nan quec'oji' na pa utzil cuc' ri calc'ual. Cuban na chi ri canima' ri man e nimanelab taj quetzelej na ruc' ri utzalaj qui chomanic ri e suc'alaj tak winak. Je cuban wa' che qui suc'umaxic ri winak che u c'amowaxic ri Ajawaxel.”

Ri Lucax 14:14

Catquicot na, rumal rech chi ri e are' man quecuin ta che u tojic u q'uexel chawe. Cätoj c'u na u q'uexel chawe aretak quec'astaj na ri suc'alaj tak winak chquixo'l ri cäminakib.”

Ri Lucax 22:30

rech quixwa'ic, quixuq'uian pa ri nu mexa pa ri wajawibal, rech quixt'uyi' paquiwi' tak tem che u k'atic tzij paquiwi' ri cablajuj ramak' ri Israel.”

Ri Xuan 14:19

Xa jubik' chic, ri winak aj uwächulew man quinquil ta chic. Are c'u ri ix kas quiniwil wi. Rumal rech chi in c'aslic, ri ix xukuje' quixc'asi' na.

Romanos 11:15

We ri quesaxic can ri aj judeyib are xbanowic chi xquirik ri jamaril ri winak cho ri uwächulew ruc' ri Dios, ¿jas c'u lo cäc'ulmax na aretak quec'am chi na ri aj judeyib rumal ri Dios? ¡Are jun c'astajibal ri' chque ri cäminakib!

Romanos 8:17

We c'u uj alc'ualaxelab, xukuje' uj echbenelab che ri c'aslemal ri cuya' ri Dios. Cujechben na junam ruc' ri Crist, we junam cäkarik c'ax ruc' ri Crist, rech xukuje' junam cuje' c'ol na pa ri u juluwem.

2 Timoteo 2:12

We cäkach'ij ri c'ax, cäya' na takanic pa ka k'ab ruc' ri are'. We man cäkak'alajisaj taj chi uj cojoninak che, xukuje' ri are' man cujuk'alajisaj taj chi uj cojonelab.

Apocalipsis 1:2

Ri xk'alajisan ri u tzij ri Dios, xukuje' xuk'alajisaj ri Jesucrist, xukuje' conojel ri jastak ri e rilom.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Apocalipsis 11:11

E oc'owinak chic oxib k'ij ruc' niq'uiaj, ri Dios xebuc'astajisaj. Xetaq'ui c'ut. Xquixe'j quib conojel ri xeilowic.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Apocalipsis 11:3

Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

Apocalipsis 11:7

Aretak qui tz'akatisam chic ri qui k'alajisanic, ri xibibal awaj ri cäpaki' ulok pa ri jul re ri k'ekumalaj c'olbal cäch'ojin na cuc', quebuch'äc na, quebucämisaj c'u na.

Apocalipsis 12:11

Ri e are' xech'äcan puwi' rumal ri u cuinem ri u quiq'uel ri Alaj Chij, xukuje' rumal ri tzij rech ri u k'alajisanic. Man nim ta xquil wi ri qui c'aslemal, xane' utz xquil wi quecämic rumal rech ri Crist.

Apocalipsis 14:11

Ri u sibal ri quiriko c'ax cäpaki' amak'el chbe k'ij sak, man c'o ta uxlanem mawi pa k'ij mawi chak'ab chque ri cäquik'ijilaj ri itzel awaj xukuje' ri u wächbal, quic'amom c'ut ri retal ri u bi'.”

Apocalipsis 15:2

Xinwil c'ut je ta ne jun cho re cha ri cajuluwic ri yujutal k'ak' ruc'. Ri e ch'äcaninak puwi' ri itzel awaj, puwi' ri u wächbal, xukuje' puwi' ri rajilabal ri u bi', e tac'atoj puwi' ri cho re cha. E cuc'am tak ri e u arp ri Dios.

Apocalipsis 17:8

Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.

Apocalipsis 2:26

Apachin ri cäch'äcanic, xukuje' ri quebutakej na qui banic ri nu chac c'ä pa ri q'uistajic, quinya' na u takanic paquiwi' ri nimak tak tinimit,

Apocalipsis 20:6

Utz que ri e tastalic che u k'ijilaxic ri Dios quec'astaj pa ri nabe c'astajibal, e u tz'akatil chic ri u tinimit ri Dios. Man c'o ta u takanic ri ucab cämical paquiwi', xane' quebux na e cojol tabal tok'ob re ri Dios xukuje' re ri Crist. Jun mil junab quebajawin na ruc'.

Apocalipsis 22:5

Man c'o ta chi chak'ab. Man cajwataj ta chic ri u sakil ri chäj chque, mawi ri u sakil ri k'ij rumal rech chi ri Ajawaxel Dios cäjuluw na paquiwi', ri e are' quebajawin na amak'el chbe k'ij sak.

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Apocalipsis 4:4

Chrij ri tem re ajawibal e c'o juwinak quiejeb (24) tem re ajawibal. E c'o juwinak quiejeb nimak tak tatayib e t'uyut'oj paquiwi' tak ri tem, qui cojom sakloloj tak atz'iak, qui cojom corona' re k'an puak che ri qui jolom.

Apocalipsis 6:9

Aretak ri Alaj Chij xujak ri uro' t'ikbal, xinwil chuxe' ri porobal ri canima' ri xecämisax rumal rech chi qui k'alajisam ri u tzij ri Dios.

Apocalipsis 7:3

xubij chque: “Miban c'ax che ri uwächulew, mawi che ri plo, mawi chque ri che', c'ä cäkacoj na quetal ri u pataninelab ri ka Dios ruc' jun t'ikbal cho ri u metz'al ri qui palaj.”