Apocalipsis 20:2 - Quiché Bible

² Xuchap ri awaj dragon, ri ojer cumätz, are' ri itzel ri Satanas. Jun mil junab c'ut xuximo.

RI KꞌAKꞌ TESTAMENTO PA TZIJOBꞌAL KꞌICHEꞌ

² Xuchap kꞌu ri ojer xibꞌibꞌalaj kumatz ri kꞌo raqan, are waꞌ ri ubꞌiꞌnam Itzel xuqujeꞌ kꞌulel re ri Dios, xujatꞌij mil junabꞌ.

K'iche'

² We ángel ri' xuchap ri nimalaj itzel cumätz, ri ojer cumätz ri cäbix Itzel xukuje' Satanás che u bi'. Mil junab c'ut xuxim na ruc' ri ximibal re ch'ich'.

K'iche' (New Orthography)

² We ángel ri' xuchap ri nimalaj itzel kumätz, ri ojer kumätz ri käb'ix Itzel xuquje' Satanás che u b'i'. Mil junab' k'ut xuxim na ruk' ri ximib'al re ch'ich'.

Apocalipsis 20:2 ပူးပေါင်းရင်းမြစ်များ

Chapletajic 3:1

Ri cumätz are c'o na u no'j chquiwäch conojel ri juyubal tak awaj ri e u banom ri Ajawaxel Dios, xuc'ot c'u u chi' ri ixok: “¿La u bim ri Dios chiwe chi man quitij taj ri qui wäch ri che' ri e c'o pa ri ticonijibal?”

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Ri Job 1:7

Ri Ajawaxel xuc'ot u chi', xubij che: “¿Jawije' a petic?” Ri tzujunel xutzelej u bixic che: “In binenak nu binibem ronojel ri uwächulew.”

Ri Isaiy 24:22

quebumulij na quebutz'apij na pa che', culawej na qui chi', coc'ow na q'ui junab c'äte ri' cuc'äjisaj qui wäch.

Ri Isaiy 27:1

Pa ri k'ij ri' ri Ajawaxel cuc'äjisaj na u wäch ruc' ri u ch'ich' re ch'o'j ri xibibal, ri sibalaj nim ri xukuje' c'o u chuk'ab, ri Lebiatan, ri cumätz ri sotolic, ri Lebiatan, ri cumätz ri c'osq'uic rij, xukuje' cucämisaj na ri dragon ri c'o pa ri plo.

Ri Ezequiel 47:5

Xretaj chi juwinak quiejeb (24) c'am ri ja' uxinak chic jun nima' ri man xincuintaj xintakej ta oquem chupam; uxinak chi c'u jun nima' ri sibalaj cho u pam ri xuwi cuya' cäban oc'owem chupam we cäban muxinic.

Ri Matey 19:29

Conojel ri qui yo'm can cachoch, o cachalal, o canab, conojel ri qui yo'm can qui nan qui tat, conojel ri qui yo'm can quixokil, o calc'ual, o culew, rumal rech ri nu bi', caquic'am na jun sient chi je tak wa' xukuje' cäquechbej na ri junalic c'aslemal.

Ri Matey 8:29

Xquirak c'u qui chi', xquibij: “¿Jas awe chke, Jesus u C'ojol ri Dios? ¿La at petinak waral che u banic c'ax chke, c'ä majok curika' ri k'ijol?”

Marcos 4:15

Ri ija' ri xekaj pa ri be, are cubij ri winak ri cäquitatabej ri tzij. Aretak qui tom chic, cäpe ri Satanas che resaxic ri tzij ri xtic pa canima'.

Marcos 5:7

Xurak u chi' ruc' chuk'ab, xubij: “¿Jas awe chwe, Jesus, u C'ojol ri Dios ri sibalaj aj chicaj? Catinbochi'j chuwäch ri Dios, maban c'ax chwe.”

Ri Xuan 12:31

Camic ri k'ijol ri cäban ri k'atoj tzij puwi' we uwächulew ri'. Camic quesax na bic ri c'o u takanic puwi' we uwächulew ri'.

Ri Xuan 16:11

ri k'atan tzij, chi c'okotajinak chic ri catakan puwi' we uwächulew ri'.

Romanos 16:20

Ri Dios aj jamaril, cuban na' chi cuxak'alej ri Satanas chuxe' ri iwakan. Ri u tok'ob ri Ajawaxel Jesus quixtewichinic.

Hebreos 2:14

Jas ri alc'ualaxelab c'o qui ti'jal xukuje' c'o qui quiq'uel, xukuje' ri Jesus junam xuc'am re cuc'. Je xubano, rech rumal ri u cämical, cusach u wäch ri jun ri c'o u takanic puwi' ri cämical, are wa' ri itzel.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

2 Pedro 2:4

Ri Dios man xusach ta qui mac ri tako'nib aj caj ri xemacunic, xane' xebuq'uiak pa ri xibalba, xebutz'apij pa ri k'eku'm, chila' cäqueyej wi na ri k'atoj tzij paquiwi'.

Ri Juds 1:6

Xukuje' ri e tako'nib aj caj ri xquiya' can ri takanic ri yo'm pa qui k'ab nabe, ri xquiya' can ri qui c'olbal ri e c'o wi, ri Dios e u c'olom cuc' junalic tak ximibal pa k'ekumal c'ä pa ri k'atoj tzij re ri nimalaj k'ij.

Apocalipsis 12:13

Are c'u ri awaj dragon, aretak xrilo chi xq'uiak bic cho ri uwächulew, xrokataj ri ixok ri xralc'ualaj ral ala.

Apocalipsis 12:15

Ri cumätz xresaj ulok ja' pa u chi' je jas jun nima', xuq'uiak bic chrij ri ixok, rech cäc'am bic rumal ri nima'.

Apocalipsis 12:17

Xpe c'u royowal ri dragon chrij ri ixok. Xbe c'u che ch'ojinic chquij ri niq'uiaj e rija'l chic, ri qui nimam u banic ri u takanic ri Dios, jekel c'ut ri u k'alajisanic ri Jesus cuc'.

Apocalipsis 12:3

Xilitaj chi jun etal pa ri caj: Xinwil jun nimalaj dragon quiäk rij, ri e c'o wukub u jolom, e c'o lajuj ruc'a', paquiwi' ri e u jolom e c'o wukub corona'.

Apocalipsis 12:4

Ri u je' xujuruj ri coxil ch'imil ri e c'o cho ri caj, xebuq'uiak ulok cho ri uwächulew. Ri dragon xuya' rib chuwäch ri ixok, ri xa co'l man calc'ualanic, chutijic ri ral ri ixok aretak cäralc'ualaj.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 13:2

Ri awaj ri xinwilo, are junam ruc' jun balam, ri rakan je jas ri rakan ri os, ri u pa u chi' je jas ri u pa u chi' ri coj. Ri dragon xuya' ri u cuinem, xuya' ri u tem re ajawibal, xukuje' nimalaj takanic che.

Apocalipsis 13:4

Xquik'ijilaj ri dragon rumal rech chi xuya' ri takanic che ri awaj. Xukuje' xquik'ijilaj ri awaj, xquibij: “¿Jachin ta lo junam ruc' ri xibibal awaj? ¿Jachin ta lo cäcuinic cäch'ojin ruc'?”

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 20:7

Aretak quetz'akat ri jun mil junab, cäquirtaj na ri Satanas catzokopix na quel c'u ulok pa ri u c'olbal.

Apocalipsis 9:11

Ri tako'n aj caj re ri jul re ri k'ekumalaj c'olbal c'o paquiwi' ri sac' che cajawinel. Ri u bi' are Abadon pa ri ch'abal hebrey, Apolion c'ut pa ri ch'abal aj Gres.