Apocalipsis 20:12 - Quiché Bible

¹² Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Kꞌa te riꞌ xinwil ri e nitzꞌ xuqujeꞌ nimaq taq kaminaqibꞌ e takꞌal cho ri Dios, xejaqataj kꞌu ri wuj, kꞌa te riꞌ xjaq chi jun wuj are waꞌ ri wuj rech kꞌaslemal, xqꞌat kꞌu tzij pa kiwiꞌ ri e kaminaqibꞌ rumal ri kichak ri xriqitaj pa ri wuj.

K'iche'

¹² Te c'u ri' xeinwil ri cäminakib, chi ri'jab chi ac'alab e tac'atoj chuwäch ri Dios. Xejaktaj c'u tak ri wuj xukuje' xjaktaj jun wuj chic, ri wuj re c'aslemal. Xk'at c'u tzij pa qui wi' ri cäminakib. Xilic jas ri xca'no aretak e c'asal cho ruwächulew, ri tz'ibtal pa tak ri wuj.

K'iche' (New Orthography)

¹² Te k'u ri' xeinwil ri käminaqib', chi ri'jab' chi ak'alab' e tak'atoj chuwäch ri Dios. Xejaqtaj k'u taq ri wuj xuquje' xjaqtaj jun wuj chik, ri wuj re k'aslemal. Xq'at k'u tzij pa ki wi' ri käminaqib'. Xilik jas ri xka'no aretaq e k'asal cho ruwächulew, ri tz'ib'tal pa taq ri wuj.

Apocalipsis 20:12 ပူးပေါင်းရင်းမြစ်များ

Salmib 28:4

Chya' la chque ri takal chque, jas ri itzel tak qui chac; je tojbal chya' la chque jacha' ri etzelal ri qui banom.

Salmib 69:28

¡Chechupu' la ri qui bi' chupam ri wuj re c'aslemal! Mätz'ibaj la ri qui bi' chquixo'l ri e suc'.

E C'ambal tak Tzij 24:12

Pune' cäjiquiba' u bixic chi man awetamam taj, ri quenic'on ri c'ulmatajic are' kas quetamam na; kas c'u reta'm na ri catyuxlenic, ri quetojow chquijujunal jas kas ri qui chac.

E C'ambal tak Tzij 24:29

Mawi jubik' machomaj u ya'ic rajil c'axelal, caban ta c'u che ri jun chic junam jas ri xuban chawe.

Ri Tzijonel 12:14

Ri Dios cutz'onoj na chke ri cajilabal conojel tak ri e ka banoj, we e utz, we man e utz taj, pune' e ka banom chi c'uyal.

Ri Jeremiy 17:10

In, ri Ajawaxel, ri quinnic'oj ri anima'aj weta'm c'ut ri c'o c'ä chupam, quinya' c'u chque chi chquijujunal ri takalic, e je jas ri e u banoj.”

Ri Jeremiy 32:19

Lal nim banic la pa tak ri e chomanic la c'o c'u cuinem la pa tak ri e chac la. Lal quil la ronojel ri caquiban ri winak caya' c'u la chque chquijujunal jachique ri takal chque tak ri e qui banoj.

Ri Daniel 7:10

jun nima' re k'ak' quel ulok, chuwäch ri are'. Mil chi mil quepatanij che, miyon chi miyon e tac'ätoj chuwäch. Ri k'atan tzij xchapletaj c'ut ri k'atan tzij, xejak c'u tak ri wuj.

Ri Matey 11:22

Rumal ri' quinbij chiwe, chi ri c'äjisabal i wäch ix pa ri k'ij re ri k'atoj tzij, are nim na chuwäch ri que ri Tir, xukuje' ri Sidon.

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Lucax 10:20

Mixquicot rumal wa', chi ri uxlabal cäquiya' quib pa takic chiwe. Xane' chixquicotok chi ri i bi' e tz'ibam chila' chicaj.”

Hechos 24:15

C'o c'u weyebal c'u'x chrij ri Dios jacha' xukuje' ri e are' chi quec'astaj na ri cäminakib, chi e utz chi e lawalo.

Romanos 2:6

Ri Dios quebutoj na ri winak chquijujunal jas ri u beya'l ri qui chac.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

Filipenses 4:3

Xukuje' quinta' jun tok'ob chawe at, jicalaj wäch ajchac, chebato' ri ixokib ri'. Ri e are' xinquito' che u tzijoxic ri tzij re colobal ib, xukuje' ri Clement xukuje' ri e niq'uiaj wäch tak ajchaquib chic. C'o c'u ri qui bi' pa ri wuj re c'aslemal.

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 17:8

Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.

Apocalipsis 19:5

Xel c'u ulok jun ch'abal pa ri tem re ajawibal, ri xubij: “Chinimarisaj u k'ij ri ka Dios, iwonojel ri ix pataninel tak rech, ri quixe'j iwib chuwäch, chi ch'utik chi nimak.”

Apocalipsis 2:23

Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Apocalipsis 20:13

Ri plo xebujach ri cäminakib ri e c'o chupam. Ri cämical xukuje' ri qui c'olbal ri cäminakib xequijach ri cäminakib ri e c'o chquipam. Xk'at c'u tzij paquiwi' chquijujunal, jas ri qui banom.

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Apocalipsis 21:27

Man c'o ta jun tz'ilalaj jasach ri coc chupam ri tinimit. Man coc ta jun ri quebanow itzelalaj tz'il tak jastak, man coc ta jun banal tzij, xuwi queboc ri tz'ibatal qui bi' pa ri wuj re c'aslemal rech ri Alaj Chij.

Apocalipsis 22:12

Chiwilampe', chanim quinpetic, wuc'am ri tojbal iwech. Quinya' na ri tojbal iwech chijujunal jas ri u banom.

Apocalipsis 3:5

Apachin ri cäch'äcanic, catz'iakix na cuc' sakloloj tak atz'iak. Man quinchup ta ri u bi' pa ri wuj re ri c'aslemal. Quink'alajisaj c'u na ri u bi' chuwäch ri nu Tat xukuje' chquiwäch ri u tako'nib aj caj.