Apocalipsis 20:10 - Quiché Bible

¹⁰ Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Are kꞌu ri Itzel ri xuꞌmenkꞌetij ri winaq kakꞌyaq na bꞌik pa ri cho bꞌantal che qꞌaqꞌ yaꞌtal azufre chupam, chilaꞌ jawjeꞌ ri e kꞌyaqtal wi bꞌik ri nimalaj awaj rachiꞌl ri achi ri xujaluj chi qꞌalajisal tzij, chilaꞌ kabꞌan wi na kꞌax chike chibꞌe qꞌij saq, chi paqꞌij chi chaqꞌabꞌ.

K'iche'

¹⁰ Ri Itzel c'ut, ri u banom subunic chque, xq'uiäk bi pa ri nimalaj k'ak' ri je' ta ne are jun mar ri sibalaj cänicow ruc' azufre, jawije' xq'uiäk wi bi ri xibibalalaj awaj xukuje' ri jun ri cuban che rib chi are k'alajisal re ru Lok' Pixab ri Dios. Chila' c'ut cäquirik wi na nimalaj c'äx chi pak'ij chi chak'ab pa tak ri k'ij ri junab ri quepetic.

K'iche' (New Orthography)

¹⁰ Ri Itzel k'ut, ri u b'anom sub'unik chke, xk'iäq b'i pa ri nimalaj q'aq' ri je' ta ne are jun mar ri sib'alaj känikow ruk' azufre, jawije' xk'iäq wi b'i ri xib'ib'alalaj awaj xuquje' ri jun ri kub'an che rib' chi are q'alajisal re ru Loq' Pixab' ri Dios. Chila' k'ut käkiriq wi na nimalaj k'äx chi paq'ij chi chaq'ab' pa taq ri q'ij ri junab' ri kepetik.

Apocalipsis 20:10 ပူးပေါင်းရင်းမြစ်များ

Ri Daniel 7:11

Ri in cätajin quinca'yic, benak wanima' che qui tatabexic ri tzij ri ruc' nimal cätajin cubij ri alaj uc'a'; aretak cätajin quinca'yic, xcämisax ri xibibalalaj awaj xban ch'akatak che, xq'uiakaxtax c'u pa ri k'ak' rech cäc'atic.

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 25:46

Quebe c'u na wa' pa ri junalic c'äjisabal wäch. Are c'u ri e suc' quebe na pa ri junalic c'aslemal.”

Ri Matey 7:15

“Chichajij iwib chquiwäch ri winak ri cäquijaluj quib chi e k'axal tak tzij. Ri e are quebul iwuc', je ta ne e chij, are c'u ri chquipam e tokinelab tak utiw.

Apocalipsis 16:13

Xinwilo chi quebel ulok pa u chi' ri dragon, pa u chi' ri itzel awaj, xukuje' pa u chi' ri u jalum rib chi k'axal tzij, oxib tz'ilalaj tak uxlabal e je jas ri xtutz'.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 20:8

Quel c'u na ulok che qui subic ri nimak tak tinimit ri e c'o cho ronojel ri uwächulew ri Gog xukuje' ri Magog, quebumulij na che ri ch'o'j. Ri qui q'uiyal ri rajch'ojab, je jas ri sanyeb ri c'o chuchi' ri plo.

Apocalipsis 9:17

Je quilic wa' ri quiej ri xebenwil pa ri c'utwächinic, xukuje' ri e quiejeninak chquij qui cojom ch'ich' cho qui c'u'x che u to'ic quib. Ri ch'ich' are quiäk je ta ne k'ak', azul, xukuje' k'an je ta ne asubre. Ri qui jolom ri quiej je jas ri qui jolom ri coj. Pa qui chi' quel wi ulok k'ak', sib, xukuje' asubre.