Apocalipsis 2:5 - Quiché Bible

⁵ Chnataj ba chawe ri a banic canok ri at tzakinak wi. Chaq'uexa' ri a c'u'x, xukuje' chabana' ri chac ri xaban canok nabe. We c'u man jeri', quinbe awuc', quinwesaj na ri a tzuc'ulibal pa ri u c'olbal, we man caq'uex a c'u'x.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Naꞌtaj bꞌa chawe jas jeꞌ ri katnoꞌjin kan nabꞌe, chattzalij chunimaxik ri Dios. Chatzaqa kanoq ubꞌanik ri etzelal, are chawilij ubꞌanik ri utz taq chak ri kabꞌan kan nabꞌe. We man jeriꞌ kabꞌano, keꞌnqꞌata tzij paꞌwiꞌ xuqujeꞌ kinwesaj bꞌik ri kꞌolibꞌal akantela pa ri ukꞌolibꞌal.

K'iche'

⁵ Chna'taj ba' chawe jawije' ri at kajinak wi, chaq'uexa c'u ra chomanic, chaq'uexa rawanima'. Chachaplej chi na ri tajin caban nabe. We ta man je' caban wa', chanim quine' che awilic, quinwesaj na ru tac'alibal a cantela pa ru c'olibal we ta mat at tzelejinak ruc' ri Dios.

K'iche' (New Orthography)

⁵ Chna'taj b'a' chawe jawije' ri at qajinaq wi, chak'exa k'u ra chomanik, chak'exa rawanima'. Chachaplej chi na ri tajin kab'an nab'e. We ta man je' kab'an wa', chanim kine' che awilik, kinwesaj na ru tak'alib'al a kantela pa ru k'olib'al we ta mat at tzelejinaq ruk' ri Dios.

Apocalipsis 2:5 ပူးပေါင်းရင်းမြစ်များ

Ri Isaiy 1:26

Quinbano chi quec'oji' chi na a k'atal tak tzij jas ri nabe, xukuje' e ya'l tak a no'j jacha' ri xec'oji' pa ri chapletajic. Aretak bantajinak chi wumal cäbix chi na chawe: ‘Suc'alaj tinimit’, ‘Jicalaj tinimit’ catuchix chi na.

Ri Isaiy 14:12

¡C'ax ri xac'ulmaj xattzak ulok chicaj ch'imil re ri u sakaric! Xatq'uiak ulok cho ri ulew, at ri quebach'äc ri nimak tak tinimit.

Ri Ezequiel 20:43

Chila' c'u canataj wi na chiwe conojel ri itzel tak banoj ri e i tz'ilobem wi iwib, camuluw c'u na i c'u'x chiwe chbil tak iwib rumal rech chi sibalaj q'ui ri etzelal ri e i banom.

Ri Ezequiel 36:31

Aretak c'u canataj ri itzel i c'aslemal chiwe xukuje' tak ri e itzel tak i banoj quiq'uibej na iwib qui mac tak ri e i mac xukuje' cumal tak ri e itzel tak i banoj.

Ri Osey 14:1

¡Chattzelejok, Israel, ruc' ri Ajawaxel ri a Dios, at ri xattzak u mac rech ri a mac!

Ri Osey 9:10

Je wa' xubij ri Ajawaxel: “Aretak xinrik ri Israel, xinquicotic jacha' ri quebuban ri queburik uva chupam ri chaki'j uwo sak. Ri e i mam xebux tak che ri nu bak'wäch e jacha' ri nabe tak higo. Aretak c'u xebopan pa Baal-peor xquijach quib che qui patanixic ri e subunelab tak diosib, xquiban c'u quib chi xebux xawebal e jacha' ri diosib ri quequilok'ok'ej.

Ri Malaquiy 3:4

Ri Ajawaxel cäquicot c'u na ri' che ri sipanic ri cuya' ri Juda xukuje' ri Jerusalen junam jacha' xquicot can ruc' pa jujun tak k'ijol canok.

Ri Malaquiy 4:6

Cuban c'u na ri are' chi ri tataxelab xukuje' ri alc'ualaxelab quebutzir na, quequich'abela' na quib. We ta c'u mat jewa' quinpe na quinc'äjisaj c'u na u wäch ri culew, quinsachisaj c'u na u wäch chnimalaj ronojel.”

Ri Matey 5:14

Ix ri' ri u chäj we uwächulew ri'. Jun tinimit ri c'o puwi' jun juyub man cäcuin taj cärawaj rib.

Ri Matey 5:15

Mawi catzij jun chäj rech caya' ta chuxe' jun bo'j, xane' caya' chicaj. Jeri' cuya' sakil chque conojel ri e c'o pa ja.

Marcos 12:9

Ri Jesus xubij: “¿Jas c'u cuban na ri rajaw ri ticbal uva? Cäpe na che qui cämisaxic ri ajchaquib. Cuya' c'u na ri u ticbal uva pa kajomal chque niq'uiaj chic.

Ri Lucax 1:17

Ri Xuan cänabej na chuwäch ri Ajawaxel, c'o ri Uxlabaxel xukuje' chuk'ab ruc' jas ri xc'oji' ruc' ri Eliy. Cuban na chi ri tat nan quec'oji' na pa utzil cuc' ri calc'ual. Cuban na chi ri canima' ri man e nimanelab taj quetzelej na ruc' ri utzalaj qui chomanic ri e suc'alaj tak winak. Je cuban wa' che qui suc'umaxic ri winak che u c'amowaxic ri Ajawaxel.”

Ri Lucax 20:16

Cäpe na, quebucämisaj na we ajchaquib ri', cuya' c'u na ri u ticbal uva chque niq'uiaj winak chic.” Aretak xquita' ri winak ri u tzij ri Jesus, xquibij: “¡Ay, mäbantaj wa'!”

Gálatas 5:4

Ix ri quichomaj quik'alajisaj chi ix suc' rumal ri u nimaxic ri pixab, i tasom iwib naj ix c'o c'u wi che ri Crist. Tasom iwib che ri u tok'ob.

Filipenses 2:15

Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj,

Hebreos 10:32

Chenataj ba' chiwe ri k'ij ri e oc'owinak, aretak ic'amowam chic ri chäj, xitij i chuk'ab xukuje' xich'ij q'ui c'axc'olil.

2 Pedro 3:17

Ri ix c'ut, lok'alaj tak wachalal, ri iweta'm chi ulok wa' ojer, chichajij ba' iwib, mixc'am bic cumal ri qui subunic ri banal tak etzelal, rech man quixtzak ta ne ri kas co ix c'o wi.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.

Apocalipsis 1:20

Are wa' ri man etamatal ta canok chquij ri wukub ch'imil ri e awilom pa nu k'ab re nu wiquiak'ab xukuje' ri wukub tzuc'ulibal re k'an puak: Ri e wukub ch'imil are cäquibij ri tako'nib que ri wukub comon cojonelab, xukuje' ri e wukub tzuc'ulibal ri e awilom, are cäquibij ri e wukub comon cojonelab.”

Apocalipsis 16:9

Xec'at c'u ri winak ruc' nimalaj k'ak'. Man xquiq'uex ta c'u qui c'u'x, man xquinimarisaj ta u k'ij ri Dios. Xane' xiquiyok' ri u bi' ri Dios, ri c'o u takanic paquiwi' ri c'axc'olil ri'.

Apocalipsis 2:16

Chaq'uexa' ba' ri a c'u'x. We c'u man caq'uex a c'u'x, chanim quinbe awuc', quinch'ojin na cuc' ruc' ri ch'ich' ri quel ulok pa nu chi'.

Apocalipsis 2:19

Weta'm jas ri a chac cabano. Weta'm ri lok'ok'ebal a c'u'x xukuje' ri a cojonic. Weta'm chi catpataninic xukuje' a coch'om ri c'ax, chi e q'ui na ri e a chac camic chuwäch ri nabe.

Apocalipsis 2:2

E weta'm ri e a chac, ri e c'axalaj a chac, xukuje' ri a ch'ijonic, weta'm chi man quebak'i taj ri itzel tak winak. Weta'm chi xebanic'oj ri cäquibij quib chi e takom, man e je ta c'ut. Xebanic'oj c'ut chi e banal tak tzij.

Apocalipsis 3:19

In co quebench'abej conojel ri quebenwaj, quinc'äjisaj qui wäch. Chacojo' ba a chuk'ab che ri cabano, chaq'uexa' a c'u'x.