Apocalipsis 2:14 - Quiché Bible

¹⁴ C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Pune jeriꞌ, kꞌo jujun jastaq ri man utz taj kinwil chawe, are chi man awetzelam taj ri kakitereneꞌj ri ukꞌutuꞌn ri Balaam. Ri Balaam xuya unoꞌj ri Balac rech xuꞌtaqchiꞌj pa mak ri aꞌj Israel xuqujeꞌ xukoj kikꞌuꞌx rech kakiqꞌijilaꞌj e bꞌanom taq tyox xuqujeꞌ chutijik ri jastaq ri ikꞌowisatal chikiwach ri e bꞌanom taq tyox, je xuqujeꞌ chubꞌanik makaj kukꞌ taq achyabꞌ xuqujeꞌ ixoqibꞌ.

K'iche'

¹⁴ C'o c'u ri man utz taj ri tajin quinwil chawij, chi e c'o jujun winak awuc' ri man cäcaj taj cäquiya can ru tijonic ri tat Balaam ri xucoj u c'ux ri tat Balac rech queutakchi'j ri winak aj Israel che mac chutijic ri yo'm chquiwäch tak tiox ri xa e banom cumal winak, xukuje' chubanic que jas ri cäca'n ri tz'i' ri xak cäquirik quib, man c'o tä qui pixab.

K'iche' (New Orthography)

¹⁴ K'o k'u ri man utz taj ri tajin kinwil chawij, chi e k'o jujun winaq awuk' ri man käkaj taj käkiya kan ru tijonik ri tat Balaam ri xukoj u k'ux ri tat Balac rech keutaqchi'j ri winaq aj Israel che mak chutijik ri yo'm chkiwäch taq tiox ri xa e b'anom kumal winaq, xuquje' chub'anik ke jas ri käka'n ri tz'i' ri xaq käkiriq kib', man k'o tä ki pixab'.

Apocalipsis 2:14 ပူးပေါင်းရင်းမြစ်များ

Ri Isaiy 57:14

Cätataj c'u na u bixic: “Chisuc'umaj jun lianicalaj be, chiwesaj ri queyo'w latz' rech coc'ow ri nu tinimit.”

Ri Jeremiy 6:21

Rumal ri', ri Ajawaxel cubij: “Quenbana' chi cuchak'ij rib we tinimit ri' cätzak c'ut. Tataxelab xukuje' c'ojolaxelab, c'ulja tak xukuje' ri e utz tak cuc', xukuje' ri e are' quecäm na'.”

Ri Ezequiel 3:20

Xukuje' we ne je cac'ulmataj wa' chi jun suc'alaj winak cutanaba' u takexic ri suc'alaj u c'aslemal cutakej ta c'u u banic ri etzelal, quinban c'u che chi xak quieb cubij puwi' chi catzakic; we c'u man caya' u bixic che, cäcäm na. In man quinwajilaj ta ri utzil chrij ri u banom can nabe, cäcäm c'u na u mac rech ri u mac, quinta' c'u na chawe jasche xcämic.

Ri Ezequiel 44:12

Ri e are' xec'oji' che qui patanixic ri aj israelib che u c'amic u be ri k'ijilanic chque tak ri e diosib, ruc' c'ut ri u banic wa' xquibano chi xemacun ri aj israelib. Rumal ri' caquitoj na ri macaj ri xquibano. In, ri Ajawaxel, quinjiquiba' u bixic.

Ajilanic 24:14

Utz ba ri', quintzelej chupam ri wulew; quinbij c'u na canok chawe ri cuban na we tinimit ri' pa tak ri k'ij ri quepe na ruc' ri a tinimit.”

Ajilanic 31:16

E are' c'u ne xebux ajchak'mac rumal ri u yoj no'j ri Balaam, xequic'am bic ri aj israelib che u c'ulelaxic ri Ajawaxel xquik'ijilaj c'ut ri Baal-peor. Rumal rech wa' ri Ajawaxel xuc'äjisaj u wäch ri u tinimit rumal jun cämisanic.

Ajilanic 31:8

Xquicämisaj ri Ebi, ri Requem, ri Zur, ri Hur xukuje' ri Reb, ri u bixic, ri job ajawinelab aj madianib, xukuje' ri Balaam (ri u tat ri Balaam are' ri Beor).

Ri Matey 18:7

¡C'ax c'u cäpe paquiwi' ri winak ri' ri e c'o cho ri uwächulew ri cumal quepe tak ri macaj!; rajawaxic c'ut chi quepe na ri takchibal tak macaj; ¡c'ax c'u cäpe puwi' ri winak ri' ri quebutakchi'j ri niq'uiaj pa ri macaj!

Hechos 15:29

Mebitij qui ti'jal awaj ri e chi'm che tabal tok'ob chque ri e diosib, mebitij quic'. Mebitij quiti'jal awaj ri quejitz'itajic. Miban macunic cuc' achijab ixokib. We c'u kas quichajij iwib chi man quebiban ta wa', utz ri quibano. Chixuchajij ba' ri Dios.”

Hechos 21:25

Uj tz'ibaninak c'u bic chque ri man aj judeyib taj ri e cojoninak, chi man cuya' taj cäquitij ri ti'j ri pilom che tabal tok'ob chquiwäch ri e diosib, mawi quic', mawi qui ti'jal awaj ri e jitz'am, xukuje' chi man cäquiban ta ri macunic cuc' achijab ixokib.”

Romanos 11:9

Xukuje' xubij ri David: “Aretak cäquiban tak wa'im pa mexa, chux tzakibal xukuje' chapbal, rech cäquichak'ij ri cakan, tojbal q'uexel chque.

Romanos 14:13

Je c'u ri', mäkak'atala' chi tzij pakawi'. Xane' are chichomaj chi man quiban ta chque ri iwachalal chi quetzakic o quekaj pa mac.

Romanos 14:21

Are utz na ri man u tijic ta ti'j, mawi ruq'uiaxic u wa'l uva, mawi caban ta jun jasach ri cuchak'ij ta wi rib ri awachalal.

Romanos 9:32

¿Jasche? Rumal rech chi man xquitzucuj ta ri suq'uil ruc' cojonic, xane' ruc' ri chac. Xetzak c'u puwi' ri abaj re tzakibal.

1 Corintios 1:23

Are c'u ri uj cäkatzijoj ri Crist ri xrip cho ri ripibal: abaj re tzakibal chque ri aj judeyib, xa' c'u conil chque ri man aj judeyib taj,

1 Corintios 7:2

Xa' c'u ne, u mac rech ri quibanic macunic cuc' ixokib achijab, chquijujunal c'ut ri achijab rajawaxic cac'oji' ri kas ri quixokil, chquijujunal c'ut ri ixokib rajawaxic cac'oji' ri kas cachajil.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Ri Josue 24:9

Are' chi c'u ri Balac, ri u c'ojol ri Zipor, ajawinel pa Moab, xpe che u banic ch'o'j iwuc'. Ri Balac xutak ri Balaam, u c'ojol ri Beor, rech qui xuc'okoj.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

2 Pedro 2:15

Qui yo'm c'u can ri suc'alaj be, e sachinak, qui takem ri u be ri Balaam u c'ojol ri Beor, ri xulok'ok'ej ri tojbal re ri u banic ri etzelal.

Ri Juds 1:11

¡C'ax que! rumal rech chi pa ri u be ri Cain e benak wi. E sachinak. Rumal ri u rayixic puak xquiban que jas ri sachinakil ri Balaam. Cäsach c'u qui wäch jas ri Core', ri xuc'ulelaj ri takanic, man xunimaj taj.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Apocalipsis 2:4

C'o c'u jas quinna' chawij, chi a yo'm can ri lok'ok'ebal c'u'x ri c'o awuc' nabe.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.