Apocalipsis 19:20 - Quiché Bible

²⁰ Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Xchap kꞌu ri nimalaj awaj rachiꞌl ri xujaluj chi qꞌalajisal tzij are waꞌ ri xubꞌan kꞌutbꞌal chikimenkꞌetixik ri xkikꞌam ri retal ri aꞌwaj xuqujeꞌ man xkiqꞌijilaꞌj ta ri tzꞌaq rech ri awaj. Kikobꞌchal e kꞌaslik xekꞌyaq bꞌik pa ri cho rech qꞌaqꞌ ri yaꞌtal azufre chupam.

K'iche'

²⁰ Xchap c'u ri xibibalalaj awaj junam ruc' ri jun ri cuban che rib chi are k'alajisal re ru Lok' Pixab ri Dios, ri u banom cajmabal tak etal chuwäch ri xibibalalaj awaj. Cumal c'u we cajmabal tak etal ri' xeusub ri winak ri xquiya quib chi coc ri retal ri xibibalalaj awaj chque, ri xukuje' xquik'ijilaj ru wächbal. Ri xibibalalaj awaj xukuje' ri jun ri cuban che rib chi are k'alajisal re ru Lok' Pixab ri Dios, e c'aslic xeq'uiäk bi pa ri k'ak' ri je' jas jun nimalaj mar ri sibalaj cänicow ruc' azufre.

K'iche' (New Orthography)

²⁰ Xchap k'u ri xib'ib'alalaj awaj junam ruk' ri jun ri kub'an che rib' chi are q'alajisal re ru Loq' Pixab' ri Dios, ri u b'anom kajmab'al taq etal chuwäch ri xib'ib'alalaj awaj. Kumal k'u we kajmab'al taq etal ri' xeusub' ri winaq ri xkiya kib' chi kok ri retal ri xib'ib'alalaj awaj chke, ri xuquje' xkiq'ijilaj ru wächb'al. Ri xib'ib'alalaj awaj xuquje' ri jun ri kub'an che rib' chi are q'alajisal re ru Loq' Pixab' ri Dios, e k'aslik xek'iäq b'i pa ri q'aq' ri je' jas jun nimalaj mar ri sib'alaj känikow ruk' azufre.

Apocalipsis 19:20 ပူးပေါင်းရင်းမြစ်များ

Chapletajic 19:24

ri Ajawaxel xujabij k'ak' xukuje' asupre jacha' ri jäb puwi' ri Sodom, xukuje' ri Gomor,

Ri Job 18:15

Cät'ik k'ak' che ri rachoch; cajopix na asubre chquipam tak ri rulew.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!

Ri Isaiy 30:33

Sibalaj ojer suc'umam ulok che ri Asiriy xukuje' che ri rajawinel jun c'olbal re c'axc'ol ri nim u wäch xukuje' naj u pam, jun k'ak' nicowisam ri yo'm sibalaj si' chupam. Are ri ruxlab ri Ajawaxel cänicowisan na jacha' jun nima' re asubre.

Ri Isaiy 34:9

Ri nima' ri e c'o pa Edom quebux na k'ol, ri puc'uc' ulew ri c'o chila' cux na asubre ri ulew cäc'at na jacha' k'ol.

Ri Ezequiel 24:5

Chac'ama' jun chque ri chij ri sibalaj utz na, chebamulij c'u si' chuxe' rech sibalaj cächok'caric, c'ä quechak'aj na tak ri bak.

Ri Daniel 11:45

quebujekeba' c'u ri kajebal aj ajawinel chuxo'l ri plo ruc' ri tastalic juyub re ri je'lical. Chila' c'ut copan wi na ri k'ijol re ri u cämical, man c'o ta c'u jachin jun cäto'wic.’ ”

Ri Daniel 8:24

Cäc'oji' na nimalaj u chuk'ab, man c'u ruc' taj ri kas u cuinem; ri sachoj wächaj ri cuban na man cojel taj cäch'äcan c'u na pa ronojel ri cubana'. Cusachisaj na qui wäch cowilaj tak achijab xukuje' e q'ui che ri u tinimit ri Dios.

Ri Daniel 8:26

Ri c'utwächinic que ri benak tak k'ij xukuje' can ri que tak ri ak'abibal e k'alajisam chawäch, kas c'u tzij wa'; are c'u ri at xak chc'ol pa awanima' queban c'u na wa' aretak e oc'owinak chic q'ui k'ijol.’

Ri Matey 7:15

“Chichajij iwib chquiwäch ri winak ri cäquijaluj quib chi e k'axal tak tzij. Ri e are quebul iwuc', je ta ne e chij, are c'u ri chquipam e tokinelab tak utiw.

U Camulixic ri Pixab 29:23

cäquil c'u na chi ronojel ri ulew xa asubre chic, xa atz'am chic xukuje' c'atinak ulew. Man c'o ta chi jas cuya' cätic pa we ulew ri'. Man cuya' ta chic u wächinic mawi k'ayes cäq'uiy chi chuwäch, jas ri xc'ulmatajic aretak xeporox tak ri tinimit re Sodom, re Gomor, ri Adma xukuje' ri Zeboim, ri xsachisax qui wäch rumal ri Ajawaxel pa ri u k'ak'al ri royowal.

Ri Josue 8:23

Xuwi xquic'asba' canok ri rajawinel ri Hai, ri xquichapo xquic'am c'u bic chuwäch ri Josue.

Apocalipsis 14:10

are ri' caruq'uiaj na re ri u wa'l uva ri c'äjisabal u wäch rumal ri Dios, ri man c'o ta jun jasach chic yujam ruc', suc'umam pa ri lak re ri royowal. Curik na c'ax rumal ri k'ak' xukuje asubre chquiwäch ri e tastalicalaj tak tako'nib aj caj xukuje' chuwäch ri Alaj Chij.

Apocalipsis 17:12

Ri lajuj uc'a' ri e awilom are quebubij ri lajuj ajawinelab, ri c'ä maja' cäquic'am cajawibal. Cäquic'am c'u na takanic re ajawinel xa' jun jok'otaj, cachil c'ut ri itzel awaj.

Apocalipsis 19:19

Xinwilo chi ri itzel awaj xukuje' ri ajawinelab re ri uwächulew cuc' ri cajch'ojab qui mulin quib che u banic ch'o'j chrij ri Jun ri t'uyul chrij ri quiej xukuje' che u banic ch'o'j chquij ri rajch'ojab.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Apocalipsis 9:17

Je quilic wa' ri quiej ri xebenwil pa ri c'utwächinic, xukuje' ri e quiejeninak chquij qui cojom ch'ich' cho qui c'u'x che u to'ic quib. Ri ch'ich' are quiäk je ta ne k'ak', azul, xukuje' k'an je ta ne asubre. Ri qui jolom ri quiej je jas ri qui jolom ri coj. Pa qui chi' quel wi ulok k'ak', sib, xukuje' asubre.