Apocalipsis 19:10 - Quiché Bible

¹⁰ Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Xinxukiꞌ cho ri ángel chuqꞌijilaꞌxik, xpe kꞌut xubꞌij chwe: Chatwaꞌjiloq, man katxukiꞌ ta chinuwach are chaqꞌijilaꞌj ri Dios in in awach patanijel jeꞌ jas ri aꞌwachalal ri e kojoninaq che ri Jesús. Jeriꞌ rumal ri ukꞌutuꞌn ri Jesús are ketaqchiꞌn ri winaq rech amaqꞌel kakitzijoj.

K'iche'

¹⁰ Xinxuqui c'u chuwäch ri ángel chuk'ijilaxic. Ri are' c'ut xubij chwe: ¡Maban wa'! Ri in xukuje' xak in patänil re ri Dios je' jas ri at, junam cuc' ri awachalal ri jicom canima' chrij ri kas tzij ri xuk'alajisaj ri Jesús. Are chak'ijilaj ri Dios, —xcha chwe. Ri kas tzij ri xuk'alajisaj ri Jesús, are c'u wa' ri cäyo'w qui chuk'ab ri k'alajisal tak re ru Lok' Pixab ri Dios.

K'iche' (New Orthography)

¹⁰ Xinxuki k'u chuwäch ri ángel chuq'ijilaxik. Ri are' k'ut xub'ij chwe: ¡Mab'an wa'! Ri in xuquje' xaq in patänil re ri Dios je' jas ri at, junam kuk' ri awachalal ri jikom kanima' chrij ri qas tzij ri xuq'alajisaj ri Jesús. Are chaq'ijilaj ri Dios, —xcha chwe. Ri qas tzij ri xuq'alajisaj ri Jesús, are k'u wa' ri käyo'w ki chuq'ab' ri q'alajisal taq re ru Loq' Pixab' ri Dios.

Apocalipsis 19:10 ပူးပေါင်းရင်းမြစ်များ

Ucab Ajawinelab 17:36

Chiya' k'ijilanic chwe in, chwe in ri Ajawaxel ri i Dios, ri xixesan ulok pa Ejipt ruc' ri u cojic ri nimalaj u cuinem. Xuwi chwe in rajawaxic quiya' wi k'ijilanic, xukuje' chimeja' wi iwib xukuje' chebichi'j wi tabal tak tok'ob.

Salmib 45:11

cäbe c'u ranima' ri ajawinel ruc' ri a je'lal; are' awajaw rajawaxic catniman che.

Elem 34:14

Mik'ijilaj jule' tak dios chic, rumal rech chi ri Ajawaxel achixomanel. Dios achixomanel ri u bi'.

Ri Daniel 2:46

Xuxucuba' c'u rib ri ajawinel Nabucodonosor chuwäch ri Daniel, xupachba' c'u ri u jolom c'ä cho ri ulew xtakan c'ut chi cachi'x tabal tak tok'ob chuwäch xukuje' c'oc' k'ol.

Ri Daniel 7:10

jun nima' re k'ak' quel ulok, chuwäch ri are'. Mil chi mil quepatanij che, miyon chi miyon e tac'ätoj chuwäch. Ri k'atan tzij xchapletaj c'ut ri k'atan tzij, xejak c'u tak ri wuj.

Ri Matey 4:10

Xubij c'u ri Jesus che: “¡Jät, Satanas! Tz'ibatal c'ut: ‘Chak'ijilaj ri Ajawaxel a Dios, xak xuwi c'u ri are capatanij.’ ”

Marcos 5:22

Xpe jun achi, Jair u bi', are qui nimal ri e c'o pa ri ja ri cäquitijoj wi quib ri aj judeyib che ri pixab. Aretak xril ri Jesus, xumej rib chuwäch.

Marcos 7:25

Chanim c'ut xretamaj jun ixok chi ri Jesus c'o chila'. Ri ixok ri c'o jun alaj ral ali ri c'o jun itzelalaj uxlabal che. Xopan c'u ruc' ri Jesus, xxuqui' chuwäch.

Ri Lucax 1:19

Ri tako'n aj caj xubij che: “In Gabriel, in tac'al chuwäch ri Dios. In takom ulok che a ch'abexic, che u tzijoxic we utzalaj tak tzij ri' chawe.

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Ri Xuan 5:39

Chebisiq'uij ri e Tz'ibatalic, quichomaj c'ut chi chquipam wa' quirik wi ri junalic i c'aslemal. E are c'u wa' ri queyo'w k'alajisanic chwij.

Hechos 10:43

Conojel c'ut ri e k'axal tak tzij qui yo'm u bixic ri Jesus, quibim c'ut chi jachintak ri quecojon che are' caquic'amowaj na ri cuyubal macaj rumal ri are'.”

Hechos 13:27

Ri e aj Jerusalen xukuje' ri e c'amal qui be man xquich'ob ta u wäch ri Jesus. Man xquich'ob taj ri tz'ibatal cumal ri e k'axal tak tzij ri cäsiq'uix u wäch ronojel k'ij re uxlanem. Xequitz'akatisaj aretak xquic'okoj ri Jesus.

2 Corintios 8:7

Ri ix sibalaj utz quiban pa ronojel: utz ri i cojonic, utz ri i tzij, xukuje' utz ri iwetamabal. Sibalaj quicoj i chuk'ab che ri chac xukuje' ri ka lok'exic iwumal. Jeri', xukuje' utz chibana' pa we tok'ob ri'.

Efesios 5:15

Kas chiwila' na jas ri quibano. Miban iwe jas ri man c'o ta qui no'j, xane' chibana' iwe jas ri c'o qui no'j.

Efesios 5:33

Ri ix c'ut chijujunal chi lok'ok'ej ri iwixokil jas ri u lok'ok'exic iwib. Ri ixok xukuje' rajawaxic nim cäril wi ri rachajil.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

1 Tesalonicenses 5:15

Chiwila' iwib chi ma ta c'o jun cutoj che jun chic etzelal che u q'uexel etzelal. Xane', are chichuk'ubej ri u banic ri utzil amak'el, jacha' ri quiban chixo'l ix je chibana' cuc' conojel.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

1 Juan 5:10

Apachin ri cäcojon che ri u C'ojol ri Dios, ruc'am we k'alajisanic ri' pa ri ranima'. Apachin ri man cäcojon taj, u banom chi ri Dios are banal tzij, rumal rech chi man cojoninak ta che ri u tzij ri Dios aretak xuk'alajisaj ri u C'ojol.

1 Juan 5:21

Lok'alaj tak walc'ual, mebiwokaj ri e diosib.

Apocalipsis 1:1

Are' wa' ri k'alajisanic re ri Jesucrist ri xuya' ri Dios che, rech cuk'alajisaj chquiwäch ri e pataninel tak rech ri xacol man quec'ulmatajok. Ri Jesucrist xutak c'u ri u tako'n aj caj che u ya'ic u k'alajisaxic che ri Xuan ri pataninel rech.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Apocalipsis 12:11

Ri e are' xech'äcan puwi' rumal ri u cuinem ri u quiq'uel ri Alaj Chij, xukuje' rumal ri tzij rech ri u k'alajisanic. Man nim ta xquil wi ri qui c'aslemal, xane' utz xquil wi quecämic rumal rech ri Crist.

Apocalipsis 12:17

Xpe c'u royowal ri dragon chrij ri ixok. Xbe c'u che ch'ojinic chquij ri niq'uiaj e rija'l chic, ri qui nimam u banic ri u takanic ri Dios, jekel c'ut ri u k'alajisanic ri Jesus cuc'.

Apocalipsis 14:7

Xubij ruc' chuk'ab: “Chixe'j iwib chuwäch ri Dios. Chinimarisaj u k'ij, rumal rech chi xopan ri jok'otaj aretak cuk'at tzij. Chik'ijilaj ba ri xbanow ri caj, ri ulew, ri plo xukuje' ri e u q'uiyibal tak ja'.”

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Apocalipsis 19:9

Ri tako'n aj caj xubij chwe: “Chatz'ibaj: ‘Utz que ri e ula'm rech quebe pa ri wa'im re ri u c'ulanem ri Alaj Chij.’ ” Xukuje' xubij chwe: “We tzij ri' kas e u tzij ri Dios.”

Apocalipsis 4:10

ri juwinak quiejeb nimak tak tatayib quexuqui' chuwäch ri t'uyul pa ri tem re ajawibal, cäquik'ijilaj ri c'asal amak'el chbe k'ij sak, cäquiya' ri qui corona' chuwäch ri tem, cäquibij: