Apocalipsis 18:8 - Quiché Bible

⁸ Rumal ri', xa' pa jun k'ij quepe na ri u rikoj c'ax: quepe na cämical, bis, wi'jal, xukuje' cäporox na pa k'ak'. C'o u chuk'ab ri Ajaw Dios ri cuk'attzij puwi'.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Rumal riꞌ, xa pa jun qꞌij kepe na ri kꞌaxkꞌolal puꞌwiꞌ: kamikal, oqꞌej, numik xuqujeꞌ kaporox na pa ri qꞌaqꞌ, jeriꞌ rumal cher ri kwinel laj Dios ri Ajawxel kubꞌan na ri qꞌatoj tzij.

K'iche'

⁸ Rumal ri' xa pa jun k'ij quepe na ronojel ru c'äxc'ol puwi'. Cäpe na cämical, cäpe na bis, xukuje' wi'jal. Cäporox c'u na ruc' k'ak'. Je ri', rumal chi ri Dios sibalaj c'o u chuk'ab, ri Kajaw Dios ri u k'atom tzij puwi' chi cäc'äjisax u wäch.

K'iche' (New Orthography)

⁸ Rumal ri' xa pa jun q'ij kepe na ronojel ru k'äxk'ol puwi'. Käpe na kämikal, käpe na b'is, xuquje' wi'jal. Käporox k'u na ruk' q'aq'. Je ri', rumal chi ri Dios sib'alaj k'o u chuq'ab', ri Qajaw Dios ri u q'atom tzij puwi' chi käk'äjisax u wäch.

Apocalipsis 18:8 ပူးပေါင်းရင်းမြစ်များ

Ri Job 9:19

¿We ta quincoj ri chuk'ab? Ri are' c'o na u chuk'ab. ¿We ta quinsiq'uij pa k'atbal tzij? ¿Jachin ta lo ri cäbe che u q'uexwäch?

Salmib 62:11

Man xa ta jumul o camul nu tom wa' ri u bim ri Dios: chi ri cuinem xukuje' ri lok'ok'ebal c'uxaj, e rech, ri are' c'ut quetojow chquijujunal jas ri u cholajil ri u banom.

Ri Isaiy 27:1

Pa ri k'ij ri' ri Ajawaxel cuc'äjisaj na u wäch ruc' ri u ch'ich' re ch'o'j ri xibibal, ri sibalaj nim ri xukuje' c'o u chuk'ab, ri Lebiatan, ri cumätz ri sotolic, ri Lebiatan, ri cumätz ri c'osq'uic rij, xukuje' cucämisaj na ri dragon ri c'o pa ri plo.

Ri Isaiy 9:14

Are c'u ri Ajawaxel xuban che ri rajawibal ri Israel jacha' ri cäban che u t'oyic u je' jun awaj xukuje' ri u jolom, jacha' ri cuban jachin jun ri quebut'akij tut junam cuc' xic'ay xak junam cuban chque. ¡Ronojel wa' cäc'ulmataj xa pa jun k'ij!

Ri Jeremiy 50:31

Ri Ajawaxel ri c'o ronojel u cuinem je cubij wa: “Nim tinimit walijisal rib, in in c'o che a c'ulelaxic; opaninak ba' ri a k'ij ri k'ijol che u c'äjisaxic ri a wäch.

Ri Jeremiy 50:34

Are c'ut ri torol quech c'o u chuk'ab ri u bi' are' ri Ajawaxel ri c'o ronojel u cuinem. Are' cabanow na ri suq'uilal piwi'; cuc'am na ulok ri jamaril che ri ulew xibriquil c'ut chque ri winak ri e c'o pa Babilon.”

Ri Jeremiy 51:58

In, ri Ajawaxel ri c'o ronojel nu cuinem, quincha': Ri e nimak tak u tapia ri Babilon ri nimak qui wäch quet'akix na c'ä chuxe', xukuje' ri e nimak tak uchi'ja queporox na. Xaklok' e chacuninak ri nimak tak tinimit, are c'ut ri e qui tijoj tak chuk'ab ri e qui banom cäsach na qui wäch chupam ri k'ak'.”

Ri Jeremiy 51:6

¡Chixanimajok chixel bic pa Babilon! ¡Cato'tajisaj rib jachin ri cäcuinic! ¡Mixcäm rumal ri u mac ri are'! Are k'ijol wa' rech ri nu yo'w q'uexelal, quintoj c'u na che jacha' ri takal che.

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

1 Corintios 10:22

O ¿la cäkayac royowal ri Ajawaxel? ¿La are ta c'u lo c'o na ka chuk'ab uj chuwäch ri are'?

Apocalipsis 11:17

Xquibij: “Cäkamaltioxij che la, Ajawaxel, Dios ri c'o ronojel cuinem uc' la, ri c'o la, ri c'o la ulok ojer, xukuje' cäpe na la, rumal rech chi c'amom la ri nimalaj chuk'ab la lal c'u ajawininak.

Apocalipsis 17:16

Ri lajuj ruc'a' ri awaj ri e awilom, cäquetzelaj na u wäch ri ajmacalaj ixok quech nim ch'utin, cäquiya' na canok xak u tuquiel ch'anal c'ut. Cäquitij na ri u ti'jal, cäquiporoj na ruc' k'ak'.

Apocalipsis 17:18

Ri ixok ri awilom, are cubij ri nimalaj tinimit ri cätakan paquiwi' ri ajawinelab re ri uwächulew.”

Apocalipsis 18:17

Xa c'u pa jun jok'otaj xsach u wäch ri nimalaj k'inomal.” Conojel ri e c'amal qui be ri nimak tak jucub, conojel ri quebe pa nimak tak jucub puwi' ri plo, ri quechacun pa ri nimak tak jucub, xukuje' conojel ri quechacun pa ri plo, xetaq'ui' chi naj.

Apocalipsis 18:19

Xquiya' ulew pa qui jolom, xquirak qui chi', xebok'ic, sibalaj xebisonic, je caquibij wa': “¡Tok'ob u wäch, tok'ob u wäch ri nimalaj tinimit! Conojel ri c'o nimak tak qui jucub pa ri plo e k'inomarinak rumal ri q'uialaj u k'inomal. ¡Xa c'u pa jun jok'otaj xsach u wäch ronojel!

Apocalipsis 19:3

Chucamul chic xquibij: “¡Chanimarisax u k'ij ri Ajawaxel! Cäpaki' ri u sibal ri ixok amak'el chbe k'ij sak.”