Apocalipsis 18:6 - Quiché Bible

⁶ Chiya' che jas ri u yo'm are' chque niq'uiaj chic, chicamulij ri rajil u q'uexel chiya' che. Chiyuju' jun uq'uia' che ri camul k'obisam chuwäch ri xuyuj chque niq'uiaj chic;

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Je chibꞌana che jetaq ri xubꞌan chike nikꞌaj chik, chibꞌana che chikutoj kebꞌ mul ri xubꞌano. Chibꞌana chi kunaꞌ kebꞌ mul qꞌoxomal jetaq ri xkinaꞌ nikꞌaj chik rumal rech.

K'iche'

⁶ Chibana che ri are' jas ru banom ri are' chque niq'uiaj chic, chiya u camul ri rajil u q'uexel che ri are' jas ri u banom chiwe. Chiyujaj ri cutijo, ri sibalaj c'äx na u tijic wa' chuwäch ri xuya ri are' chque niq'uiaj chic, chiya c'u wa' che.

K'iche' (New Orthography)

⁶ Chib'ana che ri are' jas ru b'anom ri are' chke nik'iaj chik, chiya u kamul ri rajil u k'exel che ri are' jas ri u b'anom chiwe. Chiyujaj ri kutijo, ri sib'alaj k'äx na u tijik wa' chuwäch ri xuya ri are' chke nik'iaj chik, chiya k'u wa' che.

Apocalipsis 18:6 ပူးပေါင်းရင်းမြစ်များ

Salmib 137:8

¡At Babilon, catwulix na! ¡Utz rech ri cayo'w chawe ri takal chawe u mac rech ri xaban chke!

Salmib 28:4

Chya' la chque ri takal chque, jas ri itzel tak qui chac; je tojbal chya' la chque jacha' ri etzelal ri qui banom.

Ri Isaiy 40:2

chich'abej ri Jerusalen pa utzil, chibij che chi ri patanijic ri e c'o wi q'uisnak u tza'm, chi xetojtaj ri u mac ri u banom, chi u c'amom chi pa nu k'ab ri u camul c'äjisabal wächaj rumal rech ronojel ri u mac.”

Ri Isaiy 61:7

Rumal c'u rech chi ri nu tinimit u rikom c'ax cacamulim resaxic u q'uixbal xukuje' tzurum, rumal ri' cucamulij na u c'amic k'inomal chupam ri rulew, curik c'u na quicotemal ri man c'o ta u q'uisic.

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ri Jeremiy 17:18

Chesaj la qui q'uixbal ri quebanow c'ax; ma ta c'u are' ri in; e are' ri' choc qui xi'b, ma ta c'u in. Bana' la chi chepet q'ui tak c'axc'ol paquiwi', chq'uisa' la qui muchic jumul xukuje' camul.

Ri Jeremiy 50:15

¡Chebiya' rakoj tak chi'aj re ch'o'j pa ronojel c'olbal! ¡Ri Babilon cujach rib! ¡Xetzak tak ri e u tac'atak tak ja, xewilij tak ri nimak tak tapia! ¡Are rajil c'axelal quinya'o: chiya' rajil c'axelal che! ¡Chibana' che junam jas ri xuban ri are'!

Ri Jeremiy 50:29

“¡Chebisiq'uij tak conojel ri e ajq'uiakal tak ch'ab rech quech'ojin ruc' ri Babilon! ¡Chisutij rij ri tinimit rech man c'o ta jun canimajic! ¡Chiya' rajil u q'uexel che jacha' ri takal che! ¡Junam chi bana' che jacha' ri xuban ri are'! Amak'el c'ut u walijisam rib chwij, chrij ri Ajawaxel, ri Tastalicalaj u Dios ri Israel.

Ri Jeremiy 51:24

“Chquiwäch c'ut ri kas e i bak'wäch ix, quinya' na ri rajil u q'uexelal che ri Babilon xukuje' chque conojel ri aj caldeyib jacha' ri takal chque, rumal ri c'ax ri xquiban che ri Sion. In, ri Ajawaxel quinjiquiba' u bixic.

Ri Jeremiy 51:49

Je, ri Babilon kas catzak wi na rumal rech ri cämisanic ri xuban che ri Israel xukuje' cumal quech ri cämisanic ri xeban pa ronojel ri uwächulew.”

Juyuwem 3:64

Chya' ba' la chque, Ajawaxel, ri takal chque, chya' ba' la chque jachique tak ri e takal chque tak ri e qui banoj.

Ri Zacariy 9:12

¡Ix, ri ix c'o che pataninelab ri amak'el c'o iweyebal c'uxaj, chixtzelej chupam ri cowilaj i tinimit! Quinbij chiwe chi ri tewichibal ri quenya' chiwe quincamulij na che u q'uexwäch ri c'ax ri xiriko.

2 Timoteo 4:14

Ri Alejandr ri ch'ayal ch'ich', u banom q'ui etzelal chwe. Ri Ajawaxel chtojow che jas ri u chac u banom.

Apocalipsis 13:10

We c'o jun cäc'am bic pa chapbal, pa chapbal cäbe wi na. We c'o jun cäcämisan che ch'ich' re ch'o'j, rajawaxic chi cäcämisax na che ch'ich' re ch'o'j.” Che wa' cajwataj wi ri quicoch'onic xukuje' ri quijiquil ri e tastalic tak winak aj Dios.

Apocalipsis 14:10

are ri' caruq'uiaj na re ri u wa'l uva ri c'äjisabal u wäch rumal ri Dios, ri man c'o ta jun jasach chic yujam ruc', suc'umam pa ri lak re ri royowal. Curik na c'ax rumal ri k'ak' xukuje asubre chquiwäch ri e tastalicalaj tak tako'nib aj caj xukuje' chuwäch ri Alaj Chij.

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 17:2

Ri ajawinelab aj uwächulew xemacun ruc' ri ajmacalaj ixok quech nim ch'utin. Rumal ri u wa'l ri u uva, ri e jekel cho ri uwächulew e k'abarinak rumal ri u macunic ri ixok ri quech nim ch'utin.”

Apocalipsis 17:4

Ri ixok u cojom atz'iak morato xukuje' quiäk, wiktal ruc' k'an puak, cuc' je'lalaj tak abaj pakal tak cajil, xukuje' cuc' tak perl. C'o jun lak re k'an puak pa u k'ab, nojinak che nimalaj c'ulelanic re yok'onic, xukuje' che ri u tz'ilol ri u macunic.

Apocalipsis 18:20

Caj, chatquicot puwi' ri tinimit, ix tastalic tak winak aj Dios, ix takomxenlab, xukuje' ix k'axal tak tzij, u banom c'ut ri Dios ri suq'uilal chiwe rumal ri u c'äjisaxic u wäch.”