Apocalipsis 18:10 - Quiché Bible

¹⁰ E tac'atoj c'u apan chi naj, rumal rech chi cäquixe'j quib chuwäch ri c'ax ri xuriko, cäquibij: “¡C'ax awe, c'ax awe, nimalaj tinimit, Babilon, ri tinimit ri c'o u chuk'ab! Xa' c'u pa jun jok'otaj xpe ri k'atan tzij pawi'.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri winaq we xkil we kꞌax riꞌ ketakꞌiꞌ apanoq naj che ri tinimit xuqujeꞌ kakibꞌij: Kꞌax, kꞌax rech ri nimalaj tinimit Babilonia, aninaq xtukitajik ri sibꞌalaj kwinel laj tinimit.

K'iche'

¹⁰ Naj quetaq'ui wi na che rumal ri qui xibriquil. Sibalaj cäquixej na quib che ri nimalaj c'äjisabal u wäch ri tajin curiko, cäquibij c'u na: ¡Ay! ¡Tok'ob a wäch, nimalaj tinimit Babilonia, tinimit ri nim u k'ij! Xak te'talic xpe ri c'äx pa wi', xc'äjisax c'u a wäch, —quecha na.

K'iche' (New Orthography)

¹⁰ Naj ketak'i wi na che rumal ri ki xib'rikil. Sib'alaj käkixej na kib' che ri nimalaj k'äjisab'al u wäch ri tajin kuriqo, käkib'ij k'u na: ¡Ay! ¡Toq'ob' a wäch, nimalaj tinimit Babilonia, tinimit ri nim u q'ij! Xaq te'talik xpe ri k'äx pa wi', xk'äjisax k'u a wäch, —kecha na.

Apocalipsis 18:10 ပူးပေါင်းရင်းမြစ်များ

Ri Isaiy 21:9

Quinwil c'ut chi petinak jun carwaj jururem cumal quieb quiej.” C'o c'u jun je xubij wa': “¡Xkaj ri Babilon, xkaj ri Babilon! Conojel tak ri e qui wächbal ri e qui diosib xecanaj cho ri ulew xquiban ch'akatak.”

Ri Isaiy 47:9

Man c'o ta c'u canabej, xa pa jun k'ij quepe na we quiäkasakil ri' pawi': catcanaj na malca'n ixok, xukuje' man e c'o ta chi awal, pune' c'u quebaban q'ui k'ijinic xukuje' quebaban jalan tak qui wäch subunic.

Ri Jeremiy 30:7

¡Canakajin jun xibibalalaj k'ij, jun k'ij ri man c'o ta chi jun ri junam ta ruc'! Are jun k'ijol re c'ayilaj c'axc'ol che ri u tinimit ri Jacob, quinto'tajisaj c'u na in.

Ri Ezequiel 32:9

Aretak copan qui tzijol ri u sachisaxic a wäch pa tak ri ulew ri man aweta'm ta qui wäch, quinban na chi quebel na ch'u'j q'ui tinimit.

Ri Joel 1:15

¡Ay, cänakajin ri u k'ij ri Ajawaxel! ¡Xibibalalaj k'ij, ri cuc'am ulok sachoj wächaj pakawi' rumal ri c'o ronojel u cuinem!

Ri Amos 5:16

Je cubij wa' ri Ajawaxel, ri Dios ri c'o ronojel ri u cuinem: “Cho conojel tak ri c'ayibal queban wi ok'ej, pa conojel ri e u xo'l tak ja e c'o rakoj tak chi'aj re k'oxomal. Quebequisiq'uij tak na ri e aj juyub che u banic bisonic, xukuje' ri e nawinelab tak aj ok'ej ri are qui chac tak ri u banic juyuwem.

Ajilanic 16:34

Aretak xetatajic chi caquirak qui chi', conojel ri aj israelib ri xeriktaj chquinakaj xexiq'uinic xebanimajic je xquibij wa': “¡Mujubik' ne bic ri ulew uj xukuje'!”

Apocalipsis 11:8

Ri qui cuerp queya' na can pa ri nim be pa ri nimalaj tinimit, jawije' xrip wi ri Cajaw cho ri ripibal. Pa c'ambal no'j, cäbix Sodom xukuje' ri Ejipt che u bi' ri tinimit ri'.

Apocalipsis 14:8

Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 17:12

Ri lajuj uc'a' ri e awilom are quebubij ri lajuj ajawinelab, ri c'ä maja' cäquic'am cajawibal. Cäquic'am c'u na takanic re ajawinel xa' jun jok'otaj, cachil c'ut ri itzel awaj.

Apocalipsis 18:18

Aretak xquil ri u sibal ri tinimit ri cäc'atic, xquirak qui chi', xquibij: “¿La c'o ta chi lo jun tinimit ri junam ruc' we nimalaj tinimit ri'?”

Apocalipsis 18:19

Xquiya' ulew pa qui jolom, xquirak qui chi', xebok'ic, sibalaj xebisonic, je caquibij wa': “¡Tok'ob u wäch, tok'ob u wäch ri nimalaj tinimit! Conojel ri c'o nimak tak qui jucub pa ri plo e k'inomarinak rumal ri q'uialaj u k'inomal. ¡Xa c'u pa jun jok'otaj xsach u wäch ronojel!

Apocalipsis 18:21

Jun cowilaj tako'n aj caj xuwalijisaj jun abaj jas jun nimalaj ca', xuq'uiak bic pa ri plo, xubij: “Je u q'uiakic wa' ri nimalaj tinimit Babilon cäbanic ruc' chuk'ab, mawi jumul cäriktaj chic.

Apocalipsis 18:8

Rumal ri', xa' pa jun k'ij quepe na ri u rikoj c'ax: quepe na cämical, bis, wi'jal, xukuje' cäporox na pa k'ak'. C'o u chuk'ab ri Ajaw Dios ri cuk'attzij puwi'.”